ចេកអំបូងលឿងជាប្រភេទផ្លែឈើដែលមានទីផ្សារមួយក្នុងចំណោមផ្សេងទៀត ហើយផ្លែចេកអំបូងលឿងនេះដែរត្រូវបាននាំចេញច្រើនបំផុតទៅកាន់ទីផ្សារប្រទេសចិន។ជាក់ស្តែង តាមរបាយការណ៍របស់ក្រសួងកសិកម្ម រុក្ខាប្រមាញ់និងនេសាទ បានបង្ហាញថា កម្ពុជាបាននាំចេញចេកអំបូងលឿងចំនួន ១៥៧,៨១២ តោននៅឆ្នាំ ២០១៩ និង ១៤៧,៧៥៤ តោនក្នុងរយៈពេល ៤ ខែដំបូងនៃឆ្នាំ ២០២០។

ហើយទន្ទឹមនឹងការនាំចេញចេកអំបូងលឿងទៅក្រៅប្រទេសនេះដែរ ក្រសួងកសិកម្មរុក្ខាប្រមាញ់និងនេសាទក៏បានបង្ហាញពីនីតិវិធីចំនួន ៤ ធំៗដែលអាចជួយឱ្យម្ចាស់ចំការ មានលទ្ធភាពអាចនាំចេញចេកអំបូងលឿងទៅកាន់ទីផ្សារប្រទេសចិនបានផងដែរ។ក្នុងនោះរួមមាន ៖

ម្ចាស់អាជីវកម្មដែលមានបំណងចង់នាំចេញត្រូវធ្វើការចុះបញ្ជីការជាមួយអគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់និងនេសាទ។ដោយត្រូវភ្ជាប់ជាមួយឯកសារពាក់ព័ន្ធដូចជា ៖ ពាក្យស្នើសុំ( ទទួលពី ន.ក.អ.ភ.នៃ អ.ន.ក ) និងមាន វិក័យបត្រ បញ្ជីវេចខ្ចប់ បណ្ណប៉ាតង់ វិញ្ញាបនបត្រចុះបញ្ជីអាករលើតម្លៃបន្ថែម វិញ្ញាបនបត្រចុះបញ្ជីពាណិជ្ជកម្ម វិញ្ញាបនបត្រការធ្វើប្រព្រឹត្តកម្មភូតគាមអនាម័យ។

• ជំហានទី ២ ៖ ការពិនិត្យឯកសារ

មន្ត្រីទទួលពាក្យនឹងពិនិត្យឯកសារលក្ខខណ្ឌតម្រូវភូតគាមអនាម័យនាំចូល និងពិនិត្យពាក្យស្នើសុំ និងឯកសារពាក់ព័ន្ធ។

១.ប្រសិនបើពាក្យស្នើសុំ និងឯកសារពាក់ព័ន្ធទាំងអស់អនុលោមតាមច្បាប់ អ្នកនាំចេញឬអាជីវកម្មត្រូវបង់ប្រាក់ហើយបន្តទៅជំហានបន្ទាប់

២.ប្រសិនបើពាក្យស្នើសុំមិនគ្រប់គ្រាន់ អ្នកត្រួតពិនិត្យនឹងផ្តល់ការណែនាំដល់់អ្នកនាំចេញក្នុងការរកឯកសារឱ្យបានគ្រប់គ្រាន់ ឬណែនាំនូវវិធានការផ្សេងទៀតដែលចាំបាច់ឬប្រាប់អំពីការនាំចូលនូវផលិតផលទាំងនោះត្រូវបានហាមឃាត់។

• ជំហានទី ៣ និងទី៤ ៖ ការត្រួតពិនិត្យទំនិញបញ្ញើ (ផ្លែចេក)

បន្ទាប់ពីទទួលបានពាក្យស្នើសុំ ប្រសិនបើឯកសារមានគ្រប់គ្រាន់ ប្រធាននាយកដ្ឋានការពារដំណាំអនាម័យ និងភូតគាមអនាម័យនៃអគ្គនាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម ក្រសួងរុក្ខាប្រមាញ់និងនេសាទនឹងចាត់តាំងមន្ត្រីអធិការកិច្ចភូតគាមអនាម័យ ដើម្បីចុះធ្វើអធិការកិច្ចទំនិញ និង ត្រួតពិនិត្យលក្ខខណ្ឌតម្រូវភូតគាមអនាម័យសម្រាប់ការនាំចូល៕

អត្ថបទដោយ៖សម្បត្តិ សុខឡាង