ជាទូទៅកម្មវិធី CapCat ប្រើនៅលើកុំព្យូទ័រ គឺពិបាកនៅក្នុងការសរសេរអក្សរខ្មែរ​ ពោលបើគេចង់ដាក់អក្សរខ្មែរនៅលើវីដេអូ ទាល់តែច្នៃអក្សរខ្មែរនៅក្នុងកម្មវិធី Photoshop ឬកម្មវិធីផ្សេងទៀត ទើបអាចដាក់បាន ខណ:​ការធ្វើបែបនេះ វាស៊ីពេល និងមិនទាន់ចិត្តនោះទេ។

ចំពោះបញ្ហានេះដែរ យើងអាចដោះស្រាយបាន តាមរយ:ការប្រើប្រាស់កម្មវិធី CapCut នៅលើវេបសាយរបស់វាផ្ទាល់តែម្ដង។ លោកអ្នកអាច ចូលទៅកាន់វេបសាយ https://www.capcut.com/my-edit?start_tab=video រួចបង្កើត Project បន្ទាប់មកជ្រើសរើសរូបភាព សំឡេង ឬវីដេអូដែលយើងចង់កាត់។

ជំហានបន្ទាប់ ដើម្បីសរសេរអក្សរខ្មែរនៅលើ CapCut នេះបាន យើងត្រូវចុចយកប៊ូតុង Text បន្ទាប់មកទៀត ជ្រើសរើសយក Add Heading ឬ Add Body Text នោះលោកអ្នក អាចសរសេរអក្សរខ្មែរ បានតាមចិត្ត។ បញ្ជាក់ សម្រាប់អក្សរខ្មែរ ដែលប្រើនៅលើវេបសាយនេះ គឺពុំអាចផ្លាស់ប្ដូរ Font បាននោះទេ៕