ប្រសិនជាបងប្អូនជាអ្នកលក់អនឡាញ ឬជាអ្នកផលិតមាតាកា នៅពេលដែលផុសទៅមិនសូវមានអ្នកចុចឡែកច្រើន ឬមានអ្នកចុចស៊ែរច្រើនសូមបងប្អូនកុំឆ្ងល់ ខណៈកន្លងទៅនេះ Facebook ធ្លាប់បានបង្ហើបពីទម្រង់មាតិកា ៤ប្រភេទបើបងប្អូននៅតែបន្តផុសនោះ Facebook កាន់តែបិទមិនឱ្យមានអ្នកឃើញ។

១.មាតិកាប្រៀបធៀប៖ ចំពោះទម្រង់មាតិកាប្រៀបធៀបនេះ គឺពេញនិយមខ្លាំងណាស់សម្រាប់អ្នករកស៊ីលើបណ្តាញសង្គម Facebook ពោលគឺពួកគាត់ចូលចិត្តផុសរូបប្រៀបធៀប មុននិងក្រោយពេលប្រើផលិតផល ឬអង់គ្លេសហៅថា (Before & After) ដែលបង្ហាញពីលទ្ធផលនៃការការប្រើប្រាស់ផលិតផលរបស់ខ្លួន ឧទាហរណ៍ដូចជាពីដៃសម្បុរខ្មៅ ទៅជាស ជាដើម។ ប៉ុន្ដែអ្នកមានដឹងទេថា ការផុសបែបនេះ Facebook របស់អ្នកអាចនឹងជួយបញ្ហានៅថ្ងៃណាមួយ។

មែនទែនទៅ Facebook មានគោលការណ៍មួយយ៉ាងតឹងរឹង គឺបញ្ហាប្រកាន់ពូជសាសន៍ និងពណ៌សម្បុរ ហើយការផុសរូប Before & After នៅលើផេក បង្ហាញរូបភាព ដៃពីខ្មៅ ទៅស បែបនេះ រ៉ូបូតរបស់ Facebook មិនបានគិតថា វាជាការបង្ហាញពីលទ្ធផលនៃការប្រើផលិតផលទេ ប៉ុន្ដែវាគិតថាយើងកំពុងតែប្រឆាំងគោលការណ៍របស់ Facebook ដោយធ្វើការរើសអើងពណ៌សម្បុរ​ និងពូជសាសន៍។

ដូច្នេះហើយ សម្រាប់អ្នកដែលឧស្សាហ៍ផុសបែបនេះ Facebook នឹងទម្លាក់ Engagement លែងសូវឱ្យមនុស្សឃើញ ជាហេតុទាញឱ្យផេករបស់អ្នកធ្លាក់ ហើយករណីខ្លះអាចឈានដល់ការបិទ Ad Account លែងឱ្យ Boost ថែមទៀតផង ប្រសិនបើធ្វើខុសដដែលៗញយដង។

២. ចំណងជើងវែងៗ មិនពាក់ព័ន្ធជាមួយខ្លឹមសារ៖ សម្រាប់គណនីខ្លះបង្ហោះមាតិកាជាមួយនឹងចំណងជើងវែងៗ មិនពាក់ព័ន្ធជាមួយវីដេអូ និងមាន hashtags ច្រើនពេក ក៏ត្រូវហ្វ៊េសប៊ុកកាត់បន្ថយការចែកចាយមិនឱ្យគេមើលឃើញច្រើន បិទសិទ្ធិសម្រាប់ការលុយ និងអាចឈានដល់ការចាប់លែងអនុញ្ញាតឲ្យផុសតែម្តង។

៣. ស្ទង់មតិយោបល់៖  បន្ថែមពីមាតិកាខាងលើហ្វេសប៊ុកក៏កំពុងសាកល្បងមុខងារមួយលើមាតិកាគ្រប់ប្រភេទ សម្រាប់ស្ទប់ស្ទង់មតិយោបល់ (Comment Feedback) ដែលសមរម្យឬមិនសមស្របលើការសន្ទនាតាមផុសនោះ Facebook នឹងកែលម្អ ពិសេសសម្រាប់ការបញ្ចេញមតិមិនសមរម្យពាក់ព័ន្ធនឹងផុសជាដើម។

៤. មាតិកាបញ្ឆោត និងឥតប្រយោជន៍ ៖ តទៅ Facebook នឹងកាត់បន្ថយចំនួនអ្នកមើលលើគណនីណាដែលចែករំលែកមាតិកាឥតប្រយោជន៍។ ជាមាតិកាដែលក្លែងបន្លំភ្នែកអ្នកទស្សនា ដូចជាវីដេអូមួយយកពីម្ចាស់ដើមមកផុសតច្រើន ដូចៗគ្នានោះ ហ្វេសប៊ុកនឹងកាត់បន្ថយចេញពី News Feed របស់អ្នកទស្សនា ឬបិទមិនឱ្យមាតិកានោះដល់ភ្នែកអ្នកមើលតែម្តង។