ថ្ងៃទី ២១ ខែមេសា ឆ្នាំ ២០២៥ – ភ្នំពេញ៖ កាលពីថ្មីៗកន្លងមកនេះ ក្រុមហ៊ុន LOF ដែលកំពុងឆ្ពោះដំណើរទៅរកគោលដៅសមិទ្ធផលរបស់ខ្លួនក្នុងការរកប្រាក់ចំណូលប្រាក់ចំណូល ១ ពាន់លានដុល្លារ ដោយមានចក្ខុវិស័យក្នុងការក្លាយជាក្រុមហ៊ុនផ្គត់ផ្គង់ចំណីអាហារឈានមុខគេនៅតំបន់អាស៊ីអាគ្នេយ៍ បានប្រកាសលក់ផលិតផលថ្មីគឺ KUN ទឹកដោះគោស្រស់សុទ្ធ ១០០% នៅក្នុងទីផ្សារកម្ពុជា។

ចំពោះការបើកលក់ផលិតផលថ្មីនេះដែរ ក្រុមហ៊ុនមានគោលបំណងដើម្បីលើកកម្ពស់ដល់សុខុមាលភាព និងការលូតលាស់របស់កុមារកម្ពុជា តាមរយៈការផ្ដល់ជូននូវរសជាតិទឹកដោះគោដ៏ស្រស់ឈ្ងុយឆ្ងាញ់ មានគុណភាពខ្ពស់ និងសម្បូរដោយសារជាតិចិញ្ចឹមក្នុងតម្លៃដ៏សមរម្យក្នុងមួយកេស។​

ពិធីបើកសម្ពោធផលិតផលថ្មីនេះដែរ​​ បានបញ្ចប់ទៅយ៉ាងជោគជ័យដោយមានការចូលរួមយ៉ាងច្រើនពីសំណាក់ម្ចាស់ដេប៉ូ​ អតិថិជន និងតំណាងចែកចាយធំៗនានារបស់​​​​​​​ផលិតផល ​KUN ពីគ្រប់តំបន់ក្នុងប្រទេសកម្ពុជា។ អ្នកចូលរួមទាំងអស់មិនត្រឹមតែបានទទួលនូវការយល់ដឹងកាន់តែច្បាស់អំពី​​​​​​ KUN តែប៉ុណ្ណោះទេ ថែមទាំងបានទទួលនូវចំណេះដឹង និងយុទ្ធសាស្ដ្រល្អៗពីក្រុមជំនាញផ្នែកលក់ និងទីផ្សារ ក្នុងការទាក់ទាញអតិថិជនឱ្យបានច្រើន និងលក់កាន់តែដាច់ដើម្បីបង្គ្រប់គោលដៅលក់ប្រចាំខែរបស់ពួកគេជាមួយនឹងក្រុមហ៊ុន International Dairy Product Joint Stock Company (LOF)។

