កោះរុងសន្លឹមជាកោះមួយ នៅមិនឆ្ងាយពីកោះរុងប៉ុន្មានទេ កោះនេះមានទេសភាពស្រស់ស្អាតទឹកសមុទ្រខៀវស្រងាត និងឆ្នេរខ្សាច់ពណ៍ស ដែលធ្វើឱ្យលោកអ្នកទៅហើយមិនចង់ត្រឡប់ទៅវិញ ។ ទន្ទឹមនិងភាពស្រស់ស្អាត កោះរុងសន្លឹម ក៏មានរីហ្សតដ៏ប្រណីតនិងស្អាតៗជាច្រើនកន្លែងដែលមានតម្លៃសមរម្យ ហើយជាប់មាត់ឆ្នេរ ផងដែរ។
ហើយថ្ងៃនេះ Business Cambodia នឹងលើកយករីស៊ត ៣ កន្លែងដែលមានទីតាំងល្អជាប់មាត់ឆ្នេរ ទៅអង្គុយមើលថ្ងៃរះ និងថ្ងៃលិចបានម៉ាអ៊ែម៖
១. The One Resort
The one resort មានតម្លៃសមរម្យ មានអាងហែលទឹកលក្ខណៈឯកជនចំនួន២ ក្នុងនោះដែលភ្ញៀវក៏អាចរីករាយជាមួយអាហារគ្រឿងសមុទ្រដ៏សម្បូរបែបនិងភេសជ្ជៈនៅបារផងដែរ។ បើនិយាពីទេសភាពវិញ គឺស្រស់ស្អាតមែនទែ បើកអ្នកចូលចិត្តថតរូបមិនខ្វះប្លង់ថតនោះទេ។ សម្រាប់ព័ត៌មានបន្ថែមលោកអ្នកទាក់ទងតាមរយៈpage The One Resort ឬទាក់ទងតាមរយៈលេខទូរស័ព្ទ ០៦៨ ៣៧៦ ៧០០។
២. Sara Resort
Sara Resort មានចម្ងាយតែ ៤៧០ ម៉ែត្រ ប៉ុណ្ណោះពីកំពង់ចម្លងកោះរុងសន្លឹម។ ចំណុចសំខាន់ៗនៅ ឆ្នេរសារ៉ា រីសត មានដូចជា៖ ហែលទឹកឬលេងទឹក, ជិះទូក, ស្ទូចត្រី, ញុំអាហារ, ឆ្នេរសមុទ្រ, បារ, BBQ, អាងហែលទឹក និងចំណុចផ្សេងៗទៀត។ អ្វីសំខាន់នោះគឺមានហ្វ្រីអាហារពេលព្រឹកគ្រប់ប្រភេទបន្ទប់ទាំងអស់។ តម្លៃចាប់ពីខ្ទង់ជាង ៣០ ដុល្លារឡើងក្នុង ១ យប់ ។ សម្រាប់ព័ត៌មានបន្ថែមលោកអ្នកទាក់ទងតាមរយៈpage Sara Resort ឬទាក់ទងតាមរយៈលេខទូរស័ព្ទ ០៩៧ ៩៨៦ ៥៥៥១។
៣. Moonlight Resort
Moonlight Resort មានចម្ងាយ ៧៦០ ម៉ែត្រពីកំពង់ចម្លងកោះរុងសន្លឹម។ លក្ខណៈពិសេសរបស់ Moonlight បន្ទប់នីមួយៗដែលរចនាយ៉ាងប្រណិត និងមានដំបូលពន្លឺព្រះច័ន្ទ។ នៅក្នុងនោះមានហ្វ្រីអាហារពេលព្រឹកដែល តែមិនគ្រប់ប្រភេទបន្ទប់ទេ។ ហើយចំពោះតម្លៃវិញរៀងថ្លៃជាងគេបន្តិចក្នុងចំណោមរីស៊តទាំង ៣ នេះ តម្លៃចាប់ពីជាង ៦០ ដុល្លារឡើងក្នុង ១ យប់ ។ សម្រាប់ព័ត៌មានបន្ថែមលោកអ្នកទាក់ទងតាមរយៈpage Moonlight Resort ឬទាក់ទងតាមរយៈលេខទូរស័ព្ទ ០៨៨ ៥៧៨ ៨៩៩៩៕
អត្ថបទដោយ៖ ឌឿក ស្រី នុត
