នៅក្មេង ក៏អាចមានទ្រព្យច្រើន! យុវជនវ័យ២៦ឆ្នាំ បង្ហើបក្បួនយកលុយបង្កើតទ្រព្យជាង១០កន្លែង ត្រឹមពេលខ្លី
Bunthoeun KoemDECEMBER 8 2022592 views

វ័យខ្ទង់ ២០ ឡើងគឺជាវ័យមួយដែលមនុស្សភាគច្រើនកំពុងពេញសប្បាយ តែបើក្រឡេកមកមើល យុវជនរូបនេះវិញបានចាប់ផ្តើមប្រឡូកការងារតាំងពីអាយុ ២០ ឆ្នាំ និងបានសន្សំលុយទិញផ្ទះទុកសម្រាប់ជួបកើបចំណូលរាប់ម៉ឺនដុល្លារក្នុង ១ ឆ្នាំ។ ហើយរហូតមកដល់បច្ចុប្បន្នលោកមានទ្រព្យរាប់រាបលានដុល្លារត្រឹមអាយុជាង ២០ ប៉ុណ្ណោះ។

យោងតាមការចេញផ្សាយរបស់សារព័ត៌មាន CNBC​ យុវជនខាងលើមានឈ្មោះថា Sahil Mehta អាយុ២៦ឆ្នាំ មានដើមកំណើតជាជនជាតិឥណ្ឌា។ Sahil បានប្រប្រឡូក​ការងារដំបូងក្នុងឆ្នាំ២០១៥ ជាអ្នកលក់អចលនទ្រព្យក្នុងក្រុមហ៊ុនអចលនទ្រព្យ Golden Gate Sotheby’s International Realty ស្ថិតក្នុងរដ្ឋកាលីហ្វញ៉ា សហរដ្ឋអាមេរិក ស្របពេលដែលលោកកំពុងបន្តការសិក្សាថ្នាក់មហាវិទ្យាល័យនៅទីនោះ។

បើនិយាយអំពីអចលនទ្រព្យ​ គឺជាការងារដែល Sahil  ស្រលាញ់ពេញចិត្ត ហើយឱកាសការងារនាពេលនោះបានផ្តល់លទ្ធភាពដល់បុរសវ័យក្មេង​រូបនេះ អាចសន្សំប្រាក់ពីកម្រៃជើងសារដែលរកបាន យកទៅទិញបានផ្ទះមួយកន្លែង ក្នុងរយៈពេលត្រឹមតែ២ឆ្នាំប៉ុណ្ណោះ ពោលគឺនៅឆ្នាំ២០១៧។ ទម្លាប់នៃការប្រើប្រាស់ហិរញ្ញវត្ថុបានត្រឹមត្រូវពីការចំណាយ និងការសន្សំ បានធ្វើឱ្យ យុវជនរូបនេះបានបង្កើតទ្រព្យជាបន្តបន្ទាប់ និងអាចចាប់ផ្តើមបើកក្រុមហ៊ុនគ្រប់គ្រងអចលនទ្រព្យតូចមួយជាមួយបងប្រុសបង្កើតផងដែរ​។

បច្ចុប្បន្ន យុវជនខាងលើ បានប្រមូលទិញអចលនទ្រព្យរហូតដល់៥​កន្លែងដែលស្ថិតក្នុងក្រុង Berkeley  ក្នុងរដ្ឋកាលីហ្វញ៉ា  ដែលមានតម្លៃជិត ១០លានដុល្លារ។ ក្នុងនោះអចលនទ្រព្យ៤ កន្លែង​បានដាក់ជួលទៅ​ឱ្យនិស្សិត និង អចលនទ្រព្យមួយកន្លែងទៀតគឺសម្រាប់រស់នៅខ្លួនឯង និងដាក់ជួលនៅលើផ្លេតហ្វម Airbnb។  ចំណូលពីការជួលអចលនទ្រព្យទាំងនេះ បូកនឹងចំណូលពីការងារ  Sahil អាចរកប្រាក់ចំណូលដុលរហូតដល់ជាង ៥១៥.០០០០ដុល្លារក្នុងមួយឆ្នាំ។

បើទោះបីជាជារកចំណូលបានច្រើនក្ដីប៉ុន្តែ Sahil នៅតែព្យាយាមសន្សំលុយឲ្យបានច្រើន តាមដែលអាចធ្វើទៅបាន និងចៀសវាងការចំណាយលុយដែលមិនចាំបាច់ ដើម្បីទុកលុយទាំងនោះយកទៅវិនិយោគលើអចលនទ្រព្យឲ្យបានកាន់តែច្រើនបន្ថែមទៀត៕

106925537 1628703707259 Sahil 1

អត្ថបទដោយ៖ ឌឿ ស្រី នុត

 

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia