(ថ្ងៃទី 03 ខែមេសា ឆ្នាំ 2025)៖ ក្រុមហ៊ុន Royal Enfield បានបំបែកកំណត់ត្រាក្នុងការលក់ម៉ូតូលើសពី ១លានគ្រឿង សម្រាប់ឆ្នាំហិរញ្ញវត្ថុដែលបិទបញ្ចប់កាលពីថ្ងៃទី 31 ខែមីនា ឆ្នាំ 2025 ថ្មីៗនេះ ហើយចំនួននេះ ជាចំនួនខ្ពស់បំផុតមិនធ្លាប់មានក្នុងប្រវត្តិសាស្ត្ររបស់ខ្លួន។ ការបំបែកកំណត់ត្រាលក់នេះ អាចសម្រេចបានដោយសារតម្រូវការឥតឈប់ឈរនៃម៉ូតូដែលមានសមត្ថភាពខ្ពស់ និងសម្បូរបែបរបស់ Royal Enfield ទាំងក្នុងស្រុក និងអន្តរជាតិ។ ជាក់ស្ដែងក្រុមហ៊ុនបានប្រកាសពីការលក់ចំនួន 1.09លានគ្រឿងក្នុងឆ្នាំហិរញ្ញវត្ថុកន្លងមក កើនឡើង 11% ពីឆ្នាំសារពើពន្ធ 2023-24 ហើយក្នុងខែមីនាឆ្នាំ 2025 ការលក់បានកើនឡើង 34% ខណៈការនាំចេញក្នុងពេលជាមួយគ្នានោះបានកើនឡើងដល់ 37%។
និយាយអំពីដំណើរការសម្រាប់ខែមីនា ឆ្នាំ 2025 លោក B Govindarajan នាយកគ្រប់គ្រង Eicher Motors និងជានាយកប្រតិបត្តិក្រុមហ៊ុន Royal Enfield បានមានប្រសាសន៍ថា «ឆ្នាំនេះពិតជាអស្ចារ្យខ្លាំងណាស់រកអ្វីមកប្រៀបផ្ទឹមបានសម្រាប់ Royal Enfield។ ការឆ្លងកាត់ដំណាក់កាលនៃការលក់ប្រចាំឆ្នាំចំនួន 1លានគ្រឿង ដែលជាចំនួនខ្ពស់បំផុតមិនធ្លាប់មានរបស់យើង គឺជាសក្ខីភាពមួយថាតើយើងបានមកដល់ឆ្ងាយប៉ុណ្ណា។ ចាប់ពីពេលដែលម៉ូតូចំនួន 50,000 គ្រឿងក្នុងមួយឆ្នាំមានអារម្មណ៍ថាដូចជាការឈ្នះដ៏ធំមួយ រហូតមកដល់ពេលនេះកំណត់ស្តង់ដារពិភពលោកថ្មីនៅក្នុងផ្នែកពាក់កណ្តាលទំហំ ការធ្វើដំណើររបស់យើងពិតជាមិនគួរឱ្យជឿ។ ការឆ្លើយតបដ៏លើសលប់ចំពោះ Bullet Battalion Black និង Classic 350 ថ្មី រួមជាមួយនឹងសមត្ថភាពរបស់យើងក្នុងការសម្របខ្លួនយ៉ាងរហ័សទៅនឹងមតិអ្នកជិះជាមួយនឹងវ៉ារ្យ៉ង់ថ្មី បានធ្វើឱ្យនេះជាឆ្នាំដ៏ល្អបំផុតរបស់យើង»។
លោក B Govindarajan បានបន្ថែមថា៖ « នៅក្នុងពិភពលោកនាពេលខាងមុខ យើងកំពុងពង្រីកឥតឈប់ឈរដែលយើងមិនធ្លាប់ធ្វើពីមុនមក។ តួយ៉ាងដូចជាការបើករោងចក្រដំឡើងរបស់យើងនៅក្នុងប្រទេសថៃ និងការបោះជំហ៊ានចូលក្នុងទីផ្សារបង់ក្លាដេស គឺជាជំហានដ៏សំខាន់ក្នុងការពង្រឹងវត្តមាននៅលើទីផ្សារអន្តរជាតិរបស់យើង។ ការដាក់ចេញម៉ូតូថ្មីៗរបស់យើងនៅក្នុងឆ្នាំនេះ ជាពិសេសរួមទាំងការដាក់លក់ម៉ូតូចំនួន ៤ម៉ូឌែល និងជំហានដំបូងរបស់យើងទៅក្នុងវិស័យយានយន្តអគ្គិសនីជាមួយ Flying Flea បានរុញច្រានព្រំដែននៃអ្វីដែលអាចធ្វើទៅបាន។ បន្ថែមលើសន្ទុះនេះ Royal Enfield ត្រូវបានជាប់ចំណាត់ថ្នាក់ខ្ពស់បំផុតសម្រាប់គុណភាពដំបូងនៅក្នុង J.D. Power 2025 India Two-Wheeler Initial Quality Study ដោយបញ្ជាក់ពីការប្តេជ្ញាចិត្តរបស់យើងចំពោះសិល្បៈហត្ថកម្មលំដាប់ពិភពលោក។ ហើយនៅពេលដែលយើងចូលដល់ឆ្នាំទី 125 របស់យើង នេះគ្រាន់តែជាការចាប់ផ្តើមប៉ុណ្ណោះ ផ្លូវខាងមុខគឺពោរពេញទៅដោយឱកាសថ្មីៗ ហើយយើងពិតជារំភើបជាងពេលណាៗទាំងអស់ក្នុងការបន្តបង្កើតអនាគតនៃការជិះម៉ូតូ»។
នៅក្នុងតំបន់អាស៊ីប៉ាស៊ីហ្វិក Royal Enfield បានកត់ត្រាកំណើន 13% ពីមួយឆ្នាំទៅមួយឆ្នាំ។ ឥឡូវនេះម៉ាកយីហោនេះស្ថិតក្នុងចំណោមម៉ាកម៉ូតូធុនមធ្យមកំពូលនៅក្នុងទីផ្សារសំខាន់ៗដូចជាប្រទេសថៃ អូស្ត្រាលី ជប៉ុន ម៉ាឡេស៊ី និងនូវែលសេឡង់។
អត្ថាធិប្បាយលើព្រឹត្តិការណ៍ដ៏អស្ចារ្យនេះ លោក Anuj Dua ប្រធានផ្នែកធុរកិច្ចអាស៊ីប៉ាស៊ីហ្វិកនៅ Royal Enfield បានមានប្រសាសន៍ ថា៖ «នៅ Royal Enfield ការផលិតម៉ូតូលំដាប់ពិភពលោក សហគមន៍ពិភពលោក និងដៃគូចែកចាយដ៏ខ្លាំងពូកែ គឺជាស្នូលនៃគំនិតផ្តួចផ្តើមរបស់យើង។ យើងបានបង្កើតផ្លូវរីកចម្រើនមួយ ដោយផ្តោតលើការចង់បាន និងតម្រូវការរបស់អតិថិជន ខណៈពេលដែលធានាថា ម៉ូតូរបស់យើងក្លាយជាសម្ព័ន្ធមិត្តពិតប្រាកដសម្រាប់អ្នកបើកបរ។ សព្វថ្ងៃនេះ យើងមានមោទកភាពយ៉ាងខ្លាំងដែលបានឃើញកំណើនជាសកលកើនឡើងហើយកើនទៀត និងកំណើន 13% នៅក្នុងតំបន់អាស៊ីប៉ាស៊ីហ្វិក។ នេះគឺជាសក្ខីភាពពិតប្រាកដមួយចំពោះកិច្ចខិតខំប្រឹងប្រែងជាប់លាប់របស់យើង និងផែនការកំណើនជាយុទ្ធសាស្រ្តនៅក្នុងទីផ្សារសំខាន់ៗ។ ពួកយើងមិនត្រឹមតែចង់ឈានមុខគេក្នុងចំណោមផ្នែកម៉ូតូធុនមធ្យមប៉ុណ្ណោះទេ ប៉ុន្តែថែមយើងពង្រីកផ្នែកម៉ូតូធុនមធ្យមនេះទូទាំងពិភពលោកផងដែរ។ ស្នាដៃដ៏អស្ចារ្យនេះគឺ ជាលទ្ធផលនៃកិច្ចខិតខំប្រឹងប្រែងប្រកបដោយនិរន្តរភាពទាំងនេះ ហើយនេះគ្រាន់តែជាការចាប់ផ្តើមនៃឆ្នាំដ៏អស្ចារ្យប៉ុណ្ណោះ »។
