ឪពុកម្តាយមួយចំនួន កំពុងជួបផលវិបាកលើការនិយាយអប់រំកូន ក្នុងវ័យចាប់ពី១២-១៨ ឆ្នាំ ព្រោះនេះជាវ័យមួយដែលកូនៗកំពុងលូតលាស់ប្រែប្រួលលើរាងកាយ អត្តចរិត និងចិត្តគំនិត។

ទាក់ទងនិងប្រធានបទនេះ បើតាម លោក សេង បូណា បណ្ឌិតផ្នែកវិទ្យាសាស្រ្តអប់រំ និងជាស្ថាបនិកសាលារៀនអន្តរជាតិទ្រូវិហ្សិនកម្ពុជា -True VISIONS International School of Cambodia បានចែករំលែកអំពីការអប់រំ កូនពីអាយុ១២ដល់១៨ឆ្នាំ ដែលឪពុកម្តាយគ្រប់រូបគួរដឹង តាមរបៀប៥យ៉ាងនេះ ជួយឱ្យកូនមានអនាគតល្អ។ 

១. ឪពុកម្តាយត្រូវដឹងថា "ការអប់រំកូន គឺជាការដាស់តឿន និយាយ ដដែលៗទៅកាន់កូន" ព្រោះនេះជាវិធីសាស្ត្រអប់រំកូន។

២. តាមដានសង្កេតលើអាកប្បកិរិយា សំដីសំដៅ សីលធម៌របស់កូន និងឧស្សាហ៍កែតម្រូវ និងរំឭកកូនជាប្រចាំ។

៣. ចំណាយពេលជជែកលេងជាមួយកូន និងស្តាប់គំនិតកូនខ្លះផង ដែលជាការផ្តល់ទំនុកចិត្តដល់កូន។

៤. កុំប្រដៅកូន ឬស្តីបន្ទោសកូនពេលហូបបាយ (កូនបាយ មិនឆ្ងាញ់ទេ) ឪពុកម្តាយគួររើសពេលសមស្របណាមួយជា ប្រចាំក្នុងការណែនាំកូន។

៥. ឪពុកម្តាយ គួរគ្រប់គ្រងការប្រើប្រាស់ទូរស័ព្ទដៃរបស់កូនអោយ បានហ្មត់ចត់ (កុំបណ្តោយតាមចិត្ត) ដោយពន្យល់ពីផល ប៉ះពាល់ និងផលលំបាកនាពេលអនាគតរបស់គាត់។

គួរជម្រាបផងដែរថាសាលារៀនអន្តរជាតិទ្រូវិហ្សិនកម្ពុជា គឺជាសាលារៀនបង្កើតឡើងដោយកូនខ្មែរ នៅក្នុងឆ្នាំ២០១៣ ដោយ លោកបណ្ឌិត សេង បូណា ។  

នាពេលបច្ចុប្បន្ននេះ សាលារៀនអន្តរជាតិ True Visions បានពង្រីកភាពជាដៃគូជាមួយប្រទេសជាច្រើនដូចជា  សិង្ហបុរី នូវែលសេឡង់ សហរដ្ឋអាមេរិក អូស្ត្រាលី និងចក្រភពអង់គ្លេស កំពុងផ្តល់ជូននូវការអប់រំដល់កុមារចាប់ពីថ្នាក់ទី១ដល់ថ្នាក់ទី១២ ទាំងភាសាខ្មែរ ភាសាអង់គ្លេសនិងភាសាចិន៕

អត្ថបទដោយ៖ ពីង ជូអេង​