សប្បាយញ៉ាំហើយ សម្រាប់អ្នកចូលចិត្តញ៉ាំផ្លែឈើស្រស់ៗដែលបេះពីដើមផ្ទាល់ ខណៈនាពេលនេះមានចំការផ្លែឈើមួយកន្លែងដែលស្ថិតនៅខេត្តកំពង់ចាមបានប្រកាសបើកជាលក្ខណៈប៊ូហ្វេ ដោយចាយត្រឹមតែ៥ពាន់រៀលក្នុងម្នាក់អាចញ៉ាំដោយសេរីបាន។
លោកតាសុខ ដែលជាម្ចាស់ចំការសាវម៉ាវ បានឱ្យដឹងថា ចំការរបស់លោកនឹងបើកទទួលឱ្យភ្ញៀវចូលទស្សនា និងញ៉ាំប៊ូហ្វេផ្លែឈើចាប់ពីថ្ងៃនេះតទៅ ដោយក្នុងម្នាក់ត្រូវចំណាយអស់ ៥ពាន់រៀលប៉ុណ្ណោះ ប៉ុន្តែអាចញ៉ាំផ្លែសាវម៉ាវ បានដោយសេរីមិនកំណត់ម៉ោងឡើយ ហើយសម្រាប់អ្នកដែលចូលលេងចង់ទិញយកទៅផ្ទះក៏មានតម្លៃពិសេសជូនថែមទៀតផងពោលក្នុង១គីឡូត្រឹមតែ ៥ពាន់រៀលប៉ុណ្ណោះ។
គួរបញ្ជាក់ផងដែរ សម្រាប់ចម្ការសាវម៉ាវនេះដែរ គឺចាប់ផ្តើមបើកឱ្យភ្ញៀវចូលចាប់ពីម៉ោង ៦ព្រឹក ដល់ម៉ោង ៦ល្ងាច នៅទីតាំងក្នុងភូមិរមូល ឃុំរអាង ស្រុកកំពង់សៀម ខេត្តកំពង់ចាម។ ហេតុដូច្នេះសម្រាប់បងប្អូនដែលបានទៅលេងនៅខេត្តកំពង់ចាម អចឈានចូលទៅញ៉ាំប៊ូហ្វេផ្លែឈើនៅចំការ ផ្ទាល់តែម្តងបាន។ ដែលមានទីតាំង Google Map : https://maps.app.goo.gl/iyQ4UtNdU4szEXXbA... ឬអាចទំនាក់ទំនងជាមួយម្ចាស់ចម្ការផ្ទាល់បានលេខ 071 945 5294, 088 901 2400 (telegram )៕