Key Highlights from the Year
Royal Enfield សម្ពោធរោងចក្រដំឡើងថ្មីនៅប្រទេសថៃ
Royal Enfield បានសម្ពោធរោងចក្រដំឡើង CKD ដែលជាកម្មសិទ្ធិដំបូងរបស់ខ្លួននៅខាងក្រៅប្រទេសឥណ្ឌានៅ Samut Prakan ទីក្រុងបាងកក។ រោងចក្រនោះលាតសន្ធឹងលើផ្ទៃដី 57,000 sq. ft. ជាមួយនឹងសមត្ថភាពដំឡើងម៉ូតូប្រចាំឆ្នាំ 30,000 គ្រឿង។ ជាមួយគ្នានេះដែរ រោងចក្រនេះ បានពង្រឹងការប្ដេជ្ញាចិត្តចំពោះប្រទេសថៃ និង APAC។ មិនតែប៉ុណ្ណោះ រោងចក្រនៅថៃនេះ ត្រូវបានរាប់ជា អង្គភាព CKD ទីប្រាំមួយរបស់ Royal Enfield នៅទូទាំងពិភពលោក ដោយចូលរួមជាមួយរោងចក្រនៅក្នុងប្រទេសអាហ្សង់ទីន កូឡុំប៊ី ប្រេស៊ីល បង់ក្លាដែស និងនេប៉ាល់។
Royal Enfield Set Up New Manufacturing Unit in Bangladesh
Royal Enfield បានចាប់ផ្តើមប្រតិបត្តិការនៃអង្គភាពផលិតរបស់ខ្លួន (ប្រភេទទី 2) និង flagship showroom នៅក្នុងប្រទេសបង់ក្លាដែស ដោយផ្តោតលើការផលិតក្នុងស្រុក និងការដំឡើងម៉ូតូ Hunter 350, Meteor 350, Classic 350 និង Bullet 350។ ជាមួយគ្នានេះ ម៉ាកយីហោនេះក៏បានប្រកាសពីគម្រោងបង្កើតអង្គភាព CKD ថ្មីនៅក្នុងប្រទេសប្រេស៊ីលនៅខែមករា ឆ្នាំ 2025 ខាងមុខផងដែរ។
Royal Enfield Unveiled ‘Flying Flea’, its Electric Motorcycle Brand
Royal Enfield បានបង្ហាញម៉ូតូអគ្គិសនី (EV) ម៉ូឌែល Flying Flea នៅពិព័រណ៍ EICMA 2024 និងនៅក្នុងប្រទេសឥណ្ឌា ដោយកំណត់ឡើងវិញនូវភាពចល័តរបស់ទីក្រុង។ មានការបំផុសគំនិតដោយ Flying Flea ឆ្នាំ 1940 ដែលជានិមិត្តរូបនៃស៊េរីនេះរួមបញ្ចូលគ្នានូវការរចនាបែបបុរាណជាមួយនឹងបច្ចេកវិទ្យា EV ដ៏ទំនើប។ ម៉ូឌែលនេះគ្រោងនឹងចេញលក់នៅឆ្នាំ 2026 ហើយវារួមបញ្ចូលទាំង FF-C6 បែបអតីតកាល និង FF-S6 រចនាប័ទ្ម scrambler ដែលនាំមកនូវកេរ្តិ៍ដំណែលរបស់ Royal Enfield ចូលទៅក្នុងយុគសម័យអគ្គិសនី។
Royal Enfield Launched the Guerrilla 450
