ឯកឧត្តម វ៉ី សំណាង បានចូលកាន់តំណែង អភិបាលខេត្តតាកែវ ជាផ្លូវការ នារសៀលថ្ងៃទី១ ខែកក្កដា ឆ្នាំ២០២៤នេះ ក្រោយបានកាន់តួនាទីជាអភិបាលខេត្តកំពង់ស្ពឺ រួមសុខទុក្ខជាមួយប្រជាជន អស់រយៈពេលជាច្រើនឆ្នាំ។
មុននេះបន្តិច ឯកឧត្តម វ៉ី សំណាង បានបង្ហោះសារផ្ញើទៅកាន់បងប្អូនអ្នកខេត្តកំពង់ស្ពឺ នៅលើគណនី Facebook Page ផ្លូវការរបស់ខ្លួនយ៉ាងដូច្នេះថា៖ «ខ្ញុំសូមជម្រាបលាពុកម៉ែ មាមីង បងប្អូនអ្នកខេត្តកំពង់ស្ពឺត្រឹមប៉ុណ្ណេះ។ ចាប់ពីថ្ងៃនេះទៅខ្ញុំមិនបាននៅបម្រើពុកម៉ែ មាមីង បងប្អូន អ្នកខេត្តកំពង់ស្ពឺដោយផ្ទាល់ទៀតទេ»។ លោកបានបន្តទៀតថា៖ «សូមអរគុណ ចំពោះការគាំទ្ររបស់ពុកម៉ែ មាមីង បងប្អូនអ្នកខេត្តកំពង់ស្ពឺរយៈពេលជាង៨ឆ្នាំកន្លងមកនេះ។ សូមជម្រាបលា! សូមអរគុណ!»។
គួរជម្រាបផងដែរថា កាលគ្រាលោកនៅជាចៅហ្វាយខេត្តកំពង់ស្ពឺ ក្រៅពីការខិតខំប្រឹងប្រែង អភិវឌ្ឍ ផ្លាស់ប្តូរមុខមាត់ខេត្តមួយនេះ លើការស្តារហេដ្ឋារចនាសម្ព័ន្ធ និងការសាងសមិទ្ធផលជាច្រើនទៀត អ្វីដែលជាការកត់សម្គាល់ ឯកឧត្តម វ៉ី សំណាង គឺជា អភិបាលខេត្តដំបូងគេ ដែលបានបញ្ជាឱ្យទម្លាក់ស្លាកផ្សាយពាណិជ្ជកម្មស្រាបៀរ ទាំងអស់ចេញពីក្នុងខេត្តកំពង់ស្ពឺ។ លើសពីនេះ ក្នុងពិធីប្រកាសចូលកាន់ណែង លោកអភិបាលខេត្តតាកែវថ្មីរូបនេះ បានប្ដេជ្ញាចិត្ត បន្តកៀរគរអ្នកវិនិយោគមកអភិវឌ្ឍន៍ខេត្តតាកែវឱ្យកាន់តែរីកចម្រើន ដែលជាផ្នែកមួយនៃការចូលរួមរុញកំណើនសេដ្ឋកិច្ចជាតិ និងនិយាយដោយឡែក គឺជីវភាពប្រជាពលរដ្ឋនៅក្នុងខេត្តឱ្យមានភាពល្អប្រសើរ៕
អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម