ធ្លាប់មានប្រវត្តិជាគ្រូបង្រៀនភាសាអង់គ្លេស មុនពេលវិវត្តន៍ខ្លួនក្លាយជាសហគ្រិន ដឹកនាំក្រុមហ៊ុនអាលីបាបាឱ្យមានតម្លៃរាប់ពាន់លានដុល្លារ និងកសាងកិត្តិនាមឱ្យល្បីល្បាញពាសពេញពិភពលោក។

ក្នុងដំណើរជីវិតឡើងចុះ ក្រោយពេលជួបគ្រោះព្រោះសម្ដីប៉ុន្មានម៉ាត់របស់លោក កាលពីខែតុលា ឆ្នាំ ២០២០ ធ្លាប់បានរិះគន់ធនាគារ និងនិយ័តករហិរញ្ញវត្ថុរបស់ប្រទេសចិនថាមានភាពតឹងរ៉ឹងពេក និងមិនរាក់ទាក់ចំពោះអាជីវកម្មខ្នាតតូច បានធ្វើឱ្យលោកជួបបញ្ហាជាច្រើន ទ្រព្យសម្បត្តិផ្ទាល់ខ្លួន និងមូលធនអាជីវកម្មថយចុះរាប់ពាន់លានដុល្លារផងដែរ។

ក្រោយបញ្ហានោះបានកើតឡើង លោកបានរក្សាភាពស្ងៀមស្ងាត់ និងធ្វើដំណើរទៅកាន់បណ្ដាប្រទេសនានា រួមទាំងប្រទេសជប៉ុនផងដែរ។ ជាក់ស្ដែងកាលពីពេលថ្មីៗនេះ លោកត្រូវបានសាកលវិទ្យាល័យតូក្យូ នៃប្រទេសជប៉ុន បានអញ្ចើញលោកមកទស្សនកិច្ច និងអញ្ចើញឱ្យធ្វើជាសាស្ត្រាចារ្យនៅសាកលវិទ្យាល័យរយៈពេលខ្លីផងដែរ។

ក្នុងតួនាទីរបស់គាត់ លោក Ma នឹងចូលរួមនៅក្នុងផ្នែកនានា រួមទាំងការផ្តល់ប្រឹក្សាលើប្រធានបទស្រាវជ្រាវសំខាន់ៗ និងការបង្រៀនអំពីការគ្រប់គ្រង និងការចាប់ផ្ដើមអាជីវកម្មផងដែរ។

គួរជម្រាបថា ការបង្រៀនគឺជាក្ដីស្រលាញ់មួយរបស់លោក ហើយលោកក៏ធ្លាប់បង្ហាញនូវចេតនារបស់ខ្លួនថា ក្រោយពេលខ្លួនចូលនិវត្តន៍លោកចង់ធ្វើជាគ្រូបង្រៀនម្ដងទៀតផងដែរ៕