អ្នកឧកញ៉ា សួរ វីរៈ នាពេលបច្ចុប្បន្ននេះគឺជាអ្នកជំនួញជួរមុខមួយរូបដែលលេចធ្លោខ្លាំងនៅក្នុងប្រទេសកម្ពុជាជាពិសេសនោះគឺនៅក្នុងវិស័យដឹកជញ្ជូន ដែលយើងស្ទើរគ្រប់គ្នាបានស្គាល់ និងធ្លាប់បានប្រើប្រាស់សេវាកម្មនោះគឺក្រុមហ៊ុន វីរៈប៊ុនថាំ អេចប្រេស។ ដោយក្រុមហ៊ុនមួយនេះគឺមានសេវាកម្មដឹកជញ្ជូនទំនិញ និងអ្នកដំណើរទាំងក្នុងស្រុក និងក្រៅស្រុកថែមទៀតផង។ យ៉ាងណាក្រៅពីរកស៊ីនៅក្នុងវិស័យដឹកជញ្ជូន អ្នកជំនួញជួរមុខមួយរូបនេះក៏កំពុងកាន់កាប់រីស៊តល្បីខ្លាំងជាង១២កន្លែង នៅស្រុកខ្មែថែមទៀតដោយមានដូចជា៖

១.កោះអភិជនរីស៊ត(Koh Akpijun Resort)

កោះអភិជនរីស៊ត គឺជាកោះមួយដែលស្ថិតនៅលើដែនដីកោះស្ដេច ក្នុងស្រុកគិរីសាគរ ខេត្តកោះកុង។ កោះអភិជនរីសត ពិតជាមាន​ទេសភាព​ដ៏ស្រស់ស្អាតខ្លាំងមែនទែន ជាពិសេសនោះពណ៌ទឹកសមុទ្រថ្លាខៀវស្រងាត់ប្រៀបដូចជាកញ្ចក់ឆ្លុះ​ដល់​​បាត ឆ្នេរសាច់សម៉ដ្ឋក្បុសដ៏វែង ​​អមទៅដោយ​ផ្ទះស្នាក់នៅ រចនាឡើងយ៉ាងប្រណិតតម្រៀប​គ្នា​ជាជួរបណ្តែតពីលើ​ផ្ទៃទឹក សាកសមបំផុតសម្រាប់អ្នកដែលចូលចិត្តឯកជនភាព។ សាកសួរព៌ត៌មានបន្ថែមតាមរយៈលេខទូរស័ព្ទ +855​ 95 899 090 / 69 899 090។

២.ឧទ្យានបោះតង់ Camping Park by EHM 

ស្ថិតនៅក្នុងឧទ្យាជាតិគីរីរម្យ នៃខេត្តកំពងស្ពឺ ឧទ្យានបោះតង់នៅគីរីរម្យ គឺជាកន្លែងមួយថ្មីប្លែក ដែលទើបតែបើកដំណើរការនៅក្នុងខែកុម្ភៈ ឆ្នាំ២០២៣ កន្លងទៅនេះ។ កន្លែងមួយនេះស័ក្តិសមសម្រាប់អ្នកដែលចូលចិត្តបោះតង់លេង តែមិនចូលចិត្តលក្ខណៈផ្សងព្រេង។ នៅទីនោះ មានបន្ទប់ទឹក មីនីម៉ាត ហាងកាហ្វេ ឈុតអាហារគោឡើងភ្នំ Music Band ជាដើម។ ចំពោះការរៀបចំវិញ គឺស្រស់ស្អាតប្រៀបដូចនៅបរទេសអ៉ីចឹង ហើយលោកអ្នកចំណាយពេលត្រឹមតែ១ម៉ោងកន្លះតែប៉ុណ្ណោះ នឹងទៅដល់ឧទ្យានបោះតង់មួយនេះ។ សូមបញ្ជាក់ថា នៅក្នុងឧទ្យានបោះតង់ គឺគិតតម្លៃសេវាកម្មផ្សេងៗទៅតាមប្រភេទនីមួយៗ។សាកសួរព័ត៌មានបន្ថែមអំពីតម្លៃបន្ទប់ ឬកក់បន្ទប់តាមលេខទូរស័ព្ទ៖078 600 012​ /014 500 012។

៣. Eden Beach Resort

Eden Beach Resort ជារីស៊តល្បីមួយនៅកោះរ៉ុងសន្លឹមផ្តល់ជូនបន្ទប់មួយចំនួនដែលមានទេសភាពបែបសមុទ្រនឹងមានអាងទឹកអាចគយគន់ជាមួយនឹងទឹកសមុទ្រថ្លាឆ្វង់ដូចកញ្ចក់ដូចក្នុងគំនូរផងដែរ។ សាកសួរព័ត៌មានតាមលេខទូរស័ព្ទ +855 71 5222 610 / 71 5222 611។

៤.កោះស្តេចរីស៊ត (Koh Sdach Resort)

