ក្នុងនាមជាប្រទេសកំពុងអភិវឌ្ឍនៅតំបន់អាស៊ីអាគ្នេយ៍ កម្ពុជាត្រូវបានគេប៉ាន់ស្មានថា មានផលិតផលក្នុងស្រុកសរុបរបស់ប្រជាជនម្នាក់ៗ (GDP) ឈានដល់ ២,១៨៨ ដុល្លារក្នុងមួយឆ្នាំ។ នេះបើយោងតាមរបាយការណ៍ពីអង្គការអន្តរជាតិ World Economics សម្រាប់ឆ្នាំ២០២៤។
ក្នុងនោះ យោងតាមទិន្នន័យពីធនាគារពិភពលោក (World Bank) បានបញ្ជាក់ថា ចំណូលគ្រួសារគិតជាមធ្យមនៅកម្ពុជា ត្រូវបានវាយតម្លៃស្ថិតនៅចន្លោះពី ១,៦០០ដុល្លារ ដល់ ១,៨០០ដុល្លារ ក្នុងមួយឆ្នាំ។ ចំណែកឯប្រាក់ខែជាមធ្យមរបស់និយោជិកម្នាក់ៗ ទទួលបានចាប់ពី ២០០ដុល្លារ ដល់ ៣០០ដុល្លារ ក្នុងមួយខែ ដែលខុសគ្នាផ្អែកទៅលើទីតាំង វិស័យការងារ និងជំនាញផ្ទាល់ខ្លួន។
គួរជម្រាបផងដែរថា ក្នុងឯកសារកម្មវិធីប្រទេសចុងក្រោយរបស់ UNDP ឆ្នាំ២០២៤-២០២៨ ក្នុងរយៈពេលជាង ៧ឆ្នាំកន្លងមក ភាពក្រីក្រពហុវិមាត្របានធ្លាក់ចុះពី ៣៦,៧% មក ១៦,៦% ដែលស្មើរនឹងចំនួនប្រជាជនរស់នៅក្នុងភាពក្រីក្របានធ្លាក់ចុះពី ៥,៦ លាននាក់ មកនៅត្រឹមតែ ២,៨ លាននាក់ប៉ុណ្ណោះ ខណៈប្រជាជនកម្ពុជាសរុបមានចំនួនប្រហែល ១៦,៩ លាននាក់៕
អត្ថបទដោយ៖ កាន់ ដារ៉ា (ស្មេរពនេចរ) ម្ចាស់ស្នាដៃសៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម
https://t.me/BusinessCambodiaBook