Royal Enfield បានបង្ហាញម៉ូតូ Guerrilla 450 ស៊េរីថ្មី ដែលជាម៉ូតូទំនើបប្រភេទ premium modern roadster បំពាក់ដោយម៉ាស៊ីន Sherpa ស៊ីឡាំងតែមួយ 452cc ដែលថ្មី និងទំនើប។ រចនាឡើងសម្រាប់ការដំណើរការដ៏ល្អឥតខ្ចោះ ម៉ូតូម៉ូឌែលនេះ មានបីជម្រើសគឺ Analogue, Dash និង Flash ហើយមាន ៥ពណ៌សម្រាប់ជ្រើសរើស។
Royal Enfield Launched the 2024 Classic 350
Royal Enfield បានដាក់បង្ហាញម៉ូឌែល Classic 350 ស៊េរីឆ្នាំ2024 ដោយបន្តអនុវត្តបេសកកម្មនៃភាពឆើតឆាយ និងងាយស្រួលជិះ ជាមួយនឹងពណ៌ដ៏ទាក់ទាញចំនួន 7 ឆ្លងកាត់វ៉ារ្យ៉ង់ចំនួន 5 ដូចជា Heritage, Heritage Premium, Signals, Dark និង Chrome ។ ស្របពេលជាមួយនឹងការបើហបង្ហាញនេះ ក៏ Royal Enfield បានណែនាំកម្មវិធី Factory Custom Programme ដែលជាស្ទូឌីយោផ្ទាល់ខ្លួនដំបូងគេបង្អស់ដែលអនុញ្ញាតឱ្យអ្នកជិះនាំយកចក្ខុវិស័យការរចនារបស់ពួកគេទៅក្នុងជីវិតពិត។
Royal Enfield Opened First Green Pit Stop in Ladakh
Royal Enfield បានបង្ហាញ Green Pit Stop ដំបូងរបស់ខ្លួនដែលមានឈ្មោះថា Camp Kharu នៅលើផ្លូវហាយវេ Leh-Manali ដើម្បីជួយលើកកម្ពស់ការធ្វើដំណើរប្រកបដោយនិរន្តរភាព និងការពង្រឹងទីផ្សារក្នុងតំបន់។ Green Pit Stop នេះដំណើរការដោយស្ត្រីក្នុងស្រុកចំនួនប្រាំមួយនាក់ដែលបានទទួលការបណ្តុះបណ្តាលត្រឹមត្រូវ ហើយ eco-friendly camp នេះ ហាងកាហ្វេមួយដែលមានម្ហូប Ladakhi កន្លែងតាំងពិពណ៌ និងសេវាសាធារណៈ ដែលទាំងអស់នេះត្រូវបានសាងសង់ដោយស្ថាបត្យកម្មផែនដីដែលមាននិរន្តរភាព។
Royal Enfield មិនត្រឹមតែជាម៉ាកយីហោប៉ុណ្ណោះទេ ប៉ុន្តែជាចលនាជិះម៉ូតូជាសាកល ជាមួយនឹងសហគមន៍ដ៏រឹងមាំ ផលិតផលប្លែកៗ និងផែនការអនាគតដ៏រឹងមាំថែមទៀត។ វាពិតជាត្រៀមខ្លួនសម្រាប់គន្លងនៃកំណើនបន្ទាប់៕
អំពី Royal Enfield
