មហាសេដ្ឋី Bill Gates ម្ចាស់មូលនិធិ Bill & Melinda Gates Foundation បានប្រកាសថា គាត់នឹងបរិច្ចាគស្ទើរទាំងអស់នៃទ្រព្យសម្បត្តិប្រមាណ ២០០ ពាន់លានដុល្លារ តាមរយៈមូលនិធិនេះ ក្នុងរយៈពេល ២០ ឆ្នាំក្រោយ ដើម្បីជួយដល់វិស័យអប់រំ និងសុខភាព ជាពិសេសនៅទ្វីបអាហ្វ្រិក។ នេះបើយោងទីភ្នាក់ងារសារព័ត៌មាន The Daily Beast។

ថ្លែងក្នុងសុន្ទរកថាកាលពីដើមខែមិថុនា ឆ្នាំ ២០២៥ នៅទីស្នាក់ការសហភាពអាហ្វ្រិក ក្រុង Addis Ababa ប្រទេសអេត្យូពី មហាសេដ្ឋី Bill Gates បានលើកឡើងយ៉ាងដូច្នេះថា៖ «ភាគច្រើននៃមូលនិធិនឹងត្រូវចំណាយនៅអាហ្វ្រិក ដោយផ្តោតលើការការពារជំងឺ, ការលុបបំបាត់ភាពក្រីក្រ និងការកែលម្អវិស័យអប់រំ»។ ខណៈលោកទុកទ្រព្យសម្បត្តិត្រឹមតែ ១%ប៉ុណ្ណោះ សម្រាប់ចែកឲ្យកូនៗ។

យ៉ាងណាមិញ ការបរិច្ចាគដ៏អស្ចារ្យនេះ ក៏មានការរិះគន់ផងដែរ។ អ្នកវិភាគមួយចំនួនបានអះអាងថា ទោះបីមានប្រាក់ជំនួយច្រើនក៏ដោយ ប្រសិនបើរដ្ឋាភិបាលនៅអាហ្វ្រិកមិនមានប្រសិទ្ធភាពក្នុងការគ្រប់គ្រង ប្រាក់បរិច្ចាគនេះក៏មិនអាចនាំឲ្យមានការផ្លាស់ប្តូរដែលប្រសើរដល់ប្រជាជនបានឡើយ។ ប៉ុន្តែចំពោះលោក Bill Gates ចាត់ទុកការបរិច្ចាគនេះជាសកម្មភាពមនុស្សធម៌ដ៏ធំមួយក្នុងប្រវត្តិសាស្រ្ត ដែលអាចផ្លាស់ប្តូរជីវិតមនុស្សរាប់លាននាក់នៅទ្វីបអាហ្វ្រិក៕

អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម    https://t.me/BusinessCambodiaBook