ខេត្តសៀមរាប ជាដែនដីវប្បធម៌អច្ឆរិយ និងជាទឹកដីមានសក្ដានុពលទេសចរណ៍ដ៏សម្បូរបែបបំផុតនៅកម្ពុជា រួមមានទាំងបែបវប្បធម៌ប្រវត្តិសាស្ត្រ តំបន់ទេសចរណ៍ធម្មជាតិជាច្រើន។ ហើយភ្ញៀវទេសចរជាតិ និងអន្តរជាតិ ភាគច្រើនឱ្យទៅដល់ខត្តសៀមរាប គឺសំដៅតំបន់អង្គរមុនគេ។ ដូច្នេះក្រៅពីតំបន់អង្គថ្ងៃនេះ Business Cambodia នឹងលើកយកកន្លែងកម្សាន្តមួយចំនួននៅក្នុងខេត្តសៀមរាប ទេសភាពស្អាត់ដែលអ្នកទាំងអស់គ្នាអាចមិនធ្លាប់ដឹង ។
១. រមណីយដ្ឋានភូមិលិចទឹកកំពង់ភ្លុក
កំពង់ភ្លុកជារមណីយដ្ឋានធម្មជាតិដ៏ល្បីល្បាញលើទឹកដីខេត្តសៀមរាប កើតចេញពី៣ភូមិបណ្ដែតលើទឹករួមគ្នា។ តំបន់ទេសចរណ៍ដ៏កម្រនេះ មានចម្ងាយប្រមាណ១៦គីឡូម៉ែត្រពីទីរួមខេត្ត និងហ៊ុមព័ទ្ធដោយព្រៃលិចទឹកជាច្រើនប្រភេទ ហើយក៏ជាតំបន់អភិរក្សសត្វស្លាបសំខាន់មួយក្នុងប្រទេសកម្ពុជា។ ពេលទៅលេងកម្សាន្តនៅទីនោះ ភ្ញៀវទេសរអាចនឹងជាប់ចិត្តជាមួយសម្រស់ធម្មជាតិដ៏ត្រកាល អាចទស្សនាសត្វស្លាបរហូតទៅដល់ជាង១០០ប្រភេទ រួមទាំងត្រីចម្រុះហែលឆ្វាត់ឆ្វែងគួរជាទីទស្សនា។
២. ICF Water Park
ICF Water Park ជាឧទ្យានជិះស្គីលើទឹកមានតែមួយគត់ក្នុងប្រទេសកម្ពុជា។ ចំពោះតម្លៃគឺចាប់ពី ១៩ ដុល្លារឡើងទៅ បើកដំណើរការពីថ្ងៃចន្ទ ដល់ សៅរ៍។ ចំពោះក្មេងចាប់ពីអាយុ ១០ ឆ្នាំឡើងអាចជិះបាន។ ICF Water Park បើកដំណើរការចាប់ពីម៉ោថ១១ព្រឹកដល់ម៉ោង០៧ ល្ងាច។ សម្រាប់ព័ត៌មានបន្ថែមលោកអ្នកអាចទៅកាន់page ICE Water Park ឬទំនាក់ទនងទៅកាន់លេខទូរស័ព្ទ ០៩៥ ៨៨២ ៤២១។
៣. Angkor Balloon
បាឡុងអង្គរ ផ្តល់ជូននូវភាពរីករាយ និងការផ្ដិតយកទិដ្ឋភាពពីលើអាកាសដ៏អស្ចារ្យ ៣៦០ ដឺក្រេ នៃប្រាសាទអង្គរវត្ត ភ្នំបាខែង បារាយណ៍ខាងលិច បឹងទន្លេសាប ភ្នំក្រោម ភ្នំបូក ភ្នំគូលែន ទីក្រុងសៀមរាប និងទេសភាពជនបទនៃខេត្តសៀមរាបដ៏ស្រស់ត្រកាល និងភូមិនានាដែលជាចំនុចលេចធ្លោនៃទេសភាពនៅតំបន់អង្គរ។ តម្លៃចាប់ពី ៧ ដុល្លារ។ សម្រាប់ព័ត៌មានបន្ថែមលោកអ្នកអាចទៅកាន់page Angkor Balloon ឬទំនាក់ទនងទៅកាន់លេខទូរស័ព្ទ ០៩២ ៧៦៥ ៣៨៦។
៤. Angkor Eye
Angkor Eye ជាកន្ត្រកវិលយក្សដែលខ្ពស់ជាងគេក្នុងប្រទេសកម្ពុជា ដែលមានទីតាំងនៅបណ្តោយផ្លូវជាតិលេខ ៦ ជាប់នឹងភូមិវប្បធម៌កម្ពុជា។ កន្ត្រកវិលយក្សនេះត្រូវបានរចនា និងសាងសង់ឡើងដោយវិស្វករជប៉ុន មានកម្ពស់៨៥ ម៉ែត្រ មាន ៤៥ កន្ត្រក ហើយក្នុងកន្ត្រកនីមួយៗមានបំពាក់ម៉ាស៊ីនត្រជាក់ និងអាចផ្ទុកមនុស្សបាន ៤ នាក់។ នៅពេលជិះ យើងអាចមើលឃើញទេសភាពយ៉ាងស្រស់ស្អាតក្នុងក្រុងសៀមរាប និងជាយក្រុង រួមទាំងកំពូលប្រាសាទអង្គរវត្ត ពីលើអាកាសទៀតផង។ ចំពោះតម្លៃសំបុត្រគឺម្នាក់ ៥ ដុល្លារ។
៥.Royal Archery Club - Cambodia
លឹបកីឡាបាញ់ធ្នូភូមិកម្ពុជា ជាកន្លែងបាញ់ធ្នូមួយត្រូវបានបង្កើតឡើងក្នុងគោលបំណងលើកស្ទួយ ក៏ដូចជាផ្សព្វផ្សាយមរតកដូនតាខ្មែរទៅដល់ភ្ញៀវទេសចរជាតិ និងអន្តរជាតិ ជាពិសេសកូនចៅខ្មែរជំនាន់ក្រោយឲ្យបានស្គាល់ដោយការដាក់តាំងបង្ហាញវត្ថុបុរាណជាច្រើនដែលបានបន្សល់ទុកតាំងពីសម័យអង្គរមកម្ល៉េះ។ ដើម្បីទៅកម្សាន្តនៅកន្លែងបាញ់ធ្នូនេះ ភ្ញៀវទេសចរត្រូវធ្វើដំណើរចេញពីក្រុងសៀមរាប ឆ្ពោះទៅទិសខាងកើត តាមផ្លូវជាតិលេខ ៦ ចម្ងាយប្រមាណ ១៥គីឡូម៉ែត្រ រួចបត់ឆ្វេងតាមផ្លូវលំចម្ងាយជាង ២គីឡូម៉ែត្រទៀត អ្នកនឹងទៅដល់កន្លែងបាញ់ធ្នូ ដែលមានឈ្មោះថា បន្ទាយជ័យ ៨០២។ ចំពោះតម្លៃចាប់ពី ៥ ដុល្លារឡើងទៅ។ សម្រាប់ព័ត៌មានបន្ថែមលោកអ្នកអាខឆាតទៅ page Royal Archery Club – Cambodia ឬទំនាក់ទនងទៅកាន់លេខទូរស័ព្ទ ០៩៨ ៩៥៥ ៦៤៤៕
អត្ថបទដោយ៖ ឌឿក ស្រី នុត