គូសបញ្ជាក់ផងដែរ​ LOF គឺជាក្រុមហ៊ុនផលិតទឹកដោះគោ ដែលទទួលបានមូលនិធីវិនិយោគពីក្រុមហ៊ុនសិង្ហបុរី Daytona Investments ហើយបច្ចុប្បន្ននេះ ត្រូវបានគេទទួលស្គាល់ថាជាម៉ាកយីហោដ៏ល្បីល្បាញមួយក្នុងចំណោមម៉ាកដែលគេទុកចិត្តបំផុតទាំង​១០ នៅតំបន់អាស៊ី​ដោយកម្មវិធីលំដាប់អន្ដរជាតិ​ Asia Top Trusted Brand Awards 2024 (ATTBA) ធ្វើឡើងក្នុងឆ្នាំ​ ២០២៤ នៅទីក្រុងហ្សាកាតា ប្រទេសឥណ្ឌូនេស៊ី។ ហើយក្នុងខែមេសា​ ឆ្នាំ២០២៥ កន្លងមកនេះ នៅលើវេទិកាកិច្ចសន្និសីទសេដ្ឋកិច្ចនៃប្រទេសវៀតណាម​ និងអាស៊ាន រួមទាំងកម្មវិធីផ្ដល់ពានរង្វាន់សម្រាប់ម៉ាកផលិតផលដ៏ល្អប្រចាំឆ្នាំ ២០២៥​ លើកទី ៩ (ASEAN Strong Brands 2025) នោះ ក្រុមហ៊ុន LOF ក៏ត្រូវបានផ្ដល់កិត្តិយសជាម៉ាកយីហោរៀមច្បងមួយក្នុងចំណោមម៉ាកមួយចំនួនដែលមានគេទុកចិត្តបំផុត និងបានរាប់បញ្ចូលជាក្រុមហ៊ុនលំដាប់កំពូលទាំង ៥ ដ៏ល្បីប្រចាំឆ្នាំ​២០២៥ និងតំបន់អាស៊ីផងដែរ​ ក្នុងនាមជាក្រុមហ៊ុនដែលផ្ដល់នូវគុណភាពខ្ពស់ និងសេវាកម្មល្អផ្ដាច់គេ។​ ចំពោះក្នុងទីផ្សារកម្ពុជាវិញ សព្វថ្ងៃនេះ LOF ក៏បានជោគជ័យក្នុងទីផ្សារគួរឱ្យកត់សម្គាល់ ជាមួយនឹងម៉ាកផលិតផល KUN ដែលជាទឹកដោះគោដ៏ឈ្ងុយឆ្ងាញ់ មានដូចជា​ ទឹកដោះគោ Kun រសជាតិផ្លែឈើ ទឹកដោះគោ Kun ផ្សំពី Malt ទឹកដោះគោចាហួយ​ Kun ផ្សំពី Malt​ និង Kun Eating Yogurt​។ ហើយ​​ KUN ទឹកដោះគោស្រស់សុទ្ធ ១០០% នឹងជាជម្រើសថ្មីមួយទៀតដ៏ល្អសម្រាប់អតិថិជនដែលកំពុងស្វែងរកទឹកដោះគោស្រស់ពិតពីធម្មជាតិ ដែលមានលក្ខណៈខុសប្លែកពីទឹកដោះគោបង្ហាប់ (ទឹកដោះគោឆុងដោយម្សៅលាយនឹងទឹក)។

 

KUN ទឹកដោះគោស្រស់ ១០០% គឺស្រស់ពិតៗ និងមានរសជាតិស្រាល​ឈ្ងុយឆ្ងាញ់ មានគ្រីមជាប់មាត់ និងផ្ដល់អារម្មណ៍ស្រស់ស្រាយបន្ទាប់ពីញ៉ាំរួច ដែលជាលក្ខណៈពិសេសប្លែកគេ និងផលិតផលទឹកដោះគោដទៃទៀតពុំមាន។ ដើម្បីធានាទឹកដោះគោដ៏ស្រស់ឆ្ងាញ់ពិតៗពីធម្មជាតិ និងគុណភាពខ្ពស់សម្រាប់អតិថិជនគ្រប់រូបនោះ ក្រុមហ៊ុន LOF បានវិនិយោគលើពូជគោទឹកដោះ ដែលមានប្រវត្តិដើមកំណើតច្បាស់លាស់ ព្រមទាំងបានចិញ្ចឹមបីបាច់ថែទាំយ៉ាងយកចិត្តទុកដាក់តាមស្ដង់ដារបច្ចេកទេសដ៏ត្រឹមត្រូវ ដោយផ្ដល់នូវចំណីដែលមានសារជាតិចិញ្ចឹមខ្ពស់ និងមានអនាម័យពីរូបមន្ដអ្នកជំនាញជនជាតិអ៊ីស្រាអែល និងទឹកស្អាតដែលបន្សុទ្ធតាមប្រព័ន្ធតម្របទំនើប។ ហើយជម្រកក្រោលរបស់ពួកវាជាកសិដ្ឋាន ដែលត្រូវបានសាងសង់ឡើងតាមស្ដង់ដារអន្ដរជាតិ និងមានសីតុណ្ហភាពត្រជាក់ពោរពេញផាសុកភាព  ដើម្បីជំរុញការផលិតទឹកដោះបានល្អ។

បន្ទាប់ពីការច្របាច់ទឹកដោះរួច ទឹកដោះគោត្រូវបានវេចខ្ចប់ក្នុងរយៈពេលមិនឱ្យលើសពី ១២ ម៉ោង ដោយឆ្លងកាត់ខ្សែសង្វាក់ផលិតកម្មដ៏ទំនើបពីប្រទេសស៊ុយអែត ដើម្បីអនុលោមតាមស្តង់ដារសុវត្ថិភាព និងអនាម័យចំណីអាហារអន្ដរជាតិ។​

