សម្រាប់បងប្អូនដែលមានរបស់ចាស់ៗនៅផ្ទះធ្លាប់ប្រើហើយ ដូចជា តុ ទូ កៅអី និងរបស់របរផ្សេងទៀត ហើយចង់លក់ចេញទិញអីវ៉ាន់ថ្មីចូល តែមិនដឹងយកទៅលក់នៅឯណា អាចទៅសាកសួរយកទៅលក់នៅកន្លែងទិញអីវ៉ាន់ ៣ នេះ ៖
ហាងលក់របស់មួយទឹក សាគូរ៉ា មានលក់អីវ៉ាន់ សម្ភារប្រើប្រាស់ជាច្រើនប្រភេទដែលនាំចូលមកពីប្រទេសជប៉ុន ដែលសុទ្ធសឹងតែជារបស់ដែលមានគុណភាព ទាំងសម្ភារប្រើប្រាស់ដូចជា សម្លៀកបំពាក់ តុ ទូ កៅអី ល្បែកជើង សម្ភារតាំងលម្អផ្សេងៗទៀត។ជាមួយគ្នានេះដែរ ក្រៅពីមានលក់សម្ភារប្រើប្រាស់ជាច្រើនប្រភេទហើយនោះ សាគូរ៉ា ក៏មានទទួលទិញសម្ភារមួយទឹកផងដែរ មានដូចជាប្រភេទ តុ ទូ ធ្នើតាំងសៀវភៅ ជាដើម។ហេតុនេះសម្រាប់បងប្អូនដែលមានរបស់របរចាស់ៗដែលអាចប្រើម្តងទៀតបាន អាចធ្វើការសាកសួរព័ត៌មាន បន្ថែមនៅហាងសាគូរ៉ា ដែលនៅជិតលោកអ្នកបំផុត។
សម្រាប់ហាងលក់និងទិញអីវ៉ាន់មួយទឹកនេះមានទទួលទិញអីវ៉ាន់ប្រើប្រាស់គ្រប់ប្រភេទ ទាំងអីវ៉ាន់តាមក្រុមហ៊ុន ក៏ដូចជាតាមផ្ទះ និងតាមហាងជាដើម។ក្រៅពីទទួលទិញសម្ភារមួយទឹក ហាងលក់និងទិញអីវ៉ាន់មួយទឹកនេះក៏មានលក់របស់ប្រើប្រាស់ ថ្មីនិងមួយទឹកផងដែរ មានទាំងប្រភេទសម្ភារផ្ទះបាយ បន្ទប់គេង និងសម្ភារក្នុងការិយាល័យផ្សេងៗជាច្រើនទៀតផងដែរ។សម្រាប់ព័ត៌មានបន្ថែមបងប្អូនអាចធ្វើការទំនាក់ទំនងទៅកាន់លេខទូរស័ព្ទ ៖ 015997799 / 066997799 / 095997799 (Telegram)។
ជាក់ស្តែង ក្រៅពីហាងទាំង ២ ខាងលើ ក៏មានហាងមួយកន្លែងទៀតដែលទទួលទិញនូវអីវ៉ាន់មួយទឹកនេះផងដែរ នោះគឺហាង សាមកូ ដែលជាហាងមួយបង្កើតឡើងដោយម្ចាស់អាជីវកម្មវ័យក្មេងមួយរូបឈ្មោះថា ញឹក ឧត្តម ។សម្រាប់ហាង សាមកូ ដែលលោកបង្កើតឡើងនេះ មានគោលបំណងប្រមូលទិញនូវប្រភេទសម្ភារដែលប្រើប្រាស់រួចមកកែច្នៃខ្លះ ដើម្បីលក់ចេញប្រើប្រាស់ឡើងវិញម្តងទៀត ។
ចំពោះហាងមួយនេះ មានលក់និងទិញអីវ៉ាន់មួយទឹកគ្រប់ប្រភេទតាម ផ្ទះ ភោជនីយដ្ឋាន សណ្ឋាគារ ការិយាល័យ ។ល។ ដូចនេះសម្រាប់បងប្អូនដែលមានសម្ភារចាស់នៅផ្ទះ កន្លែងធ្វើការ ភោជនីយដ្ឋាន សណ្ឋាគារ អាចធ្វើការទំនាក់ទំនងទៅកាន់ហាង សាមកូ តាមរយៈលេខទូរស័ព្ទ ៖ 016979119 (តេឡេក្រាម) 0974046924 / 015979119 ៕
អត្ថបទដោយ៖សម្បត្តិ សុខឡាង
