បញ្ជីរាយនាមទ្រព្យសម្បត្តិសរុបរបស់ជនជាតិអាស៊ី គឺផ្អែកទៅលើការវាយតម្លៃទ្រព្យសម្បត្តិសុទ្ធ និងទ្រព្យសកម្ម ដែលត្រូវបានចងក្រង និងបោះពុម្ពដោយទស្សនាវដ្តី Forbes។ ក្នុងនោះ ប្រទេសក្នុងដែនដីអាស៊ីចំនួន ០៣ ដែលមានមហាសេដ្ឋីច្រើនជាងគេគឺ៖ ចិនដីគោក (៣០៦) ឥណ្ឌា (២១០) និងហុងកុង (៧១)។

ខាងក្រោមនេះ គឺជាឈ្មោះមហាសេដ្ឋីមានជាងគេបំផុតទាំង២០ លើដែនដីអាស៊ីអាគ្នេយ៍ និងរបរដែលពួកគេកំពុងរកស៊ី ចេញផ្សាយដោយទស្សនាវដ្តី Forbes សម្រាប់ដើមឆ្នាំ២០២២៖

១/. Mukesh Ambani៖ កើតក្នុងឆ្នាំ ១៩៥៧ (៦៥ឆ្នាំ) ជាមហាសេដ្ឋីជំនួញជនជាតិឥណ្ឌា។ លោកគឺជាប្រធាន នាយកគ្រប់គ្រង និងម្ចាស់ភាគហ៊ុនធំជាងគេនៃក្រុមហ៊ុន Reliance Industries Ltd. (RIL) ដែលជាក្រុមហ៊ុន Fortune Global 500 និងក្រុមហ៊ុនដ៏មានតម្លៃបំផុតរបស់ឥណ្ឌាតាមតម្លៃទីផ្សារ។ បច្ចុប្បន្នលោកគឺជាអ្នកមានជាងគេនៅអាស៊ី ដែលមានទ្រព្យសម្បត្តិសរុប ៩០ពាន់លានដុល្លារ និងជាអ្នកមានបំផុតទី ១១ នៅលើពិភពលោកគិតត្រឹមថ្ងៃទី០២ ខែធ្នូ ឆ្នាំ ២០២១។

២/. Gautam Shantilal Adani៖ កើតក្នុងឆ្នាំ១៩៦២ (៦០ឆ្នាំ) ជាមហាសេដ្ឋីជំនួញជនជាតិឥណ្ឌា។​ លោកគឺជាប្រធាន និងជាស្ថាបនិកនៃក្រុមហ៊ុន Adani Group។ លោកមានទ្រព្យសម្បត្តិសរុបប្រមាណ ៨៨.៤៥ ពាន់លានដុល្លារ ក្នុងដើមឆ្នាំ២០២២នេះ។

៣/. Zhong Shanshan៖ កើតក្នុងឆ្នាំ១៩៥៤ (៦៧ឆ្នាំ) គឺជាមហាសេដ្ឋីជំនួញជនជាតិចិន។ លោកគឺជាស្ថាបនិក និងជាប្រធានក្រុមហ៊ុនភេសជ្ជៈ Nongfu Spring និងជាម្ចាស់ភាគហ៊ុនច្រើនជាងគេនៃក្រុមហ៊ុន Beijing Wantai Biological Pharmacy Enterprise។ លោកមានទ្រព្យសម្បត្តិសរុបប្រមាណ ៦៩.៨ពាន់លានដុល្លារ ក្នុងដើមឆ្នាំ២០២២នេះ។

៤/. Ma Huateng៖ កើតក្នុងឆ្នាំ១៩៧១ (៦៧ឆ្នាំ) គឺជាមហាសេដ្ឋីជំនួញជនជាតិចិន។ លោកគឺជាស្ថាបនិក ប្រធាន និងជានាយកប្រតិបត្តិនៃក្រុមហ៊ុន Tencent ដែលជាក្រុមហ៊ុនដ៏មានតម្លៃបំផុតមួយនៅអាស៊ី។ លោកមានទ្រព្យសម្បត្តិសរុបប្រមាណ ៦៥.២ពាន់លានដុល្លារ ក្នុងដើមឆ្នាំ២០២២នេះ។