ស្របតាមការប្ដេជ្ញា និងយុទ្ធសាស្ដ្ររបស់ខ្លួនក្នុងការក្លាយជាម៉ាកយីហោ ដែលបំពេញតម្រូវការអាហារូបត្ថម្ភដល់កុមារកម្ពុជា KUN ទឹកដោះគោស្រស់សុទ្ធ ១០០% បានដាក់លក់ក្នុងតម្លៃមួយដ៏សមរម្យ ដែលអាចឱ្យកុមារគ្រប់គ្នាមានឱកាសភ្លក់រសជាតិទឹកដោះគោដ៏ស្រស់ សម្បូរសារជាតិចិញ្ចឹមល្អៗដើម្បីជំនួយដល់ការលូតលាស់របស់ពួកគេប្រដបដោយសុខភាពល្អ ខណៈពេលដែលយើងកំពុងពង្រីកបណ្ដាញចែកចាយយ៉ាងជិតស្និទ្ធជាមួយ ប៊ីភីស៊ី គ្រុប ដែលជាតំណាងចែកចាយចំណីអាហារឈានមុខគេនៅក្នុងតំបន់។

លោក Lu Nguyen Huan អ្នកនាយកផ្នែកលក់អន្ដរជាតិបានលើកឡើងថា៖ “ក្នុងរយៈពេលពីរបីឆ្នាំកន្លងមក យើងសម្រេចបានជោគជ័យយ៉ាងគួរឱ្យកត់សម្គាល់ ទោះមានបញ្ហាសេដ្ឋកិច្ច និងអតិផរណាក៏ដោយ។ នេះបានមកព ដោយសារការឈរក្នុងគោលជំហរច្បាស់លាស់ និងការខិតខំប្រឹងប្រែងទាំងស្រុងរបស់ក្រុមការងារ បុគ្គលិកនៃក្រុមហ៊ុន ជាពិសេសការសហការដ៏រឹងមាំជាមួយតំណាងចែកចាយរបស់យើង។ ហើយសមិទ្ធផលនេះ​ មិនមែនសុទ្ធតែអាជីវកម្មទាំងអស់អាចសម្រេចបានជោគជ័យនោះឡើយ ជាពិសេសនៅក្នុងវិស័យផលិតកម្មទឹកដោះគោតែម្ដង។ សូមអរគុណចំពោះការគាំទ្រ និងការជឿទុកចិត្តលើទឹកដោះគោ KUN! បន្ទាប់ពីការបើកសម្ពោធផលិតផលថ្មីនេះ ខ្ញុំជឿជាក់ថា KUN ទឹកដោះគោស្រស់​សុទ្ធ ១០០% នឹងជាផលិតផលដែលកុមារកម្ពុជាទទួលបាននូវរសជាតិស្រស់ដ៏ពិ​តប្រាកដ និងអាហារូបត្ថម្ភសម្រាប់ការលូតលាស់ពេញលេញក្នុងតម្លៃដ៏សមរម្យ។ ដោយមានការគាំទ្រពីដៃគូសហការណ៍ និងតំណាងចែកចាយជាច្រើន យើងខ្ញុំជឿជាក់ថានឹងអាចជួយឱ្យ Kun Cambodia បន្តនូវភាពរីកចម្រើនឈានទៅមុខ និងទទួលបានភាពជោគជ័យយ៉ាងខ្លាំងជាមួយគ្នា។”

ចាប់ពីថ្ងៃនេះតទៅ KUN ទឹកដោះគោស្រស់សុទ្ធ ១០០% នឹងមានវត្តមាននៅហាងទំនិញ ផ្ទះចាបហួយ និងផ្សារទំនើបនានាទូទាំងប្រទេស។ អ្នកអាចរីករាយជាមួយនឹងរសជាតិទឹកដោះស្រស់សុទ្ធដ៏ឈ្ងុយឆ្ងាញ់ និងទទួលបានអាហារូបត្ថម្ភដ៏ល្អពី KUN​ ផងដែរ។