«ធ្វើការយូរហើយ គ្មានសល់អី ដុះតែក្បាលពោះ» នេះគឺជាសម្តីដ៏ពេញនិយមមួយដែលយើងតែងឮចេញពីមាត់បុគ្គលិកមួយចំនួនចំអន់គ្នាលេង ប៉ុន្តែវាអាចជារឿងពិត។ ចុះបើបច្ចុប្បន្នវ័យក៏រៀងជ្រេ ប្រាក់ខែខ្ទង់ ៥០០ដុល្លារ តើគួរធ្វើបែបណាទើបអាចសល់ដីសល់ទ្រព្យនឹងគេ? ខាងក្រោមនេះគឺជារបស់ធំៗ ៣ ដែលអ្នកមានចំណូលមធ្យមគួរទិញ បើចង់ឆាប់សល់ទ្រព្យលឿន៖

១/. ទិញមូលបត្រ ឬភាគហ៊ុន៖ ការទិញមូលបត្រ ឬវិនិយោគក្នុងភាគហ៊ុនក្រុមហ៊ុនមានស្ថេរភាព គឺជាវិធីសាមញ្ញមួយដើម្បីបង្កើតប្រាក់ចំណូលបន្ថែម។ មូលបត្រអាចផ្តល់ប្រាក់ចំណូលជាប្រចាំខែ ខណៈដែលភាគហ៊ុនអាចផ្តល់ទាំងបែងចែកប្រាក់ចំណែក (dividend) និងការកើនឡើងតម្លៃនៅពេលក្រោយ។

២/. ទិញឧបករណ៍បង្កើតអាជីវកម្មខ្នាតតូច៖ អាចប្រើប្រាក់ដែលនៅសេសសល់ពីការចាំណាយចាំបាច់ ទិញឧបករណ៍ ឬសម្ភារៈដើម្បីបង្កើតអាជីវកម្មខ្នាតតូចដូចជា ម៉ាស៊ីនកាហ្វេ, ម៉ាស៊ីនថតព្រីន, ឧបករណ៍កសិកម្មតូចៗ ដែលអាចជួយអ្នករកចំណូលបន្ថែមក្រៅពីប្រាក់ខែ។ ថាមិនត្រូវអាជីវកម្មនោះ អាចរីកលូតលាស់ធំធាត់ ក្លាយជាប្រភពចំណូលរឹងមាំសម្រាប់អ្នកនាពេលអនាគតក៏អាចថាបាន។

៣/. ទិញអចលនទ្រព្យលើតំបន់ជាយក្រុង៖ លោក វ៉ា វណ្ណា អគ្គនាយកក្រុមហ៊ុន PROPERTDIA បានលើកឡើងថា អ្វីដែលយើងត្រូវធ្វើមុនគេគឺបង្កើនប្រភពចំណូលមួយឲ្យរឹងមាំសិនពីអាជីវកម្មឬការងារដែលយើងកំពុងធ្វើ រួចចាំគិតទៅដល់ការវិនិយោគ។ ការវិនិយោគលើអចលនទ្រព្យក្នុងរង្វង់ ឬក្នុងលទ្ធភាពដែលខ្លួនអាចទៅរួច ធ្វើឲ្យយើងចំណេញអាចក្លាយជាអ្នកមានបាន ប៉ុន្តែប្រសិនបើលទ្ធភាពខ្វះមុខខ្វះក្រោយ ជាពិសេសស្ថិតក្នុងស្ថានភាពខ្សោយការកំណត់ទុនបម្រុង ពិតជាពិបាកបន្តិចហើយ។

លោកបានបន្តទៀតថា៖ «ពេលលុយគ្រប់គ្រាន់ហើយ ការវិនិយោគនាពេលបច្ចុប្បន្នគួរតែទិញដីតំបន់ជាយក្រុង តំបន់ដែលត្រូវអភិវឌ្ឍបន្ត លទ្ធភាពយើងប៉ុនណា អាចសិក្សាតាមលទ្ធភាពយើងប៉ុនណឹងចុះ។ សម្រាប់អ្នកមានចំណូលមធ្យមពុំគួរវិនិយោគចំកណ្តាលក្រុងទេ កណ្តាលក្រុងអាចអ្នកដែលមានលុយច្រើន បើយើងចង់វិនិយោគបន្តិចម្តងៗមានតែជាយក្រុងគឺល្អជាងគេបំផុតហើយ»។

យ៉ាងណាមិញ ក្រៅពីទិញរបស់ទាំង ៣ ខាងលើ ការយកលុយដាក់សន្សំនៅធនាគារ ក៏ជាជម្រើសដ៏ល្អបំផុតមួយក្នុងការបង្កើតចំណូលអកម្មផងដែរ ប្រសិនបើអ្នកមិនទាន់ដឹងថាគួរយកលុយនោះទៅធ្វើអ្វី។ ជាក់ស្តែង ធនាគារវីង (Wing Bank) ដែលជាធនាគារកូនខ្មែរ បានបម្រើប្រជាជនខ្មែរប្រកបដោយទំនុកចិត្ត និងសុវត្ថិភាពខ្ពស់ ផ្តល់អត្រាការប្រាក់រហូតដល់ ៥.៥% ក្នុងមួយឆ្នាំ សម្រាប់គណនីបញ្ញើមានកាលកំណត់ ទាំងលុយរៀល និងលុយដុល្លារ។ សម្រាប់ព័ត៌មានលម្អិតសូមទំនាក់ទំនងទៅកាន់លេខទូរស័ព្ទ ០២៣ ៩៩៩ ៩៨៩ ឬចូលទៅកាន់គេហទំព័រ Wing Bank។

គួរជម្រាបផងដែរថា ចាប់ផ្តើមតាំងពីឆ្នាំ ២០០៨ ធនាគារ វីង បានក្លាយជាធនាគារពាណិជ្ជ ហើយជាធនាគារដែលលូតលាស់លឿនបំផុត និងជាធនាគារដែលទទួលបានការជឿទុកចិត្តជាងគេមួយនៅកម្ពុជា។ ដោយមានចក្ខុវិស័យច្បាស់លាស់ក្នុងការប្រើដំណោះស្រាយហិរញ្ញវត្ថុឌីជីថលដើម្បីធ្វើឱ្យប្រសើរឡើងនូវជីវភាពរស់នៅប្រចាំថ្ងៃរបស់ប្រជាជនកម្ពុជាគ្រប់រូប, ធនាគារ វីង បានសម្រេចការលូតលាស់ដ៏អស្ចារ្យ និងបានបង្កើតប្រព័ន្ធអេកូស៊ីស្ទឹមដ៏ធំទូលាយបំផុតនៅប្រទេសកម្ពុជា។ ធនាគារ វីង មានសាខាចំនួន ២៣, មានភ្នាក់ងារជាង ១១,០០០ កន្លែង, គាំទ្រអាជីវកម្មខ្នាតតូចនិងមធ្យមជាង ១៧០,០០០ និងបានផ្តល់សេវាកម្មជាង ១០០ ប្រភេទក្នុងអេបធនាគារ វីង៕

អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម    https://t.me/BusinessCambodiaBook