ពេលទិញទំនិញនៅហាងគេតែងគិតពន្ធ តើដឹងអត់ថាប្រភេទសេវានិងទំនិញអ្វីខ្លះដែលមិនមានជាប់ពន្ធអាករ?

ជាទូទៅពន្ធអាករនៅលើតម្លៃបន្ថែម គឺជាប្រភេទពន្ធប្រយោលដែលរាជរដ្ឋាភិបាលកំណត់លើទំនិញ ឬសេវាដែលយើងប្រើប្រាស់រាល់ថ្ងៃ ហើយពន្ធអាករលើតម្លៃបន្ថែមនេះទៀតសោតត្រូវបានកំណត់ ១០ភាគរយលើតម្លៃជាប់អាករនៃការផ្គត់ផ្គង់ជាប់អាករនីមួយៗនៅក្នុងព្រះរាជាណាចក្រកម្ពុជា ប៉ុន្តែក្នុងនោះក៏មានការផ្គង់ផ្គង់ និងសេវាកម្មមួយចំនួនមិនបានជាប់ពន្ធអាករដែរ រួមមាន ៖

សេវាប្រៃសណីយ៍សាធារណៈ

សេវារបស់មន្ទីរពេទ្យនិងគ្លីនិក សេវាខាងវេជ្ជសាស្រ្តនិងទន្តសាស្រ្ត និងការលក់ទំនិញបន្ទាប់បន្សំខាងវេជ្ជសាស្រ្តនិងទន្តសាស្រ្តដែលទាក់ទិននឹងការបំពេញសេវាទាំងនេះ

សេវាដឹងជញ្ជូនអ្នកដំណើរដោយប្រព័ន្ធដឹកជញ្ជូនសាធារណៈនិងជាកម្មសិទ្ធិទាំងស្រុងរបស់រដ្ឋ

សេវាធានារ៉ាប់រង

សេវាជាមូលដ្ឋានខាងហិរញ្ញវត្ថុ

ការនាំចូលសម្ភារប្រើប្រាស់ផ្ទាល់ខ្លួនដែលរួចពន្ធគយស្របតាមបទបញ្ញត្តិស្តីពីគយ

សកម្មភាពមិនស្វែងរកចំណេញដើម្បីប្រយោជន៍សាធារណៈ

សេវាសិក្សាអប់រំ

ថាមពលអគ្គិសនីនិងទឹកស្អាត

ផលិតផលកសិកម្មមិនទាន់កែចច្នៃ

សេវាប្រមូលឬសម្អាតកាកសំណល់រឹង រាវ ៕

អត្ថបទដោយ៖សម្បត្តិ សុខឡាង

ធី ស្រីល័ក្ខ

ប្រសិនជាលោកអ្នកចង់ចែករំលែកទាក់ទងជាមួយមុខរបរផ្សេងៗឬក៏អាជីវកម្មដែលថ្មីហើយប្លែកក៏ដូចជាបទពិសោធន៍ក្នុងការប្រកបរបររកស៊ីបងប្អូនទាំងអស់គ្នាអាចធ្វើការទំនាក់ទំនងមកកាន់ខ្ញុំបាន។ ទំនាក់ទំនង 096 8989 176។ សូមអរគុណ

អត្ថបទសរុប៖ 2490