មានបងប្អូនជាច្រើន មានចម្ងល់ថានៅពេលដែលបណ្ណបើកបររបស់យើងហួសសុពលភាពនឹងត្រូវប៉ូលីសពិន័យហើយ។ ជាមួយគ្នានោះដែរ នៅពេលនេះក្រសួងសាធារណការ និងដឹកជញ្ជូនក៏បានប្រកាសថា សម្រាប់បណ្ណបើកបរយានយន្ត ដែលហួសសុពលភាពមិនលើសពី ៣០ថ្ងៃ មិនមានការពិន័យឡើយ។
នៅក្នុងនោះដែរ ដើម្បីបន្តសុពលភាពបណ្ណបើកបរ ត្រូវការឯកសារ តម្លៃដូចខាងក្រោមនេះ៖
១.បណ្ណបើកបរដែលត្រូវប្ដូរ (ច្បាប់ដើម)
២.អត្តសញ្ញាណប័ណ្ណសញ្ជាតិខ្មែរ (ច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច)
៣.លិខិតបញ្ជាក់កាយសម្បទា(មាននៅទីតាំងផ្ដល់សេវា)
៤. រូបថត ៤x៦ ផ្ទែពណ៍សចំនួន ៣សន្លឹក
- កម្រៃសេវា
១.បណ្ណបើកបរប្រេភទ "ក" ២០.០០០រៀល
២. បណ្ណបើកបរប្រភេទ "ខ" "គ" "ឃ" "ង" ៣០.០០០រៀល
គួរបញ្ជាក់ថា បងប្អូន អាចមកទទួលសេវានៅមណ្ឌលផ្ដល់សេវាសាធារណៈ៖ ទីស្ដីការក្រសួង,ផ្សារទំនើបអ៊ីអន១,ផ្សារទំនើបអ៊ីអន២,ផ្សារទំនើបអ៊ីអនមានជ័យ,ផ្សារទំនើបអូឡាំព្យា,ផ្សារទំនើបហេរីថេកវ៉ក ខេត្តសៀមរាប,ផ្សារទំនើបហ្វូរីថាមសឃ្វែរ ខេត្តព្រះស៊ីហនុ,តាមច្រកចេញ-ចូល នៅតាមរាជធានី-ខេត្តដែលបងប្អូនរស់នៅ៕
