បច្ចុប្បន្នការប្រើប្រាស់រថយន្ដនៅកម្ពុជា គឺមានការកើនឡើងគួរឲ្យកត់សម្ពាល់ មិនថារថយន្ដមួយទឹក ឬថ្មីនោះទេ។ កត្ដាទាំងនេះហើយបានធ្វើឲ្យក្រុមហ៊ុនរថយន្ដល្បីៗ និងវិនិយោគិនធំៗមួយចំនួន បានសម្រេចបោះទុនវិនិយោគបើករោងចក្រដំណើររថយន្ដរបស់ខ្លួននៅកម្ពុជាដើម្បីចែកចាយលក់ក្នុងស្រុក និងនាំចេញទៅក្រៅស្រុកផងដែរ។
ក្នុងឱកាសនេះដែរ Business Cambodia សូមលើកយកយីហោរថយន្ដចំនួន ៣ ដែលជាយីហោល្បីៗរបស់ប្រទេសជប៉ុន និងសហរដ្ឋអាមេរិក បានកំពុងបង្ហាញវត្ដមាននៅក្នុងប្រទេសកម្ពុជា ដែលក្នុងនោះរួមមាន៖
១. រោងចក្រដំឡើងរថយន្ដ Ford
រោងចក្រដំណើររថយន្ដរបស់សហរដ្ឋអាមេរិកមួយនេះ បានមានវត្ដមាននៅក្នុងប្រទេសកម្ពុជាកាលពីដើមឆ្នាំ២០២២ កន្លងទៅ។ ដោយរោងចក្រដំឡើងរថយន្ដនេះ ត្រូវបានវិនិយោគដោយក្រុមហ៊ុន RMA Cambodia ដែលមានទុនសរុបចំនួន ២១ លានដុល្លារ។ រោងកច្រមួយនេះមានទីតាំងស្ថិតនៅភូមិសាវ័ន ឃុំស្នាអន្សា ស្រុកក្រគរ ខេត្ដពោធិ៍សាត់។
២. រោងច្រកដំឡើងរថយន្ដ Toyota
កាលពីចុងឆ្នាំ២០២២ កន្លងទៅនេះក្រុមហ៊ុន Toyota Tsusho Manufacturing (Cambodia) Co., Ltd. បានបោះទុនវិនិយោគចំនួន ៣៦.៨ លានដុល្លារដើម្បីបង្កើតរោងចក្រដំឡើងរថយន្ដម៉ាក Toyota នៅកម្ពុជា។ គម្រោងរោងចក្រដំឡើងរថយន្ដដំបូងរបស់ក្រុមហ៊ុន Toyota នេះ មានទីតាំងស្ថិតនៅសេដ្ឋកិច្ចពិសេស រ៉ូយ៉ាល់ គ្រុប ភ្នំពេញ។
តាមការបញ្ជាក់ពីក្រុមហ៊ុន Toyota នៅពេលរោងចក្រខាងលើបើកដំណើរការ ក្រុមហ៊ុននឹងដំឡើងរថយន្តប្រភេទ Pick-up និង SUV ដូចជា TOYOTA HILUX និង TOYOTA FORTUNER។
៣. រោងចក្រដំឡើងរថយន្ដ Isuzu
កាលពីថ្ងៃទី២៩ ខែមីនា កន្លងទៅនេះរោងចក្រដំឡើងរោងចក្ររថយន្ដ Isuzu ដែលជាយីហោល្បីរបស់ ១ ដែរនោះ បានបើកដំណើរការជាផ្លូវការ។ រោងចក្រតម្លៃ ៧.៥ លានដុល្លារនេះត្រូវបានវិនិយោគដោយក្រុមហ៊ុន K (Cambodia) Co., Ltd។
សូមជម្រាបថា រោងចក្រដំឡើងរថយន្ដថ្មីនេះ មានទីតាំងស្ថិតនៅតាមបណ្តោយផ្លូវជាតិលេខ៤ ភូមិសង្គ្រោះជាតិ ឃុំត្រពាំងគង ស្រុកគងពិសី ខេត្តកំពង់ស្ពឺ បានបង្កើតការងារជូនពលរដ្ឋ ១៦៦ នាក់ផងដែរ៕
អត្ថបទ៖ កឹម ប៊ុនធឿន
