មេរៀននៅសាលាគឺអ្នកត្រូវរៀនសិន​ ទើបយកចំណេះដឹងដែលអ្នកចេះទៅអនុវត្តបង្កើតជាលទ្ធផល។ រីឯមេរៀនជីវិតវិញ គឺអ្នកត្រូវប្រឡូក ត្រូវឆ្លងកាត់វាសិនទើបអ្នករៀនមេរៀនដ៏មានតម្លៃតាមក្រោយ។ ប៉ុន្តែត្រូវចាំថាមេរៀនជីវិតគឺល្វីងជូរចត់ និងត្រូវឆ្លងកាត់ការឈឺចាប់ច្រើនជាងមេរៀននៅសាលា។  

ឆ្លុះបញ្ចាំងមកដំណើរជីវិតរបស់លោក ឈឿន សុធី ហៅ So Yin លោកធ្លាប់ឆ្លងកាត់នូវភាពបរាជ័យយ៉ាងជោគជាំក្នុងការរកស៊ីរហូតដល់ទៅរាប់សែនដុល្លារ ទម្រាំអាចរៀនសូត្រពីកំហុស និងយកមេរៀនទាំងនោះមកវិនិយោគ ឌីហ្សាញអនាគតជាថ្មី រហូតមានភាពជោគជ័យមួយដំណាក់កាល លើជំនួញគ្រឿងអលង្ការ នៅលើទឹកដីបាត់ដំបង។

ចាប់កំណើតក្នុងឆ្នាំ១៩៩១ នៅលើទឹកដីស្រុកបាណន់ ខេត្តបាត់ដំបង ថៅកែហាង T-Man គ្រឿងអលង្ការ រូបនេះ ធ្លាប់មានប្រវត្តិជាក្មេងឃ្វាលគោ ដែលរៀនបានត្រឹមថ្នាក់ទី៧ប៉ុណ្ណោះ។ ក្រទាំងទ្រព្យ ក្រទាំងចំណេះ ទើបក្មេងគង្វាលគោរូបនេះ ធ្លាប់ត្រូវគេមើលងាយថាគ្មានចំណេះដឹងក្នុងខ្លួនផងដែរ។  

ក្រោយបញ្ចប់ការសិក្សានៅឆ្នាំ២០០៤ យុវជនចិត្តសឿងរូបនេះ បានធ្វើចំណាកស្រុក ទៅធ្វើជាកម្មករសំណង់នៅលើទឹកដីប្រទេសថៃចំនួន២ឆ្នាំ។ ខ្សែជីវិតចេះតែរសាត់អណ្ដែត ប្រៀបដូចជាកម្ទេចចក ហូរតាមខ្សែទឹក គ្មានទិសដៅ មើលមិនឃើញពន្លឺអនាគត ទីបំផុតក្នុងឆ្នាំ២០០៩ លោកក៏បានប្រលងជាប់ ទៅធ្វើការនៅប្រទេសកូរ៉េ កាន់ផ្នែកឡានរយៈពេល៤ឆ្នាំ។

ធ្វើការបណ្ដើរ ព្រោះតែមហិច្ឆតាចង់មានចង់បាន នឹងអាលឆាប់ត្រឡប់មកកម្ពុជាវិញ លោកក៏ឆ្លៀតចេញរកស៊ីបណ្ដើរ ជាអកុសលត្រូវខាតបង់ប្រាក់រហូតដល់ទៅ២ម៉ឺនដុល្លារ។

ចុងឆ្នាំ ២០១៥ លោកក៏ត្រលប់មកមាតុភូមិវិញ ដោយចាប់ផ្ដើមរកស៊ីលើមុខរបរជាច្រើន ដូចជានាំចូលម៉ាស៊ីនលាងឡានទំនើបម៉ាក់ ឡាំបូហ្គីនី ( Lamborghini ) ពីប្រទេស ប៉ូឡូញ។  ជាសំណាងមិនល្អ ដោយសារពេលនោះ ខ្វះចំណេះដឹងបទពិសោធន៍ ក៏ខាតលុយ ១ម៉ឺន៥ពាន់ដុល្លារបន្ថែមជាលើកទី២។  