កោះស្ដេច រីសតក៏មានទីតាំងស្ថិតនៅ ភូមិកោះស្តេច ឃុំកោះស្ដេច ស្រុកគីរីសាគរ ខេត្តកោះកុងផងដែរ។ ខណៈកោះស្តេចរីស៊តនេះ គឺមានភ្ញៀវទេសចរសរសើរមិនដាច់ពីមាត់ហើយបានប្រៀបធៀបទៅនឹងឋានសួគ៌ជាប់មាត់សមុទ្រ ដោយធ្វើដំណើរជាពីរដំណាក់កាល គឺផ្លូវគោក និង ផ្លូវទឹកដោយជិះអូប័រ មានល្បឿនលឿនរបស់រីសតត្រឹមតែ៥នាទីពីផែប៉ុណ្ណោះ។ អ្វីដែលកាន់តែទាក់ទាញនៅកោះស្តេចរីស៊តនោះ គឺការហែលទឹកលេង, ស្ទូចត្រី, មើលផ្កាថ្ម, គយគន់ថ្ងៃលិច, ឆ្នេរសមុទ្រ, អាហារសមុទ្រស្រស់ៗ , ជិះទូកកាយ៉ាក, កន្លែងគេងជាប់មាត់សមុទ្រ និងចំណុចផ្សេងៗទៀតនៅរីសតផងដែរ។ សាកសួរព័ត៌មានបន្ថែមអំពីតម្លៃបន្ទប់ ឬកក់បន្ទប់តាមលេខទូរសព្ទ៖ 012 577 875 ( Cellcard ) ,081 577 875 ( Smart ) ។

៥. Mad Monkey Koh Sdach

រីស៊តម៉េតម័ងឃី (Mad Monkey Koh Sdach) បានក្លាយជាផលិតផលទេសចរណ៌ថ្មីស្រឡាងលើទឹកដីកោះស្តេចហើយផលិតផលមួយនេះបានក្លាយជាទំព័រប្រវត្តិសាស្រ្តថ្មីមួយទៀតដែលអាចទាក់ទាញទេសចរណ៌អន្តរជាតិអោយបានស្គាល់ទឹកដីកោះស្តេច ហើយកោះស្តេចនឹងសំបូរទៅដោយទេសចរណ៌បរទេសចរាចរណ៌ពាសពេញកោះជាក់ជាពុំខាន។ អាចសួរព័ត៌មានបន្ថែមតាមផេកផ្លូវការ៖ Mad Monkey Koh Sdach ។

៦.One Beach Resort

ប្រសិនជាលោកអ្នកចង់បំបាត់ភាពស្រ្តេសហើយស្វែងរកកន្លែងស្ងប់ស្ងាត់សម្រាប់សម្រាកលំហែរកាយកុំភ្លេចជ្រើសរើសស្នាក់នៅ វីឡាឯកជននៅ One Beach Resort by EHM។ លម្ហែរកាយបែបឯកជនភាពហើយអមជាមួយនឹងបរិយាកាសដ៏ស្រស់ស្រាយនាដែ​​នកោះរ៉ុងសន្លឹម ខេត្តព្រះសីហនុ។ អាចកក់បន្ទប់តាមលេខទូរស័ព្ទ៖ +855 16 592 282។

៧. Pidoma Resort by EHM 

តំបន់រមណីយ​ដ្ឋាន​មួយ​នេះ​ គឺពិត​ជា​ស័ក្តិសម​សម្រាប់​បងប្អូន​ដែល​​ចង់​ធ្វើ​ដំណើរ​កម្សាន្ត​ទៅ​កាន់​ខេត្ត​មណ្ឌលគិរី និង​ចង់​បាន​បទពិសោធន៍​ថ្មី​លក្ខណៈ​បែប​ធម្មជាតិ និង​ការ​ស្នាក់​នៅ​បែប​ទំនើប ជាមួយ​នឹង​បន្ទប់​ឯកជន លក្ខណៈ​គ្រួសារ ឬ​លក្ខណៈ​គូស្នេហ៍។ កាន់​តែ​ពិសេស​នោះ ​គឺ​ធ្វើ​ឱ្យ​ខ្លួន​ឯង បាន​ស្រូប​យក​ខ្យល់​ធម្មជាតិ​ព្រៃ​ភ្នំ​បរិសុទ្ធ​ ជាមួយ​នឹង​អាកាស​ធាតុ​ដ៏​ត្រជាក់ ​​ធ្វើ​ឱ្យ​រសាយ​បាត់​អស់​ទុក្ខ​កង្វល់​នានា។ រីស៊ត Pidoma Resort by EHM គឺមានទីតាំងស្ថិតនៅក្នុងខេត្តមណ្ឌគីរី  ​​ដែលបាន​បើក​ដំណើរ​ការ​ជាផ្លូវ​ការ កាល​ពី​ថ្ងៃទី​០១ ខែ​មេសា ឆ្នាំ​២០២២។ អាចសាកសួរព័ត៌មានបន្ថែមអំពីតម្លៃបន្ទប់ ឬកក់បន្ទប់តាមលេខទូរស័ព្ទ៖ 066 319 600/098 319 600 ។

