ការវិនិយោគលើវិស័យអចលនទ្រព្យសំខាន់បំផុតគឺការជ្រើសរើសទីតាំង បើជ្រើសរើសទីតាំងត្រូវ គឺជាជោគជ័យមួយក្នុងជំនួញ និងការវិនិយោគ ប៉ុន្តែមានមនុស្សមិនតិចនាក់នោះទេ ដែលមិនដឹងថា តើត្រូវជ្រើសរើសទីតាំងយ៉ាងម៉េចឱ្យត្រូវនឹងការវិនិយោគរបស់ខ្លួន ។
ទាក់ទងនឹងការជ្រើសរើសទីតាំងនោះដែរ លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានបង្ហាញពីទីតាំងមួយចំនួនដែលល្អសម្រាប់ការវិនិយោគ។
ក្នុងនោះដែរលោកបានលើកឡើងយ៉ាងដូច្នេះថា “សម្រាបខ្ញុំបើយើងនិយាយពីការវិនិយោគអចលនទ្រព្យ ទីតាំង ទីតាំង ទីតាំ និងទីតាំង។ តើទីតាំងនោះមានអីខ្លះ”។
ទីតាំងទី១.(connected ) ទីតាំងដែលមានភ្ជាប់ជាមួយនឹងការដឹកជញ្ជូនសាធារណៈ ដូចជាទីតាំងនៅជិតរថភ្លើង ឬក៏ផ្លូវល្បឿនលឿនជាដើម ។ អ្នកវិនិយោគត្រូវសម្លឹងមើលថា តើតំបន់ណាដែលមានការផ្សារភ្ជាប់ការដឹកជញ្ជូនច្រើនជាងគេ ដូចជាទីតាំងដែលមានមនុស្សត្រូវចុះឡើងយានយន្តជាដើម ។
ទីតាំងទី២. ទីតាំងមួយទៀតគឺសំដៅលើតំបន់ណាដែលកំពុងធ្វើហេដ្ឋារចនាសម្ព័ន្ធនិងធ្វើរួចហើយ។ លោកបានបញ្ជាក់ថា រាជរដ្ឋាភិបាលកម្ពុជាបានចំណាយថវិកាច្រើនណាស់ក្នុងការអភិវឌ្ឍហេដ្ឋារចនាសម្ព័ន្ធ ដូចជាព្រលានយន្តហោះ ផ្លូវក្រវាត់ក្រុង និងកំពង់ផែជាដើម ។ ទីតាំងទាំងនេះហើយដែលធ្វើឱ្យតម្លៃអចលនទ្រព្យឡើងថ្លៃ។
ទីតាំងទី៣. នោះគឺតំបន់ដែលមានសុវត្ថិភាព ។ អ្នកវិនិយោគត្រូវសិក្សាមើល ពីតំបន់ដែលមានសុវត្ថិភាព ដូចជាតំបន់ដែលមិនមានអំពើចោរកម្ម ឬមានសកម្មភាពរញ៉េរញ៉ៃណាមួយ ដោយគិតពីសុខសុវត្ថិភាពពេលធ្វើដំណើរទៅធ្វើការ និងពេលត្រលប់មកវិញទាំងពេលថ្ងៃ និងពេលយប់ ។ ដូច្នេះសម្រាប់អ្នកទិញអចលនទ្រព្យដូចជាការទិញផ្ទះជាដើមក៏គេសម្លឹងលើកត្តាទាំងនេះដែរ ។
តាំងទី៤. ដែលគួរជ្រើសរើសសម្រាប់ការវិនិយោគលើអចលនទ្រព្យគឺ(Convenience ) ភាពងាយស្រួល ។ ភាពងាយស្រួលនេះគេសំដៅលើងាយស្រួលក្នុងការរស់នៅ ដូចជាទីតាំងនៅជិតសាលារៀន ងាយស្រួលជូនកូនទៅរៀន នៅជិតមន្ទីរពេទ្យ ដែលអាចងាយស្រួលបញ្ជូនសាច់ញាតិទៅកាន់មន្ទីរពេទ្យបានទាន់ពេលវេលា ពេលមានជំងឺឈឺថ្កាត់ណាមួយ ទៅតាំងនៅជិតផ្សារ ងាយស្រួលក្នុងការទិញទំនិញប្រើប្រាស់ប្រចាំថ្ងៃ ៕