៥/. Colin Huang៖ កើតក្នុងឆ្នាំ ១៩៨០ (៥០ឆ្នាំ) ជាមហាសេដ្ឋីជំនួញជនជាតិចិន។ លោកគឺជាស្ថាបនិក និងជាអតីតនាយកប្រតិបត្តិនៃក្រុមហ៊ុន e-commerce Pinduoduo ដែលបានបន្តក្លាយជាវេទិកាកសិកម្មដ៏ធំបំផុតនៅក្នុងប្រទេសចិន។ លោកមានទ្រព្យសម្បត្តិសរុបប្រមាណ ៥៦.៥ពាន់លានដុល្លារ ក្នុងដើមឆ្នាំ២០២២នេះ។

៦/. Jack Ma៖ កើតក្នុងឆ្នាំ១៩៦៤ (៥៨ឆ្នាំ) គឺជាមហាសេដ្ឋីជំនួញជនជាតិចិន។ លោកគឺជាសហស្ថាបនិក និងជាអតីតប្រធានប្រតិបត្តិនៃក្រុមហ៊ុន Alibaba Group ដែលជាក្រុមហ៊ុនបច្ចេកវិទ្យា និងកាន់កាប់ទ្រព្យសម្បត្តិសរុបប្រមាណ ៤៨.៤ពាន់លានដុល្លារ ក្នុងដើមឆ្នាំ២០២២នេះ។

៧/. Masayoshi Son៖ កើតក្នុងឆ្នាំ១៩៥៧ (៦៥ឆ្នាំ) គឺជាមហាសេដ្ឋីជំនួញ ជនជាតិជប៉ុន។ លោកគឺជាស្ថាបនិក ប្រធាន និងជានាយកប្រតិបត្តិ (CEO) នៃក្រុមហ៊ុនភាគហ៊ុនជប៉ុន SoftBank នាយកប្រតិបត្តិនៃក្រុមហ៊ុន SoftBank Mobile និងជាប្រធានក្រុមហ៊ុន Arm Holdings ដែលមានមូលដ្ឋាននៅចក្រភពអង់គ្លេស។ គិតត្រឹមដើមឆ្នាំ២០២២នេះ លោកមានទ្រព្យសម្បត្តិសរុបប្រមាណ ៤៥.៤ពាន់លានដុល្លារ។

៨/. Tadashi Yanai៖ កើតក្នុងឆ្នាំ១៩៤៩ (៧៣ឆ្នាំ) គឺជាមហាសេដ្ឋីជំនួញ ជនជាតិជប៉ុន។ លោកគឺជា ស្ថាបនិក និងជាប្រធានក្រុមហ៊ុន Fast Retailing។ គិតត្រឹមខែតុលា ឆ្នាំ២០២១ លោកគឺជាអ្នកមានបំផុតនៅក្នុងប្រទេសជប៉ុន ជាមួយនឹងទ្រព្យសម្បត្តិសរុបប្រមាណ ៣៣.៤ ពាន់លានដុល្លារ និងជាមហាសេដ្ឋីលំដាប់ទី៤០ នៅលើពិភពលោក យោងតាមសន្ទស្សន៍មហាសេដ្ឋី Bloomberg ។

៩/. Wang Wei៖ កើតក្នុងឆ្នាំ១៩៧០ (៥២ឆ្នាំ) គឺជាមហាសេដ្ឋីជំនួញ ជនជាតិចិន។ លោកគឺជាស្ថាបនិក និងជាប្រធានក្រុមហ៊ុន SF Express ដែលជាក្រុមហ៊ុនដឹកជញ្ជូន និងដឹកជញ្ជូនពហុជាតិដែលមានមូលដ្ឋាននៅទីក្រុង Shenzhen។ លោកមានទ្រព្យសម្បត្តិសរុបប្រមាណ ៣៩ពាន់លានដុល្លារ ក្នុងដើមឆ្នាំ២០២២នេះ។

