រាជធានីភ្នំពេញ៖ កាលពីថ្ងៃទី៣០ ខែមិថុនា ឆ្នាំ២០២៤៖ សាលាអន្តរជាតិគ្រីនហ្វៀល (Greenfield International School) បានរៀបចំពិធីប្រគល់វិញ្ញាបនបត្របញ្ចប់ការសិក្សា ប្រចាំឆ្នាំសិក្សា ២០២៣-២០២៤ ដ៏អធិកអធម និងប្រកាសពីការអនុវត្តកម្មវិធីសិក្សា Cambridge ចាប់ពីកម្រិតមត្តេយ្យដល់មធ្យមសិក្សា។
ពីធីនេះទទួលបានកិត្តិយសចូលរួមដោយ លោក តែ សុភារៈ ប្រធានក្រុមប្រឹក្សាភិបាល និងលោក លី ចាន់ណារិទ្ធ ប្រធាននាយកប្រតិបត្តិ។
លោកស្រី Surekha Salome Roberts ប្រធានកម្មវិធីសិក្សាអន្តរជាតិ បានគូសបញ្ជាក់ពីការប្តេជ្ញាចិត្តរបស់សាលាក្នុងការផ្តល់ការអប់រំដែលមានគុណភាពខ្ពស់ និងត្រៀមសិស្សានុសិស្សសម្រាប់ដំណើរសិក្សានាពេលអនាគត។ ការអនុវត្តកម្មវិធីសិក្សា Cambridge នឹងផ្តល់ជូនសិស្សនូវកម្មវិធីសិក្សាដ៏ទូលំទូលាយ និងមានការទទួលស្គាល់ជាសកល រួមទាំងការអប់រំបែប STEM ការអភិវឌ្ឍជំនាញវិជ្ជាជីវៈ និងការយកចិត្តទុកដាក់លើសុខុមាលភាពសិស្ស។
គោលដៅសំខាន់ៗសម្រាប់ឆ្នាំខាងមុខ:
- បញ្ចប់សំណើទទួលស្គាល់ជាសាលា Cambridge (Cambridge Assessment International Education)។
- ពង្រឹងការអប់រំបែប STEM ដើម្បីអភិវឌ្ឍជំនាញសិក្សាសតវត្សទី ២១។
- ពង្រីកភាពជាដៃគូអន្តរជាតិ និងផ្លាស់ប្តូរកម្មវិធីសិក្សា។
- អភិវឌ្ឍជំនាញវិជ្ជាជីវៈសម្រាប់ធនធានមនុស្ស។
- ពង្រឹងបរិយាកាសសិក្សាដែលគាំទ្រ និងយកចិត្តទុកដាក់ដល់សុខុមាលភាពសិស្ស។
- ដាក់ដំណើរការសាលាអន្តរជាតិគ្រីនហ្វៀល ទីតាំងទី២ លើផ្ទៃដីជាង១ម៉ឺន៥ពាន់ម៉ែត្រការ៉េ។
សាលាអន្តរជាតិគ្រីនហ្វៀល បើកទទួលចុះឈ្មោះសិស្សានុសិស្សថ្មីចាប់ពីអាយុ២ឆ្នាំ។ សម្រាប់ព័ត៌មានបន្ថែម សូមទាក់ទងតាមរយៈលេខទូរស័ព្ទ ០៩៨ ៧៧៧ ១៣៨ (តេឡេក្រាម) និង ០៨៩ ៧៧៧ ១៣៨ ឬហ្វេសប៊ុកផេកសាលា Greenfield International School៕