នៅប៉ុន្មានសប្ដាហ៍ចុងក្រោយនេះ តម្លៃហាងឆេងមាសប្រែប្រួលខ្លាំងពោលគឺមាសបានបំបែកកំណត់ត្រាតម្លៃថ្មីឡើងដល់ជាង៤០០ដុល្លារក្នុងមួយជីដែលជាតម្លៃខ្ពស់មួយមិនធ្លាប់មានពីមុន។ ទន្ទឹមនឹងមាសឡើងថ្លៃដល់តម្លៃខ្ពស់បែបនេះ ពលរដ្ឋជាច្រើនកំពុងចាប់អារម្មណ៍តាមដានហាងឆេងមាសយ៉ាងយកចិត្តទុកដាក់ ហើយបងប្អូនមួយចំនួនក៏មានចម្ងល់ថាតើពួកគាត់ទិញមាសចង់បានចំណេញអំឡុងពេលមាសនៅតម្លៃខ្ពស់បែបនេះជាការល្អឬទេ?
ជុំវិញតម្លៃមាសឡើងថ្លៃ លោក ទៀប សីហា នាយកដ្ឋានបណ្តុះបណ្តាល និងស្រាវជ្រាវទីផ្សារ GFG Investment បានឲ្យដឹងថាតម្លៃមាសអាចនឹងបន្តឡើងថ្លៃ ប្រសិនបើអាមេរិក និងចិនឈប់មានបញ្ហាពន្ធដារក៏ដោយ។
លោកបានបន្តទៀតថា តាមពិតទៅមាសបានឡើងថ្លៃអស់រយៈពេលប៉ុន្មានឆ្នាំមកនេះមុនពេលបញ្ហាការដាក់ពន្ធរវាងអាមេរិកនិងចិនចាប់ផ្ដើម គ្រាន់តែការដាក់ពន្ធបានធ្វើឲ្យតម្លៃមាសឡើងកាន់តែលឿន។
លោកបានបង្ហើបថាហេតុផលដែលធ្វើឲ្យមាសអាចនឹងកើនឡើងរយៈពេលវែងនោះគឺការចុះខ្សោយនៃប្រាក់ដុល្លារ។ ត្រង់នេះលោកកថា តម្លៃមាសច្រើនតែត្រូវបានគេប្រៀបធៀបនឹងប្រាក់ដុល្លារអាមេរិក។ ប្រសិនបើប្រាក់ដុល្លារអាមេរិកធ្លាក់ចុះ តម្លៃមាសជាធម្មតាឡើងនៅពេលអ្នកទិញវាជាមួយដុល្លារអាមេរិក។ មូលហេតុធំមួយ ធ្វើឲ្យមាសនឹងឡើងថ្លៃ គឺដោយសារមនុស្សបាត់បង់ទំនុកចិត្តលើប្រាក់ដុល្លារអាមេរិកខណៈរដ្ឋាភិបាលអាមេរិកបានខ្ចីលុយយ៉ាងច្រើនជាង៣៧ពាន់ពាន់លានដុល្លារ។
សម្រាប់ហេតុផលទាំងអស់នេះធ្វើឲ្យប្រាក់ដុល្លារអាមេរិកទំនងជាបន្តធ្លាក់ចុះ ហើយតម្លៃមាសទំនងជានឹងបន្តកើនឡើងបើធៀបនឹងប្រាក់ដុល្លារអាមេរិក។ និន្នាការនេះទើបតែចាប់ផ្តើម ហើយមាសអាចនឹងកាន់តែឡើងថ្លៃ។
បើពលរដ្ឋទូទៅចង់ទិញមាសដើម្បីយកផលចំណេញអំឡុងពេលមាសស្ថិតនៅតម្លៃខ្ពស់តើជាការល្អទេ?
ទាក់ទងនឹងសំណួរខាងលើ លោក ទៀប សីហាបានលើកឡើងថា វានៅតែជាគំនិតល្អក្នុងការទិញមាសឥឡូវនេះព្រោះវាអាចជួយការពារប្រាក់របស់អ្នក ប្រសិនបើប្រាក់ដុល្លារអាមេរិកបាត់បង់តម្លៃ។ ពិភពលោកអាចនឹងត្រលប់ទៅប្រើមាសដើម្បីទ្រទ្រង់លុយក្រដាស ព្រោះមាសរក្សាតម្លៃរបស់វាបានល្អជាង។ លុយក្រដាសបាត់បង់តម្លៃតាមពេលវេលាដោយសារតែអតិផរណាកើនឡើង។ វាមិនមែនជាវិធីដ៏ល្អក្នុងការរក្សាទុកទ្រព្យសម្បត្តិនោះទេ។
លោកបន្ថែមទៀតថាវាជាគំនិតល្អណាស់សម្រាប់មនុស្សក្នុងការដាក់ប្រាក់មួយចំនួនរបស់ពួកគេទៅក្នុងរបស់ដែលពិតប្រាកដ ហើយមិនអាស្រ័យលើការសន្យារបស់បុគ្គល ឬក្រុមហ៊ុនណាមួយ។ មាសគឺជាវត្ថុដ៏ល្អបំផុតមួយក្នុងការទិញទុក។
សម្រាប់បងប្អូនចង់ស្វែងយល់នឹងចាប់ឱកាសវិនិយោគលើហាងឆេងមាសអន្តរជាតិអាចធ្វើការសិក្សាស្រាវជ្រាវជាពិសេសអាចទាក់ទងក្រុមហ៊ុន GFG Investment ដើម្បីទទួលបានការប្រឹក្សាបន្ថែមពីការវិនិយោគលើហាងឆេងមាស៕