១០/. He Xiangjian៖ កើតក្នុងឆ្នាំ១៩៤២ (៥២ឆ្នាំ) គឺជាមហាសេដ្ឋីជំនួញ ជនជាតិចិន។ លោកគឺជាសហស្ថាបនិកនៃក្រុមហ៊ុន Midea ដែលជាក្រុមហ៊ុនផលិតឧបករណ៍ដ៏ធំបំផុតមួយរបស់ប្រទេសចិន។ នៅខែកញ្ញា ឆ្នាំ២០២១ ទ្រព្យសម្បត្តិសរុបរបស់លោកត្រូវបានប៉ាន់ប្រមាណថាមានចំនួន $២៨.៨ពាន់លានដុល្លារដោយ Bloomberg Billionaires Index។

១១/. Zhang Yiming៖ កើតក្នុងឆ្នាំ១៩៨៣ (៣៩ឆ្នាំ) គឺជាមហាសេដ្ឋីជំនួញ ជនជាតិចិន។ លោកបានបង្កើត ByteDance ក្នុងឆ្នាំ២០១២ ហើយបានបង្កើតភ្នាក់ងារប្រមូលព័ត៌មាន Toutiao និងវេទិកាចែករំលែកវីដេអូ TikTok (Douyin/抖音) ដែលពីមុនត្រូវបានគេស្គាល់ថា Musical.ly។ យោងតាម ​​Bloomberg Billionaires Index Zhang ទ្រព្យសម្បត្តិផ្ទាល់ខ្លួនរបស់លោកត្រូវបានប៉ាន់ប្រមាណថាមានចំនួន $៤៤.៥ពាន់លានដុល្លារ។

១២/. Li Ka-shing៖ កើតក្នុងឆ្នាំ១៩២៨ (៩៣ឆ្នាំ) គឺជាមហាសេដ្ឋីជំនួញហុងកុង អ្នកវិនិយោគ និងសប្បុរសជនមួយរូប។ គិតត្រឹមខែមិថុនា ឆ្នាំ២០១៩ លោក Li គឺជាអ្នកមានបំផុតទី៣០ នៅលើពិភពលោក និងមានទ្រព្យសម្បត្តិសរុបប្រមាណ ៣៣.៧ពាន់លានដុល្លារ ក្នុងដើមឆ្នាំ២០២២នេះ។

១៣/. Qin Yinglin៖​ កើតក្នុងឆ្នាំ១៩៦៥ (៥៨ឆ្នាំ) គឺជាមហាសេដ្ឋីកសិកម្មចិន និងជាកសិករដែលមានជាងគេបំផុតលើពិភពលោក។ គាត់គឺជាប្រធាន និងជាប្រធានក្រុមហ៊ុនចិញ្ចឹមជ្រូក Muyuan Foodstuff។ យោងតាម ​​Bloomberg Billionaires Index ទ្រព្យសម្បត្តិសុទ្ធរបស់គាត់ត្រូវបានប៉ាន់ប្រមាណថាមានចំនួន ៣៣.៥ពាន់លានដុល្លារ គិតត្រឹមខែមករា ឆ្នាំ២០២២។

១៤/. Ding Lei៖ កើតក្នុងឆ្នាំ១៩៧១ (៥០ឆ្នាំ) គឺជាមហាសេដ្ឋីជំនួញចិន ជាស្ថាបនិក និងជានាយកប្រតិបត្តិនៃ NetEase (163.com)។ ទ្រព្យសម្បត្តិផ្ទាល់ខ្លួនរបស់លោកត្រូវបានប៉ាន់ប្រមាណថាមានចំនួន ៣៣ពាន់លានដុល្លារ។

