អបអរសាទរ មហាព្រតិ្តការណ៍ ប្រកួតកីឡាជាតិ លើកទី 3 ដែលនឹងប្រព្រិត្តទៅចាប់ពីថ្ងៃទី 21 ដល់ 30 កញ្ញា 2022 ដែលជាថ្មីម្តងទៀត Smart បានចូលរួមសហការណ៍ឧបត្ថម្ភធំ ជាលើកទី 3 ហើយ Pleng ក៏កំពុងធ្វើការរៀបចំផលិតបទចម្រៀងថ្មីមួយ ដើម្បីអបអរដល់កម្មវិធីប្រចាំឆ្នាំនេះផងដែរ។

នេះ​មិនមែន​ជា​លើក​ដំបូងទេ ដែល Smart និង Pleng បាន​ចូល​រួម​គាំទ្រ​យ៉ាង​ពេញ​ទំហឹង​លើ​វិស័យកីឡា​ក្នុង​ប្រទេស​កម្ពុជា ក៏ព្រោះតែ វិស័យកីឡា ជាចំណុចសំខាន់មួយ ក្នុងចំណុចសំខាន់ផ្សេងៗទៀត ដែលក្រុមហ៊ុនតែងតែយកចិត្តទុកដាក់គាំទ្រ។

ចំពោះបទចម្រៀងដែល Pleng កំពុងតែរៀបចំផលិតនេះ គឺមានចំណងជើងថា «វីរភាពកីឡា» ដែលមានការចូលរួមបកស្រាយដោយតារា​ចម្រៀងល្បីៗដូចជា មាស សុខសោភា ដួង វិរៈសិទ្ធ ម៉ម ពេជ្ជរិទ្ធ ពូ ឃ្លាំង តី និង រៀម សុខភិរម្យ។

វាជាមោទកភាពណាស់ដែល ប្រទេសកម្ពុជាយើងនឹងមានបទចម្រៀងគាំទ្រស្មារតីកីឡាជាតិយើងមួយទៀតប្រចាំឆ្នាំ ហើយបទនេះនឹងក្លាយជាបទខ្មែរដំបូងគេដែរប្រើ​ឧបករណ៏ភ្លេងខ្មែរ ច្រើនជាងគេរហូតដល់ 16 មុខ ដូចជា៖

1.ទ្រសោ
2.ខ្លុយ
3.ប៉ីអ
4.ទ្រខ្សែបី
5.ទ្រអ៊ូ
6.ស្គរធំពីរ
7.រនាតភ្លោះ
8.ស្គរសម្ភោរ
9.ឈិង
10.ស្គរខ្យល់
11.ស្រឡៃ
12.ស្នែងតូច
13.ស្នែងធំ
14.តាឃេ
15.គងភ្លោះ
16.ឃឹម

បទចម្រៀងនេះ ក៏នឹងត្រូវបានសម្តែងលើកទី1 បង្អស់ ក្នុងពិធីបើកជាផ្លូវ នៃការប្រកួតកីឡាជាតិ នៅថ្ងៃទី 21 កញ្ញា ឆ្នាំ2022 ខាងមុខនេះ នៅពហុកីឡដ្ឋានជាតិមរតកតេជោ  ដែលនឹងទទួលបានការចូលរួម ជាកិត្តិយសដ៏ខ្ពង់ខ្ពស់ពី សម្តេចអគ្គមហាសនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។

ប្រិយមិត្ត ក៏ដូចជាប្រជាពលរដ្ឋទាំងអស់ កុំភ្លេចអញ្ជើញទៅគាំទ្រ និងផ្ដល់កម្លាំងចិត្តដល់កីឡាករ កីឡាការិនីកម្ពុជាយើង ឱ្យបានច្រើនកុះករណា! ការចូលរួមក្នុងព្រិត្តការណ៍ ការប្រកួតកីឡាជាតិ ដ៏អស្ចារ្យនេះ ក៏ជាការចូលរួមគាំទ្រនូវយុទ្ធនាការ #BeyondTheGames ដើម្បីបន្តផ្សព្វផ្សាយពីស្មារតីស្រឡាញ់គាំទ្រកីឡា នឹង គាំទ្រដំណើរ ឆ្ពោះទៅធ្វើម្ចាស់ផ្ទះ ស៊ីហ្គេម - អាស៊ានប៉ារ៉ាហ្គេម 2023។

បទចម្រៀង«វីរភាពកីឡា» នេះដែរ នឹងមានសម្រាប់ហ្វេនៗស្តាប់ នៅក្នុង Pleng app ឆាប់ៗនេះហើយ

ស្ដាប់ Playlist ចម្រៀងបាល់ទាត់ ត្រៀមរង់ចាំបទថ្មី : https://pleng.smart.com.kh/playlists/songs-for-football/712/