នេះគឺជាដំណឹងដ៏ល្អមួយ សម្រាប់ពលករដែលត្រឡប់មកពីធ្វើការនៅក្រៅប្រទេស ដែលបានវឹលមករស់នៅប្រទេសកម្ពុជាវិញ ហើយចង់បានជំនាញពិតប្រាកដមួយសម្រាប់ខ្លួនឯងនៅថ្ងៃអនាគតបងប្អូនអាចទៅចុះឈ្មោះរៀននៅ HRCC- Happy Return Center of Cambodia បានខណៈកន្លែងមួយនេះមានវគ្គបង្រៀនជំនាញជាច្រើនសម្រាប់ពលករផងដែរ។
ជាក់ស្តែង នៅក្នុងបទសម្ភាសន៍ជាមួយក្រុមការងារចាបក្រហម លោក វុត្ថា សេដា ជាប្រធានគ្រប់គ្រងផ្នែកទីផ្សារ និងធុរកិច្ចថ្មី បាននិយាយថា ចំពោះវគ្គបណ្តាលបណ្តាលនេះគឺល្អបំផុតសម្រាប់ពលករដែលត្រឡប់មកកម្ពុជាវិញ ព្រោះ HRCC មានបណ្តុះជំនាញវិជ្ជាជីវៈដូចជា ជួសជុលរថយន្ត អគ្គិសនី រចនាផ្នែកខាងក្នុងនិងផ្សារដែក។ សម្រាប់វគ្គសិក្សាផ្នែកកសិកម្មវិញគឺមានដូចជា បណ្តុះជំនាញចិញ្ចឹមសត្វ និងដាំដំណាំ។
លើសពីនេះទៅទៀត ចំពោះវគ្គសហគ្រិនភាព ក៏មានការបណ្តុះបណ្តាលដោយផ្ទាល់ពីលោកគ្រូ សំ កុសល ដែលជាស្ថាបនិករបស់ Baksey Media វគ្គនេះគឺរៀនជាង២ខែ សម្រាប់អតីតពលករដែលបានត្រទ្បប់មកកម្ពុជាវិញ មានឱកាសរៀនដើម្បីត្រៀមចេញរកស៊ី។
ជាមួយគ្នានោះដែរ ឯកសារសម្រាប់ពលករដែលចង់ចុះឈ្មោះរៀនត្រូវត្រៀមដូចជា៖
១.អត្តសញ្ញាណបណ្ណថតចម្លងឬលិខិតឆ្លងដែន
២.លិខិតបញ្ជាក់ការងារថាបានទៅធ្វើការនៅក្រៅប្រទេស
៣.រូបថតទំហំ ៤គុណ៦ ចំនួន៥សន្លឹក
គួរបញ្ជាក់ថា សម្រាប់បងប្អូនដែលចាប់អារម្មណ៍ចង់ចូលរៀនអាចទៅចុះឈ្មោះនៅក្រសួងការងារ និងបណ្តុះបណ្តាលវិជ្ជាជីវៈ។ អ្វីដែលកាន់តែពិសេសនោះសិក្ខាកាម៣រូប នឹងទទួលបានប្រាក់ឧបត្ថម្ភបន្ថែមម្នាក់១ពាន់ដុល្លារពេលរៀនចប់ ជាទុនបន្តិចបន្តួចសម្រាប់ចាប់ផ្តើមរកស៊ី។ ចង់ចុះឈ្មោះសូមទាក់ទងតាមតេទ្បេក្រាម +855 89 446 438 ឬអាចឆាតទៅកាន់ផេកផ្លូវការរបស់ HRCC- Happy Return Center of Cambodia បាន៕