១៥/. Lee Shau-kee៖ កើតក្នុងឆ្នាំ១៩២៨ (៩៤ឆ្នាំ) គឺជាមហាសេដ្ឋីអចលនទ្រព្យជនជាតិកូរ៉េ និងជាម្ចាស់ធំជាងគេនៃក្រុមហ៊ុន Henderson Land Development។ ទ្រព្យសម្បត្តិផ្ទាល់ខ្លួនរបស់លោកត្រូវបានប៉ាន់ប្រមាណថាមានចំនួន ៣១.៧ពាន់លានដុល្លារ គិតត្រឹមចុងឆ្នាំ២០២១។

១៦/. Yang Huiyan៖ កើតក្នុងឆ្នាំ១៩៨១ (៤០ឆ្នាំ) ជា​មហាសេដ្ឋីជំនួញជនជាតិចិន និង​ជា​អ្នក​អភិវឌ្ឍ​អចលនទ្រព្យ។ អ្នកស្រី គឺជាម្ចាស់ភាគហ៊ុនធំជាងគេនៃក្រុមហ៊ុន Country Garden Holdings និងជាស្ត្រីដែលមានជាងគេបំផុតនៅអាស៊ី។ បច្ចុប្បន្នអ្នកស្រីមានទ្រព្យសម្បត្តិសរុបប្រមាណ ២៩.៦ពាន់លាលដុល្លារ។

១៧/. Robin Zeng៖ កើតក្នុងឆ្នាំ១៩៦៨ (៥២ឆ្នាំ) គឺជាសហគ្រិនមហាសេដ្ឋីចិន។ លោកគឺជាស្ថាបនិក និងជាប្រធានក្រុមហ៊ុនផលិតថ្ម Contemporary Amperex Technology (CATL)​ និងកាន់កាប់ទ្រព្យសម្បត្តិសរុបប្រមាណ ២៨.៤ពាន់លានដុល្លារ។

១៨/. Hui Ka Yan៖ កើតក្នុងឆ្នាំ១៩៥៨ (៦២ឆ្នាំ) គឺជាមហាសេដ្ឋីជំនួញជនជាតិចិន និងជាប្រធានក្រុមហ៊ុន Evergrande Group ដែលជាអ្នកអភិវឌ្ឍន៍អចលនទ្រព្យរបស់ចិន។ គិតមកទល់នឹងពេលនេះ លោកមានទ្រព្យសម្បត្តិសុទ្ធប្រមាណ ២៧.៧ពាន់លានដុល្លារ។

១៩/.Pang Kang៖​ កើតក្នុងឆ្នាំ១៩៥៦ (៦៦ឆ្នាំ) គឺជាមហាសេដ្ឋីជំនួញជនជាតិចិន និងជាប្រធានក្រុមហ៊ុន Foshan Haitian Flavoring & Food Co។ លោកត្រូវបានគេប៉ានប្រមាណថា មានទ្រព្យសម្បត្តិសរុបចំនួន ២៦.៤ពាន់លានដុល្លារ។

២០/. Wang Xing៖ កើតក្នុងឆ្នាំ១៩៧៩ (៤៣ឆ្នាំ) ជាមហាសេដ្ឋីជំនួញជនជាតិចិន និងនាយកប្រតិបត្តិក្រុមហ៊ុន Meituan-Dianping។ ទស្សនាវដ្ដី Forbes ប៉ាន់ប្រមាណថាទ្រព្យសម្បត្តិរបស់លោកមានចំនួន ២១.៥ពាន់លានដុល្លារ គិតត្រឹមខែកក្កដា ឆ្នាំ២០២១៕

អត្ថបទដោយ៖ កាន់ ដារ៉ា (ស្មេរពនេចរ) ម្ចាស់ស្នាដៃសៀវភៅ «ក្រដាស១សន្លឹក»

ទំនាក់ទំនងតាមរយៈ៖ Facebook Page: Kan Dara ឬ Telegram: 0964997366