នៅថ្ងៃចុងសប្តាហ៍នេះ ថ្ងៃទី២៤ និងថ្ងៃទី២៥ ខែឧសភា ផ្លូវថ្មើរជើង- WalkStreet ដែលមានការដើរកម្សាន្ត ទិញទំនិញនិងសកម្មភាពកម្សាន្តយ៉ាងអ៊ូរអរនោះនឹងមានព្រឹត្តិការណ៍ដ៏ពិសេសមួយ ទៀតរបស់ក្រសួងទេសចរណ៍និងស្ថានទូតចិនសម្រាប់មហាជនទស្សនាដោយសេរីនិងឥតគិតថ្លៃ ដើម្បីអបអរ “ឆ្នាំទេសចរណ៍ កម្ពុជា-ចិន ២០២៥”។
ដោយព្រឹត្តិការណ៍ពិសេសនេះនឹងមានការសម្តែងទស្សនីយភាពសិល្បៈរួមគ្នារវាង កម្ពុជា-ចិន នាល្ងាចថ្ងៃទី២៣ ខែឧសភា ឆ្នាំ២០២៥ នៅសាលសន្និសីទចតុម្មុខ។ ដោយឡែក នៅថ្ងៃទី២៤ និងថ្ងៃទី២៥ ខែឧសភា ឆ្នាំ២០២៥ នឹងមានការសម្តែងទស្សនីយភាពសិល្បៈរួមគ្នារវាង កម្ពុជា-ចិន ម្តងទៀតសម្រាប់មហាជនទស្សនា នៅបរិវេណសួនច្បារ តេជោមាសតេជោយ៉ត តាមបណ្តោយផ្លូវថ្មើជើងមាត់ទន្លេចតុមុខ។
អាស្រ័យហេតុនេះក្រសួងទេសចរណ៍ សូមអំពាវនាវឱ្យ សាធារណជនមេត្តាជ្រាប និងចូលរួមឱ្យបានច្រើនកុះករ ព្រមទាំងចូលរួមផ្សព្វផ្សាយព្រឹត្តិការណ៍ខាងលើ ឱ្យបានទូលំទូលាយ ដើម្បីទាក់ទាញចំណាប់អារម្មណ៍ភ្ញៀវទេសចរបន្ថែមទៀត ពិសេសវិនិយោគិនចិន៕
