កាលពីអំឡុងខែសីហា ឆ្នាំ២០២២ កន្លងទៅ ក្រុមហ៊ុនផលិតរថយន្ដជប៉ុន Toyota បានបោះទុនវិនិយោគចំនួន ៣៦.៨ លានដុល្លារ បង្កើតរោងចក្រដំឡើងរថយន្ដរបស់ខ្លួននៅកម្ពុជាដែលឈ្មោះថា Toyota Tsusho Manufacturing (Cambodia) Co., Ltd. (“TTMC”) ដើម្បីលក់នៅទីផ្សារក្នុងស្រុក និងនាំចេញផងដែរ។
តាមការចុះផ្សាយពីក្រុមហ៊ុន Toyota Cambodia កាលពីថ្ងៃទី១៥ ខែវិច្ឆិកា ឆ្នាំ២០២២ បានឲ្យថា ក្រុមហ៊ុននឹងដំឡើងរថយន្តប្រភេទ Pick-up និង SUV ដូចជា TOYOTA HILUX និង TOYOTA FORTUNER។
ជាមួយគ្នានេះក្នុងកិច្ចប្រជុំកំពូលអាស៊ាន លើកទី៤០-៤១ និងកិច្ចប្រជុំកំពូលពាក់ព័ន្ធ ធ្វើឡើងនៅរាជធានីភ្នំពេញ កាលពីសប្ដាហ៍កន្លងទៅ ក្នុងជំនួបទ្វេភាគីរវាងរដ្ឋាភិបាលកម្ពុជា និងរដ្ឋាភិបាលជប៉ុន ក្រុមហ៊ុន Toyota Tsusho បានចុះហត្ថលេខាលើអនុស្សរណៈយោគយល់គ្នា ជាមួយរាជរដ្ឋាភិបាលកម្ពុជាផងដែរ។
សូមជម្រាបផងដែរថា គម្រោងរោងចក្រដំឡើងរថយន្ដដំបូងរបស់ក្រុមហ៊ុន Toyota នេះ មានទីតាំងស្ថិតនៅសេដ្ឋកិច្ចពិសេស រ៉ូយ៉ាល់ គ្រុប ភ្នំពេញ។ ហើយរោងចក្រថ្មីនេះដែលក៏បានបង្កើតឱកាសការងារចំនួន ១៥០ នាក់៕
អត្ថបទ៖ កឹម ប៊ុនធឿន