យីហោម៉ូតូចាស់ជាងគេក្នុងការផលិតបន្ត គឺ Royal Enfields បានបង្កើតម៉ូតូច្នៃយ៉ាងស្រស់ស្អាតតាំងពីឆ្នាំ 1901។ ពីប្រភពដើមរបស់អង់គ្លេស រោងចក្រផលិតត្រូវបានបង្កើតឡើងនៅ Madras នៅឆ្នាំ1955 ដែលជាកន្លែងឈរជើងដែល Royal Enfield នាំមុខការរីកចម្រើនរបស់អ្នកជិះម៉ូតូធុនមធ្យមចំនួន ២ របស់ឥណ្ឌា។ Royal Enfields កំពុងបញ្ជូលភាពមិនស្មុគស្មាញ អាចដំណើរការបានល្អ និងភាពរីករាយក្នុងការជិះទោចក្រយានយន្តសម្រាប់ការរុករក និងការបញ្ចេញគំនិតដោយខ្លួនឯង ទាំងនេះហើយដែលជាវិធីសាស្រ្តមួយដែលយីហោ Royal Enfields ហៅថាម៉ូតូសុទ្ធសាធ។
ម៉ូឌែលប្រណិតៗរបស់ Royal Enfield ដែលបានចេញលក់រួមមាន ម៉ូតូអគ្គិសនី Flying Flea រួមទាំង Flying Flea - the Classic-styled Flying Flea C6 និង Scrambler-styled Flying Flea S6, Scram 440, Bear 650, Classic 650, Guerrilla 450 modern roadster, Hunter 350, Meteor 350, Super Meteor 650, Interceptor 650 and Continental GT 650 twins, the Shotgun 650, the new Himalayan adventure tourer, the Scram 411 ADV Crossover, the iconic Bullet 350, Classic 350 និង Goan Classic 350 ។ អ្នកជិះម៉ូតូ និងអ្នកដែលនិយមចូលចិត្តម៉ូតូបែបនេះ នឹងទទួលបានការគាំទ្រយ៉ាងខ្លាំងពីព្រឹត្តិការណ៍គ្រប់កម្រិតទាំងថ្នាក់តំបន់ និងអន្តរជាតិ អ្វីដែលគួរអោយកត់សំគាល់បំផុតនោះ គឺការជិះម៉ូតូ ដែលជាការជួបជុំជារៀងរាល់ឆ្នាំរបស់មនុស្សរាប់ពាន់នាក់ដែលមានការចាប់អារម្មណ៍ពី Royal Enfield នៅ Goa និង Himalayan Odyssey ដែលធ្វើឡើងជាប្រចាំឆ្នាំនៅលើ ផ្លូវ ដី ដែលពិបាក និងឆ្លងកាត់ភ្នំខ្ពស់បំផុត។
ផ្នែកមួយនៃ Eicher Motors Limited, Royal Enfield ដំណើរការតាមរយៈហាងជាង 2000 នៅទូទាំងទីក្រុង និងទីប្រជុំជនសំខាន់ៗទាំងអស់ក្នុងប្រទេសឥណ្ឌា និងតាមរយៈហាងជិត 850 នៅក្នុងប្រទេសជាង 60 ជុំវិញពិភពលោក។ Royal Enfield ក៏មានមជ្ឈមណ្ឌលបច្ចេកទេសលំដាប់ពិភពលោកចំនួនពីរផងដែរ គឺនៅ Bruntingthorpe ចក្រភពអង់គ្លេស និងនៅ Chennai ប្រទេសឥណ្ឌា។ រោងចក្រផលិតទំនើបបំផុតចំនួនពីររបស់ក្រុមហ៊ុនមានទីតាំងនៅ Oragadam និង Vallam Vadagal នៅជិត Chennai ។ នៅទូទាំងពិភពលោក Royal Enfield មានអង្គភាពដំឡើង CKD ទំនើបចំនួន ៦ រួមមាន បង់ក្លាដែស នេប៉ាល់ ប្រេស៊ីល ថៃ អាហ្សង់ទីន និងកូឡុំប៊ី៕