៨. Romdoul Kirirom Resort by EHM រំដួលគីរីរម្យ រីស៊ត

ឧទ្យានបោះតង់ ​រំដួល​គិរីរម្យ ​​គឺជា​រីស៊ត​​ ដែល​លោកអ្នក​​អាច​ធ្វើដំណើរ​លើ​ផ្លូវ​ងាយស្រួល គ្រប់​ប្រភេទ​រថយន្ត​និង​ម៉ូតូ ​ត្រឹមតែ​ ១ម៉ោង៤០នាទីប៉ុណ្ណោះ ពីរាជធានីភ្នំពេញ តាមរយៈផ្លូវល្បឿនលឿន ​ច្រកត្រែងត្រយឹង។ រីស៊ត​នេះ មានគ្រប់​សព្វបែបយ៉ាងទាំងអស់ សម្រាប់​តម្រូវការលោកអ្នក ក្នុង​នោះ​​​មាន​ម្ហូបអាហារមិនបាច់ទិញពីក្រោមក៏បាន មានប្លង់ថតរូប​​​​​ស្អាតៗ​រាប់ពាន់​ប្លង់ និងបន្ទប់​ទឹកស្អាត មានបន្ទប់​ទឹកក្ដៅ/ត្រជាក់ក្នុង​បន្ទប់ Wifi មានល្បឿនលឿនភ្ជាប់ដោយសេរី ភោជនីយដ្ឋានមានលក់អាហារបីពេល ហាងកាហ្វេ ក៏ដូចជាមីនីម៉ាតផងដែរ។ ដូច្នេះបងប្អូនអាចសាកសួរព័ត៌មានបន្ថែមអំពីតម្លៃបន្ទប់ ឬកក់បន្ទប់តាមលេខទូរស័ព្ទ៖ 092 922 205/092 922 033។

៩.Romhaey Kirirom Resort

រីស៊តមួយនេះ គឺស្ថិតនៅលើកំពូលភ្នំគិរីរម្យហើយមានសម្លេងព្រៃប្រឹក្សានៅជាប់ជ្រលងភ្នំ ដែលវាជាកន្លែងស្នាក់នៅមួយសាកសមបំផុតសម្រាប់អ្នកចង់សម្រាកអារម្មណ៍ដោយការនាំខ្លួនឯងឡើងភ្នំ ជាមួយខ្យល់ធម្មជាតិលើភ្នំផងដែរ។ Romhaey Kirirom មានទីតាំងនៅលើកំពូលភ្នំគិរីរម្យជិតឧទ្យានបោះតង់​អាចទំនាក់ទំនងតាមលេខ 060 778 873/017 778 873 ។

១០. Royal Beach Resort & Residence

រីស៊តមួយនេះគឺមានទីតាំងស្ថិតនៅលើទឹកដីតារាសាគរ ខេត្តកោះកុងដែលមានអាងហែលទឹកនៅជាប់មាត់សមុទ្រដំបូងគេបង្អស់នៅក្នុងប្រទេសកម្ពុជាដែលមានប្រវែងវែងជាងគេ ដែលមានបន្ទប់ គេងជាលក្ខណៈគ្រួសារនិងលក្ខណៈផ្ទាល់ខ្លួនផងដែរ។សាកសួរព័ត៌មានបន្ថែមអំពីតម្លៃបន្ទប់ ឬកក់បន្ទប់តាមលេខទូរស័ព្ទ៖ (+855) 69 848 488/(+855) 99 848 488។

១១. Sara Resort

រីស៊តនេះគឺ បែរមុខទៅមាត់សមុទ្រ ដែលមានកន្លែងស្នាក់នៅលំដាប់ផ្កាយ៤ ស្ថិតនៅកោះរ៉ុងសន្លឹម និងមានសួនច្បារយ៉ាងស្រស់ស្អាតហើយមាន​សេវា​ដឹក​ជញ្ជូន​ដោយ​ឥត​គិត​ថ្លៃផងដែរ។ អាចធ្វើការកក់តាមរយៈលេខទូរស័ព្ទ៖ 097 986 5551។

១២. Tube Resort by EHM

Tube Resort គឺជាកន្លែងស្នាក់នៅលំដាប់ផ្កាយ ៤នៅកោះរ៉ុងសន្លឹម និងមានអាងហែលទឹកក្រៅ សួនច្បារ និងមានភោជនីយដ្ឋានផងដែរ។ចំពោះ រីស៊តមួយនេះគឺអាចគយគន់សម្រស់ឆ្នេរនាពេលថ្ងៃលិច​នៅកោះរ៉ុងសន្លឹមជាមួយនឹងធម្មជាតិ ដ៏ស្រស់បំព្រងធ្វើអោយអារម្មណ៍របស់អ្នកធូរស្រាលបាត់អស់នូវភាពតានតឹងផងដែរ។ សាកសួរព័ត៌មានបន្ថែមតាមរយៈលេខទូរស័ព្ទ៖ 077 745 745។

គួរជម្រាបថា សម្រាប់លោកអ្នកដែលចូលចិត្ដដើរកម្សាន្ដ អាចធ្វើដំណើរទៅកាន់រីស៊តថ្មីខាងលើនេះបាន៕