ប្រភពពី Tripadvisor បានឱ្យដឹងថា ខេត្តសៀមរាបនិងរាជធានីភ្នំពេញ បានជាប់ជាទីកន្លែងកម្សាន្តដ៏ល្អបំផុត ក្នុងតំបន់អាស៊ីសម្រាប់ឆ្នាំ២០២៥។

ចំពោះរង្វាន់ Travelers' Choice Awards Best of The Best  2025 ក្នុងចំណោមតំបន់ទេសចរណ៍ទាំង២៥ទីតាំង ខេត្តសៀមរាបបានជាប់នៅលេខរៀង៥ និងរាជធានីភ្នំពេញបានជាប់នៅលេខរៀង១៨ ជាតំបន់ដែលបានបង្ហាញពីកេរ្តិ៍ឈ្មោះនិង ទស្សនីយភាពដ៏អស្ចារ្យរបស់ប្រទេសកម្ពុជា អាចទាក់ទាញភ្ញៀវទេសចរច្រើន។

សៀមរាបបានក្លាយជាគោលដៅទេសចរណ៍ដ៏ពិសេសនៅអាស៊ី ដោយសារប្រាសាទអង្គរវត្តដែលជាមជ្ឈមណ្ឌលនៃអរិយធម៌  មានប្រាសាទជាសម្បត្តិពិភពលោក UNESCO ។ ក្នុងនោះសៀមរាបក៏បានផ្តល់បទពិសោធន៍បែបបុរាណនិងសាមញ្ញ ព្រមទាំងជម្រើសអាហារគ្រប់ជាតិសាសន៍ ដល់ភ្ញៀវអន្តរជាតិផងដែរ។

ចំណែកឯភ្នំពេញគឺជា មជ្ឈមណ្ឌលសេដ្ឋកិច្ចដ៏សំខាន់និងជាទីក្រុងដែលមានបង្ហាញពីការរួមបញ្ចូលរវាងអរិយធម៌បុរាណនិងសម័យទំនើបដល់ភ្ញៀវទេសចរ៕