នៅថ្ងៃទី២៥ ខែកក្កដា ឆ្នាំ២០២៣ ក្រសួងសាធារណការ និងដឹកជញ្ជូន បានចេញសេចក្ដីជូនដំណឹងស្ដីពីការយកកម្រៃ ទៅលើសេវាសាកថ្មរថយន្តអគ្គិសនី ក្នុងតម្លៃ១.៦០០រៀលក្នុង១គីឡូវ៉ាត់ម៉ោង ខណៈសេវាសាធារណៈ គឺស្ថិតនៅក្រោមការគ្រប់គ្រងរបស់ក្រសួងសាធារណការ និងដឹកជញ្ជូន។
នៅក្នុងសេចក្ដីជូនដំណឹងរបស់ក្រសួងសាធារណការ និងដឹកជញ្ជូនបានឲ្យដឹងថា ការយកសេវាសាកថ្មរថយន្តអគ្គិសនីនេះគឺចាប់ពីថ្ងៃទី០១ ខែសីហា ឆ្នាំ២០២៣ តទៅ ខណៈការយកកម្រៃនេះគឺដើម្បធ្វើជាមូលដ្ឋានក្នុងការកំណត់តម្លៃជាក់លាក់លើការធ្វើអាជីវកម្មស្ថានីយរវាងប្រតិបត្តិករ និងអ្នកប្រើប្រាស់ទាំងអស់ឲ្យមានគណនេយ្យភាព ប្រសិទ្ធភាព ប្រកបដោយនិរន្តភាព។
ទាក់ទងនឹងការយកកម្រៃខាងលើនេះក្នុងនោះដែរ ក្រសួងសាធារណការ និងដឹកជញ្ជូន មានសង្ឍឹមយ៉ាងមុតមាំថា សាធារណជន នឹងចូលរួមសហការណអនុវត្តន៍ តាមសេចក្ដីជូនដំណឹងនេះ ឲ្យមានប្រសិទ្ធភាពខ្ពស់៕
អត្ថបទដោយ៖ ឌឿក ស្រីនុត
