គ្រឿងបរិក្ខារអគ្គិសនី មានភាពសម្បូរបែបខ្លាំងណាស់ ក្នុងជីវិតរស់នៅប្រចាំថ្ងៃ នាពេលបច្ចុប្បន្ន។ ជាក់ស្តែង លោកអ្នកអាចប្រើប្រាស់អំពូលភ្លើង ដែលប្រើប្រាស់ថាមពលអគ្គិសនីតិច ហើយថ្លៃវិក្កយបត្ររបស់អ្នកនឹងប្រែប្រួលជាមិនខាន។

២. ចំណាយតិច លើសេវាទូរសព្ទ

វាអាចជាការចំណាយច្រើនជាងគេមួយ ក្នុងចំណោមថ្លៃចំណាយសរុបរបស់អ្នក។ សូមកាត់បន្ថយការប្រើប្រាស់ទិន្នន័យ ក្នុងទូរសព្ទដៃ ដោយប្តូរទៅប្រើកញ្ចប់ WiFi វិញ។ សូមកំណត់ឲ្យបានច្បាស់ អំពីការប្រើប្រាស់ទូរសព្ទដៃរបស់អ្នក។ ការប្រើប្រាស់ឥតកំណត់ គឺជាខ្ជះខ្ជាយថវិកា ជាពិសេសនៅពេលលោកអ្នកស្តាប់បទចម្រៀង ឬទស្សនាភាពយន្តនានា។

៣.បញ្ឈប់សេវាកម្មណា ដែលលោកអ្នកមិនសូវប្រើ

តើប័ណ្ណសមាជិកក្លិបហាត់ប្រាណរបស់អ្នកចាំបាច់ដែរឬទេ បើលោកអ្នកមិនចាំថា ថ្ងៃចុងក្រោយដែលបានទៅហាត់ប្រាណផងនោះ? ប្រាកដណាស់ ទាំងនេះគឺពិតជាការចំណាយមិនចាំបាច់សោះ។ មិនតែប៉ុណ្ណោះ ប្រសិនបើលោកអ្នកចុះឈ្មោះគម្រោងជាន់គ្នា ដូចជា Spotify Netflix ឬក៏ Iflix លោកអ្នកកំពុងចំណាយខ្ជះខ្ជាយហើយ។

៤. សន្សំពិន្ទុ ពីបញ្ចូលប្រាក់ ក្នុងប័ណ្ណឥណទាន

ប័ណ្ណឥណទានផ្តល់នូវអត្ថប្រយោជន៍ច្រើន រួមមានការទទួលបានប្រាក់ត្រឡប់មកវិញខ្លះ (ដូចជាការទូទាត់ថ្លៃវិក្កយបត្រ) ថ្លែសំបុត្រយន្តហោះ ការបញ្ចុះតម្លៃ ការបង់ប្រចាំខែ លើការទិញក្នុងទឹកប្រាក់ច្រើន និងជាពិសេសការសន្សំពិន្ទុជាដើម។ សូមស្នើសុំប័ណ្ណឥណទាន នៅទីនេះ។ ការឥណទានត្រូវបានភ្ជាប់មកជាមួយនូវអត្ថប្រយោជន៍ជាច្រើនផងដែរ។ ទាំងនេះរួមមាន សាច់ប្រាក់ត្រលប់ (ទោះបីជាបង់វិក័យបត្រ) សំបុត្រយន្តហោះ ការផ្តល់ការបញ្ចុះតម្លៃ គម្រោងកក់សម្រាប់ការទិញធំៗ និងពិតប្រាកដណាស់ ពិន្ទុសន្សំ។

៥. ដកឌុយឧបករណ៍ណា ដែលមិនប្រើ

ទុកឲ្យឧបករណ៍ និងសម្ភារៈផ្សេងៗ ដោតជាប់ឌុយចោល នោះវានៅតែអាចស៊ីថាមពលអគ្គិសនីដដែល។ សូមដកឌុយ នៅពេលអ្នកឈប់ប្រើវា។ បើយោងតាម The Star​ ការអនុវត្តងាយៗបែបនេះអាចជួយសន្សំសំចៃអគ្គីសនីយ៉ាងតិច ១០% នៃថ្លៃវិក្កយបត្រសរុបរបស់អ្នក។

៦. ចំណាយម្ហូបអាហារ

មានវិធីសាស្រ្តនៃការសន្សំដ៏ល្អមួយ នៃការទិញទំនិញក្នុងហាង ដូចជាការទិញម្ហូបអាហារ ដោយភាពឆ្លាតវៃ (ដូចជាទិញមាន់មួយទាំងមូល អាចចំណេញជាងទិញមាន់កាប់ហើយ) ឬទិញគ្រឿងទេស ដែលមិនងាយរលួយ ជាលក្ខណៈបោះដុំ ជាពិសេសពេលបញ្ចុះតម្លៃ ឬក៏ស្វែងរកហាងទំនិញ ដែលមានការបញ្ចុះតម្លៃ ហើយក៏អាចប្រើប្រាស់ប័ណ្ណឥណទាន ដើម្បីទទួលបានទឹកប្រាក់ត្រឡប់ខ្លះជាដើម៕

អត្ថបទដោយ៖ ឌឿក ស្រីនុត