នេះជាដំណឹងដ៏រីករាយមួយដោយមានការយកចិត្តទុកដាក់ខ្ពស់ពីរាជរដ្ឋាភិបាលកម្ពុជា ក្នុងការលើកកម្ពស់ជីវភាពរស់នៅរបស់ប្រជាពលរដ្ឋកម្ពុជា រាជរដ្ឋាភិបាលបានសម្រេចធ្វើការលើកលែងពន្ធអាករលើតម្លៃបន្ថែមរហូតដល់ដំណាច់ឆ្នាំ២០២៨ លើមុខទំនិញសំខាន់ៗចំនួន ៦ ប្រភេទរួមមាន ៖

១. សាច់សត្វចិញ្ចឹម មានជាអាទិ៍ សាច់គោ ក្របី ពពែ ចៀម ជ្រូក មាន់ ទា ទោះបីជាមានលក្ខណៈជាសាច់ស្រស់ ឬកែច្នៃតាមវិធីផ្អាប់ ប្រឡាក់ ឬឆ្អើរ។

២. ស៊ុតសត្វចិញ្ចឹមគ្រប់ប្រភេទ ទោះបីជាមានលក្ខណៈជាស៊ុតស្រស់ ឬកែច្នៃតាមវិធីផ្អាប់ ប្រឡាក់ ឬឆ្អើរ។

៣. ត្រីទឹកសាបនិងទឹកប្រៃគ្រប់ប្រភេទ រួមទាំង បង្កង បង្គា កំពឹស ក្តាម និងសិប្បីជាតិគ្រប់ប្រភេទទោះបីជាមានលក្ខណៈជាសាច់ស្រស់ ឬកែច្នៃ តាមវិធីផ្អាប់ ប្រឡាក់ ឬឆ្អើរ។

៤. ស្ករគ្រប់ប្រភេទដែលមិនមានលក្ខណៈជាស្ករគ្រាប់។

៥. អំបិលគ្រប់ប្រភេទ។

៦. ទឹកត្រីនិងទឹកស៊ីអីវគ្រប់ប្រភេទ។

សូមជម្រាបជូនថា ការចាត់ជាបន្ទុករដ្ឋនូវអាករលើតម្លៃបន្ថែមខាងលើនេះ មិនរាប់បញ្ចូលការផ្គត់ផ្គង់ម្ហូបអាហារដោយភោជនីយដ្ឋានឡើយ៕