TikTok ដឹងច្បាស់ថានាយកប្រតិបត្តិ Meta លោក Mark Zuckerberg កំពុងរៀបចំកម្មវិធី Facebook និង Instagram ឡើងវិញដើម្បីឱ្យកាន់តែស្រដៀងជាមួយក្រុមហ៊ុនរបស់ខ្លួន ប៉ុន្តែ TikTok មិនមានចំណាប់អារម្មណ៍ក្នុងការផលិតកម្មវិធីតាម Facebook ឡើយ នេះបើយោងតាមសារព័ត៌មាន CNBC ដែលបានចុះផ្សាយកាលពីថ្មីៗនេះ ។
សាព័ត៌មានដដែលបានឱ្យដឹងថា អ្នកចាត់ចែងកម្មវិធីទូទៅរបស់ Facebook គឺលោក Tom Alison បានឱ្យដឹងថា នៅសប្តាហ៍នេះថា លោកមើលឃើញថា TikTok អាចទាញអ្នកយកអ្នកប្រើប្រាស់ជាច្រើនក្នុងបណ្តាញសង្គមដ៏ធំបំផុតរបស់ពិភពលោក។ ដោយបានបន្តទៀតថា Facebook គ្រោងនឹងកែប្រែមតិការព័ត៌មានចម្បងរបស់ខ្លួនឱ្យមើលទៅស្រដៀងនឹង TikTok ដែរ ដោយបូករួមមាតិកាខ្លះៗបន្ថែមទៀត។
ប៉ុន្តែទោះជាយ៉ាងណាក៏ដោយ ឆ្លើយតបទៅក្រុមហ៊ុន Meta វិញ លោក Blake Chandlee ដែលជាប្រធានដំណោះស្រាយអាជីវកម្មសកលរបស់ TikTok បាននិយាយថាក្រុមហ៊ុនរបស់គាត់ជំនាញគឺ “ការកម្សាន្ត មិនមែនប្រព័ន្ធផ្សព្វផ្សាយសង្គមទេ”។ លោកក៏លើកឡើងទៀតថា “យើងគឺជាវេទិកាកម្សាន្តមួយ” “ភាពខុសគ្នាគឺសំខាន់ ហើយវាគឺជាភាពខុសគ្នាដ៏ធំមួយ”។
គួរជម្រាបផងដែរថា រឿងរ៉ាវខាងលើនេះក្រុមហ៊ុនហ្វេសប៊ុកគ្រាន់តែគិតប៉ុណ្ណោះ ពោលគឺមិនទាន់ បានផលិតចេញជាផ្លែផ្កាអ្វីឡើយ ខណៈដែលក្រុមហ៊ុនTikTok បានឆ្លើយតបលឿនៗទៅកាន់ហ្វេសប៊ុក ពីចំណុចខុសគ្នារវាងបណ្តាញសង្គមពីរនេះ ។
អត្ថបទដោយ៖ នៅ ថាត់សណា
