ភ្នំពេញ ថ្ងៃទី២៨ ខែកក្កដា ឆ្នាំ២០២៥៖ ធនាគារ ឌីជីប៊ី ជាធនាគារពាណិជ្ជមួយនៅក្នុងព្រះរាជាណាចក្រកម្ពុជា ជាបុត្រសម្ព័ន្ធនៃធនាគារ អាយអឹម (iM) ហើយជាសមាជិករបស់សម្ព័ន្ធហិរញ្ញវត្ថុ ឌីជីប៊ី និងដែលជាសម្ព័ន្ធហិរញ្ញវត្ថុដ៏ធំមួយនៅក្នុងប្រទេសកូរ៉េខាងត្បូង បានដាក់ដំណើរការ និងអនុញ្ញាតឱ្យប្រើប្រាស់ជាផ្លូវការនូវកម្មវិធីធនាគារចល័ត DGB Mobile ថ្មីដើម្បីឆ្លើយតបទៅនឹងតម្រូវការអតិថិជនរបស់ខ្លួន។ កម្មវិធីធនាគារចល័ត DGB Mobile ថ្មីនេះត្រូវបានរចនាឡើងជាមួយរូបរាងថ្មី ទាន់សម័យ រស់រវើក និងដំណើរការដោយប្រព័ន្ធបច្ចេកវិទ្យាថ្មី ដែលអាចឱ្យអតិថិជនទូទៅ ឬអាជីវករ ធ្វើប្រតិបត្តិការហិរញ្ញវត្ថុរបស់ខ្លួនបានកាន់តែលឿនជាងមុន និងសុវត្ថិភាពជាងមុន មិនថាទូទាត់ថ្លៃទំនិញតាម KHQR បញ្ចូលលុយទូរសព្ទ ផ្ទេរ ឬទទួលប្រាក់ក្នុង និងក្រៅប្រទេស បង្កកកាត បើកគណនីថ្មីបន្ថែមទាំងគណនីបញ្ញើសន្សំ និងគណនីបញ្ញើមានកាលកំណត់ ស្នើសុំកម្ចី និងសេវាកម្មផ្សេងៗទៀតជាច្រើន។
បន្ថែមពីនេះ កម្មវិធីធនាគារចល័ត DGB Mobile ថ្មីនេះ ក៏បានបន្ថែមនូវមុខងារថ្មីមួយទៀតគឺ Telegram Chatbot (Telegram Group Chat) ដើម្បីតបតាមតម្រូវការជាក់ស្តែង ក៏ដូចជាការសម្រួលដល់ការគ្រប់គ្រងប្រតិបត្តិការក្នុងការទទួលទូទាត់ប្រាក់ប្រចាំថ្ងៃរបស់អតិថិជនដែលជាដៃគូអាជីវករធនាគារ ឌីជីប៊ីផងដែរ។
លោក JEON JUNMO អគនាយកប្រតិបត្តិរងនៃធនាគារ ឌីជីប៊ី បានមានប្រសាសន៍ថា៖ យើងពិតជាមានសេចក្តីសោមនស្សរីករាយយ៉ាងខ្លាំងក្នុងការដាក់ឱ្យប្រើប្រាស់នូវកម្មវិធីធនាគារចល័ត DGB Mobile ថ្មីនេះ។ វាគឺជាជំហានយុទ្ធសាស្រ្តថ្មីមួយទៀត របស់យើងដើម្បីឆ្ពោះទៅរកសេវាធនាគារឌីជីថល ដែលផ្សារភ្ជាប់ទំនាក់ទំនងជាមួយអតិថិជនដោយយកចិត្តទុកដាក់សម្រាប់ជីវិតប្រចាំថ្ងៃរបស់អតិថិជន និងបំពេញតម្រូវការហិរញ្ញវត្ថុគ្រប់ពេលវេលា គ្រប់ទីកន្លែង។
ឥឡូវនេះលោកអ្នកក៏អាចទាញយកកម្មវិធីធនាគារចល័ត DGB Mobile ថ្មី នៅលើ App Store ឬ Google Play ដើម្បីទទួលយកបទពិសោធន៍ធនាគារជំនាន់ថ្មីជាមួយ DGB Mobile។
អំពីធនាគារ ឌីជីប៊ី
ធនាគារ ឌីជីប៊ី ជាធនាគារពាណិជ្ជ ដែលមានកម្មសិទ្ធិកាន់កាប់ភាគហ៊ុន 100% នៃធនាគារ អាយអឹម (iM) ហើយជាសមាជិករបស់សម្ព័ន្ធហិរញ្ញវត្ថុ ឌីជីប៊ី និងដែលជាសម្ព័ន្ធហិរញ្ញវត្ថុដ៏ធំមួយនៅប្រទេសកូរ៉េខាងត្បូង។ ធនាគារ ឌីជីប៊ី បើកដំណើរការដំបូងក្នុងប្រទេសកម្ពុជា ក្នុងនាមជាគ្រិះស្ថានមីក្រូហិរញ្ញវត្ថុ ដែលមានឈ្មោះថា Cam Capital Co, Ltd ហើយនៅក្នុង ឆ្នាំ ២០២៥ ធនាគារ បានទទួលអាជ្ញាប័ណ្ណ ជាធនាគារពាណិជ្ជ ពីធនាគាជាតិនៃកម្ពុជា (NBC) ដែលមានឈ្មោះជាផ្លូវការថាធនាគារ ឌីជីប៊ី ភីអិលស៊ី។ ធនាគារ បាននិងកំពុងបន្តផ្ដល់ជូននូវសេវាធនាគារ យ៉ាងពេញលេញដល់អតិថិជនដូចជា៖ សេវាឥណទាន សេវាដាក់ប្រាក់បញ្ញើ សេវាធនាគាចល័ត (DGB Mobile) អេធីអឹម ប័ណ្ណឥណពន្ធ សេវាបើកប្រាក់បៀរវត្សន៍ សេវាផ្ទេរប្រាក់ក្នុងប្រទេស សេវាទទួល ឬ ផ្ទេរប្រាក់ក្រៅប្រទេស SWIFT សេវាហិរញ្ញប្បទានពាណិជ្ជកម្ម និងសេវាហិរញ្ញវត្ថុផ្សេងៗទៀតជាច្រើន។
