iShowSpeed ​​ឬ Darren Watkins Jr. គឺជា Youtuber អ៊ឺរ៉ុបមួយរូបដែលមានប្រជាប្រិយភាពខ្លាំង និងទើបតែបានមកកម្ពុជាចូលរួមកម្មវិធី Gumball 3000 នៅឯខេត្តសៀមរាបថែមទៀតផង។ ខាងក្រោមនេះ គឺជារឿងធំៗ៣ ដែល Speed បានធ្វើក្នុងបណ្តាញសង្គម ជួយឲ្យខ្លួនសល់ទ្រព្យខ្ទង់លានដុល្លារ ត្រឹមអាយុ១៩ឆ្នាំ៖

១/. អត់ធ្មត់កាលគ្រាចាប់ផ្តើម៖ Speed បានបង្កើត Chanel YouTube ក្នុងអាយុ ១១ឆ្នាំ អំឡុងឆ្នាំ២០១៦។ បើទោះបីជាការផ្សាយមាតិកាអំពីហ្គេមដំបូងៗរបស់ខ្លួនទទួលបានការចាប់អារម្មណ៍តិចតួចក្តី ប៉ុន្តែលោកមិនបោះបង់ឡើយ និងនៅបន្តធ្វើជាប់លាប់ជានិច្ច។

២/. ខុសប្លែកពីគេ និងភាពកំប្លែង៖ ប្រតិកម្មខ្លាំងៗអំឡុងពេលលេងហ្គេម បានទាក់ទាញចំណាប់អារម្មណ៍អ្នកទស្សនាកាន់តែច្រើន។ វីឌីអូខ្លីៗដ៏គួរឲ្យហួសចិត្តរបស់លោក ជាពិសេសពាក់ព័ន្ធនឹងកម្មវិធី Talking Ben បានក្លាយជារឿងដ៏ពេញនិយម ដែលជួយឱ្យរូបលោកទទួលបានអ្នកតាមដាន ១លាននាក់ក្នុងរយៈពេលត្រឹមតែ ២ខែក្នុងឆ្នាំ ២០២១។

៣/. ភ្ជាប់ទំនាក់ទំនងល្អជាមួយអ្នកគាំទ្រ៖ Speed មានសមត្ថភាពខ្ពស់​​ក្នុងការភ្ជាប់ទំនាក់ទំនងជាមួយអ្នកគាំទ្រ ជាពិសេសតាមរយៈការផ្សាយផ្ទាល់ (Live) បានធ្វើឱ្យលោកទទួលបានការពេញចិត្តក្នុងចំណោមទស្សនិកជនវ័យក្មេង។ ក្នុងនោះ ភាពក្រមិកក្រមើម សម្តីលះៗ ពូកែកំប្លែង និងសមត្ថភាពក្នុងការផ្តល់អារម្មណ៍វិជ្ជមាន ឬអវិជ្ជមាន បានធ្វើឱ្យអ្នកគាំទ្រមើលវីឌីអូរបស់លោកយ៉ាងជក់ចិត្តបំផុត។

គួរជម្រាបផងដែរថា កាលពីថ្ងៃទី១៦ ខែកញ្ញានេះ ក្នុងព្រឹត្តិការណ៍ Gumball 3000 នៅលើទឹកដីនៃខេត្តសៀមរាប វត្តមានរបស់ IShowSpeed បានបង្កឲ្យមានការចាប់អារម្មណ៍យ៉ាងខ្លាំង។ អ្វីដែលកាន់តែពិសេស លោកក៏បានធ្វើការ Stream នៅលើ Channel YouTube ផ្លូវការរបស់ខ្លួនដែលមានអ្នក subscribe ជាង ៣០លាននាក់ និងមានអ្នកទស្សនារហូតដល់ទៅរាប់សែននាក់ តាមបណ្តាប្រទេសនានាជុំវិញសកលលោក៕