ដំណឹងរីករាយ! ផ្សារទំនើប Aeon ទី៣ តម្លៃជិត ៣០០ លានដុល្លារ ប្រកាសបើកដំណើរការសាកល្បងនៅក្នុងខែធ្នូនេះហើយ
Bunthoeun KoemDECEMBER 5 202219.3 K views

ជាដំណឹងដ៏រីករាយ ខណៈផ្សារទំនើប អ៊ីអន ម៉ល មានជ័យ (Aeon) ដែលជាផ្សារទំនើបទី៣ ដែលជាផ្សារទំនើបធំទី៣ របស់ក្រុមអ៊ីអន ខេមបូឌា បានប្រកាសបើកដំណើរការសាកល្បងនៅថ្ងៃទី ១៥ ខែធ្នូ ឆ្នាំ២០២២ ខាងមុខនេះហើយ។ នេះបើយោងតាមការចេញផ្សាយតាមរយៈផេកផ្លូវការរបស់ក្រុមហ៊ុនអ៊ីអន ខេមបូឌា នៅថ្ងៃទី០៥ ខែធ្នូ ឆ្នាំ២០២២។

យោងតាមសេចក្ដីប្រកាសរបស់​ក្រុមហ៊ុន អ៊ីអន ខេមបូឌា បានឱ្យដឹងថា៖​ " ក្រុមហ៊ុនអ៊ីអន ខេមបូឌា នឹង ក្រុមហ៊ុនអ៊ីអន (ខេមបូឌា) ខូអិលធីឌី មានកិត្តយស ជម្រាបជូនដំណឹងដល់សាធារណជន នឹងសារពត័មានអោយបានជ្រាបថា នៅថ្ងៃព្រហស្បតិ៍ ទី១៥ ខែធ្នូរ ឆ្នាំ២០២២ខាងមុខនេះ ក្រុមហ៊ុនយើងខ្ញុំនឹងបើកដំណើរការសាកល្បង ផ្សារទំនើប អ៊ីអន ម៉ល មានជ័យ ដែលជាផ្សារទំនើបទី៣របស់យើងនៅក្នុងព្រះរាជាណាចក្រកម្ពុជា"។

ផ្សារទំនើបនេះ មានទីតាំងស្ថិតនៅតាមបណ្តោយមហាវិថីសម្ដេចតេជោ ហ៊ុន សែន (ផ្លូវ៦០ម៉ែត្រ) ភាគខាងត្បូងនៃរាជធានីភ្នំពេញ ដែលជាតំបន់កំពុងត្រូវបានអភិវឌ្ឍ ជាទីក្រុងរណបនៃរាជធានីភ្នំពេញ។ ដោយផ្តល់ជូននូវការកម្សាន្ត និងការអប់រំដល់មនុស្សគ្រប់វ័យ ជាមួយនឹងគោលគំនិត “Edutainment Mall” នៅចំកណ្តាលនៃទីក្រុងកំពុងអភិវឌ្ឍន៍ថ្មីនេះ។

គួបញ្ជាក់ផងដែរថាផ្សារ​ទំនើប​អ៊ីអន​ ៣ ​មាន​អគារ​កម្ពស់​ ៥ ​ជាន់ ​នឹង​ក្លាយជា​មជ្ឈមណ្ឌល​ហាង​លក់​ទំនិញទំនើប​និង​ធំ​បំផុត​នៅ​ភាគខាងត្បូង​រាជធានី​ភ្នំពេញដែលមានហាងចំនួន ២៥០ហាង​។ ដោយសាងសងនៅលើកផ្ទៃដីសរុបរហូតដល់ទៅ ១៧៤០០០ ម៉ែត្រការ៉េ ក្នុងទំហំទឹកប្រាក់ប្រមាណជា២៨៩,៦លានដុល្លារអាមេរិក ខណៈគម្រោងផ្សារថ្មីនេះត្រូវបានបើកការដ្ឋានសាងសង់ថ្ងៃទី៧ ខែតុលា ឆ្នាំ២០២០៕  

318411684 462065919376337 4470007725705238446 N

318364476 462066276042968 879176916106341156 N

អត្ថបទដោយ៖ ឌឿក ស្រី នុត

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia