តាមរបាយការណ៍ចុងក្រោយរបស់ធនាគារស្វីស Julius Baer និងស្ថាប័នពិភពលោកជាច្រើន បានបង្ហាញថា ទីក្រុងសិង្ហបុរី (Singapore) គឺជាទីក្រុងដែលមានថ្លៃរស់នៅខ្ពស់បំផុតនៅឆ្នាំ ២០២៥ ខណៈទីក្រុង ហុងកុង ឈរនៅលំដាប់ទី ៣។

ការវាយតម្លៃចំណាប់ថ្នាក់នេះ ធ្វើឡើងដោយផ្អែកលើ តម្លៃអាហារ សេវាកម្ម ទំនិញប្រើប្រាស់ និងតម្លៃអចលនទ្រព្យបានកើនឡើងជាបន្តបន្ទាប់ ព្រោះការកង្វះខាតដី កំណើនប្រជាជន និងសកម្មភាពសេដ្ឋកិច្ចខ្ពស់។

យ៉ាងណាមិញ ក្រៅពីទីក្រុងរបស់អាស៊ីទាំង ២ ខាងលើ មានទីក្រុងធំៗដទៃទៀតដូចជា ទីក្រុងឡុងដ៍, ទីក្រុងញូវយ៉ក, ទីក្រុងហ្សូរីច និងទីក្រុងសាន់ហ្វ្រាន់ស៊ីស្កូ សុទ្ធតែមានតម្លៃរស់នៅខ្ពស់។

គួរជម្រាបផងដែរថា ដោយសារតែការកើនឡើងនៃថ្លៃជីវភាព ប្រជាជនដែលមានប្រាក់ចំណូលមធ្យម និងទាប ត្រូវការធ្វើផែនការហិរញ្ញវត្ថុយ៉ាងម៉ត់ចត់ ប្រសិនបើចង់រស់នៅទីក្រុងទាំងនេះ។ ការរស់នៅក្នុងទីក្រុងដែលថ្លៃអាចផ្តល់ឱកាសការងារល្អ ប៉ុន្តែបើគ្មានការគ្រប់គ្រងចំណាយសមរម្យ អ្នកអាចជួបការលំបាកផ្នែកហិរញ្ញវត្ថុយ៉ាងងាយ។ ដូច្នេះចូរជ្រើសរើសទីកន្លែងរស់នៅដែលសមស្របទៅនឹងស្ថានភាពសេដ្ឋកិច្ច និងគោលដៅជីវិតរបស់ខ្លួន៕

អត្ថបទដោយ៖ កាន់ ដារ៉ា (ស្មេរពនេចរ) ម្ចាស់ស្នាដៃសៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម  https://t.me/BusinessCambodiaBook