កាលពីពេលថ្មីៗនេះ ក្រុមហ៊ុន BVLGARI ដ៏ល្បីលំដាប់ពិភពលោក បានធ្វើពិពរណ៍គ្រឿងអលង្ការប្រណិតៗ ក្នុងខេត្តសៀមរាប ដែលមានការអញ្ជើញចូលរួមពីសំណាក់តារាល្បីៗ និងសេដ្ឋីជាច្រើនរូប ខណៈផ្ទុះការចាប់អារម្មណ៍ជាខ្លាំងពីសាធារណៈជន។
ថ្លែងក្នុងពិធីប្រគល់សញ្ញាបត្រ នៃសាកលវិទ្យាល័យ South-East Asia នាព្រឹកថ្ងៃទី២៥ ខែកុម្ភៈ ឆ្នាំ២០២៥ សម្ដេចមហាបវរធិបតី ហ៊ុន ម៉ាណែត មានប្រសាសន៍យ៉ាងដូច្នេះថា៖ «ថ្ងៃមុនឃើញថាធ្វើ BVLGARI គ្រឿងអលង្ការ។[…] គ្រាន់តែគ្រឿងអលង្ការគេយកមកប្រមាណគឺ ១៥០លានដុល្លារ ដើម្បីយកមកដាក់បង្ហាញ»។
លើសពីនេះ សម្តេចធិបតី ក៏បានវាយតម្លៃខ្ពស់ចំពោះក្រុមការងារដែលការពារសន្ដិសុខ សណ្ដាប់ធ្នាប់ ក្នុងពិពរណ៍គ្រឿងអលង្ការ BVLGARI បានយ៉ាងល្អផងដែរ។ សម្តេចធិបតី បានលើកឡើងថា៖ «ឥឡូវនេះ ម៉ាកយីហោធំៗ គេឃើញការរៀបចំពិព័រណ៍នៅកម្ពុជាជោគជ័យ គេនឹងមកទៀតមិនខានឡើយ»។
គួរជម្រាបថា ព្រឹត្តិការណ៍ Bvlgari Aeterna Angkor Thom High Jewelry មិនត្រឹមតែធ្វើឲ្យកម្ពុជាអាចបង្ហាញពីវប្បធម៌សម្បូរបែបដូចជាប្រាសាទបុរាណ ម្ហូបអាហារ របាំ ទៅកាន់អន្តរជាតិបានឡើយ ហើយក៏ធ្វើឲ្យអ្នកទេសចរណ៍បានស្គាល់កាន់តែច្បាស់ពីតំបន់ទេសចរប្រវត្តិសាស្រ្ត ពិសេសតំបន់អង្គរខេត្តសៀមរាបកាន់តែទូលំទូលាយជាងមុនយ៉ាងមានទំនុកចិត្ត ព្រោះថាប្រេន Bvlgari គឺជាម៉ាកដ៏ល្បីល្បាញខ្លាំង ជើងឈរជា ង១០០ឆ្នាំមកហើយ និងទទួលបានការគាំទ្រជុំវិញពិភពលោក៕
អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម
https://t.me/BusinessCambodiaBook
