ប្រទេសឥណ្ឌូនេស៊ីគ្រោងយកពន្ធចំនួន១៥០.០០០រូពី ឬស្មើនិង១០ដុល្លារ សម្រាប់ភ្ញៀវទេសចរ ដែលទៅទស្សនាកោះបាលី ខណៈ ការយកពន្ធនេះនឹងចាប់ផ្ដើមពីឆ្នាំ២០២៤ តទៅ។ នេះបើយោងតាមចុះផ្សាយរបស់សាព័ត៌មាន CAN  កាលពីថ្ងៃទី១៣ ខែកក្កដា ឆ្នាំ២០២៣ កន្លងទៅនេះ។

ក្នុងនោះដែរ លោក I Wayan Koster អភិបាលខេត្ត បានបញ្ជាកយ៉ាងដូច្នេះថា “ការបង់ថ្លៃសម្រាប់ភ្ញៀវទេសចរបរទេសអនុវត្តតែមួយដងប៉ុណ្ណោះអំឡុងពេលពួកគេទៅលេងកោះបាលី”។

លោកបានបន្តថា “ថ្លៃសេវានេះនឹងត្រូវបង់តាមប្រព័ន្ធអេឡិចត្រូនិក ហើយនឹងអនុវត្តចំពោះភ្ញៀវទេសចរបរទេស ដែលចូលមកកោះបាលីពីបរទេស ឬមកពីតំបន់ផ្សេងទៀតនៃប្រទេសឥណ្ឌូនេស៊ី ខណៈការយកពន្ធនេះគឺលើកលែងតែភ្ញៀវទេសចរឥណ្ឌូនេស៊ីក្នុងស្រុកតែប៉ុណ្ណោះ”។

យ៉ាងណាមិញ លោកបានបញ្ជាកបន្ថែមថា “វាមិនមែនជាបញ្ហាទេរួចយើង នឹងប្រើប្រាស់ពន្ធសម្រាប់បរិស្ថាន និងវប្បធម៌ ហើយយើងនឹង កសាង ហេដ្ឋារចនាសម្ព័ន្ធ ដែលមានគុណភាពកាន់តែប្រសើរដូច្នេះការធ្វើដំណើរ ទៅកោះបាលី នឹងកាន់តែមានផាសុកភាព និង សុវត្ថិភាព”។

គួរបញ្ជាកផងដែរថា កោះបាលីបានទាក់ទាញភ្ញៀវទេសចរបរទេសរាប់លាននាក់ជារៀងរាល់ឆ្នាំ ហើយកោះនេះកំពុងព្យាយាមទាញយកផលប្រយោជន៍ប្រជាប្រិយភាពរបស់ខ្លួនផងដែរ។ យ៉ាងណាមិញតាមតួលេខបានបង្ហាញថា ភ្ញៀវទេសចរជាង២លាននាក់បានមកទស្សនាកោះនេះកាលពីឆ្នាំមុន ខណៈវិស័យទេសចរណ៍បានស្ទុះងើបឡើងវិញពីជំងឺកូវីដ-១៩ ៕​​

អទ្ថបទដោយ៖ ឌឿក ស្រីនុត