ក្រោយបរាជ័យជាបន្តបន្ទាប់ លោកក៏មិនព្រមបាក់ស្បាត រហូតហ៊ានបើកររបររកស៊ីតូចធំ ១០មុខទៀតក៏បរាជ័យទៀត ខាតជាទឹកលុយ១១ម៉ឺនដុល្លារនៅចុងឆ្នាំ២០២១។   ក្រោយបរាជ័យចុងក្រោយយ៉ាងធ្ងន់ធ្ងរ លោកក៏សម្រេចចិត្ត រកស៊ីរបរថ្មីបើករបរជាងទង ដែលជាជំនាញរៀនចេះពីលោកឪពុកក្មេក និងទទួលបានភាពរីកចម្រើនគួរឱ្យកត់សម្គាល់ផងដែរ។

បច្ចុប្បន្នលោកបើករោងជាងឈ្មោះ T-Man គ្រឿងអលង្ការ ដែលផ្ដល់សេវាកម្ម ដំបូងគេលើវិស័យគ្រឿងអលង្ការ ឌីហ្សាញម៉ូដគ្រប់តំរូវការ បោះដុំជ័រព្រីន  ធ្វើគ្រឿងអលង្ការបោះដុំតម្លៃធូរៗ និងគ្រឿងកម្មង់ពិសេសទូទាំង២៥ រាជធានីខេត្ត ដែលមានទីតាំងផលិតនៅក្រុងបាត់ដំបងផ្ទាល់តែម្ដង។

ឆ្លងកាត់ដំណើរជីវិតឡើងចុះក្នុង វិថីជីវិតជាអ្នករកស៊ី លោកចង់ចែករំលែកនូវចំណេះដឹង៣៦០ដឺក្រេ ដើម្បីច្បាំងឈ្នះភាពបរាជ័យគឺ ត្រូវមានការតស៊ូឱ្យខ្លាំងក្លា ស្រវាយកការរៀនសូត្រចំណេះដឹងនិងជំនាញ ឱ្យបានច្បាស់លាស់ ព្រោះគ្មានភាពមានបានណាបានមកដោយស្រួលនោះទេ។ ចំណេះដឹង៣៦០ដឺក្រេ របស់លោកនោះមាន៤ចំនុចគឺ៖

១.ចំណេះដឹង

២. បទពិសោធន៍

៣. ភាពកា្លហាន

៤. ឱកាស  

គួរជម្រាបថាបច្ចុប្បន្ន រោងជាង ធី-មេន គ្រឿងអលង្ការ គឺមានទំហំធំជាងគេក្នុងក្រុងបាត់ដំបង លើវិស័យរចនាឌីហ្សាញម៉ូដជូនភ្ញៀវ យ៉ាងសម្បូរបែប និងដំបូងគេលើគ្រឿងកម្មង់។ អ្វីដែលរឹតតែពិសេសគឺ ហាងរបស់លោកទទួលបានការគាំទ្រជាច្រើនពីភ្ញៀវនៅទូទាំង២៥រាជធានីខេត្ត និងធ្លាយទៅដល់ក្រៅប្រទេសទៀតផង។

ដោយសារលោកបានយល់ដឹងពីបញ្ហា អតិថិជនភ័យខ្លាច កម្មង់គ្រឿងអលង្ការមិនគ្រប់ទឹកមិន មានការទទួលខុសត្រូវ ទើបហាងលោកតែងប្រកាន់គោលការណ៍រកស៊ី៣ធំៗគឺ៖ ភាពស្មោះត្រង់ ស្នាដៃល្អប្រណិតភាព  និងតម្លៃល្អសមនឹងគុណភាព។

ធី-មេន គ្រឿងអលង្ការ ធំជាងគេក្នុងក្រុងបាត់ដំបង លើវិស័យរចនាឌីហ្សាញម៉ូដជូនភ្ញៀវ ហើយលោកក៏មានបង្រៀនផ្នែកលក់គ្រឿងអលង្ការ សម្រាប់អ្នកចង់រកស៊ីលើវិស័យនេះផងដែរ។ សម្រាប់ព័ត៌មានបន្ថែមសូមទំនាក់ទំនង T-Man គ្រឿងអលង្ការ ឬតាមទូរស័ព្ទលេខ  015 272 869​ ៕