ឱកាសសម្រាប់អ្នកចង់ធ្វើការងារក្របខណ្ឌរដ្ឋពេលនេះ ក្រសួងនិងរដ្ឋបាលខេត្តប្រកាសរើសមន្ត្រីក្របខណ្ឌជាច្រើននាក់ សរុបចំនួន ២០៣ កន្លែង។មានទាំងការងារនៅរាជធានីភ្នំពេញនិងតាមបណ្តាលខេត្ត ហេតុនេះបងប្អូនដែលចាប់អារម្មណ៍អាចធ្វើការដាក់ពាក្យបាន។សម្រាប់ការងាររដ្ឋទាំង ២០៣ រួមមាន ៖

១.ក្រសួងមហាផ្ទៃ

តាមការលើកឡើងរបស់ឯកឧត្តម អ៊ួង ចន្នី ជាប្រធាននាយកដ្ឋានបុគ្គលិក នៃអគ្គនាយកដ្ឋានរដ្ឋបាល ក្រសួងមហាផ្ទៃកាលពីពេលកន្លងទៅ  ឯកឧត្តមបានប្រកាសពីការជ្រើសរើសមន្រ្តីរាជការនៅមុខតំណែងធំៗ ២ គឺក្របខ័ណ្ឌមន្រ្តីរាជការស៊ីវិល និងក្របខ័ណ្ឌមន្រ្តីពន្ធនាគារ សម្រាប់ឆ្នាំ២០២៣ ក្របខ័ណ្ឌថ្មីនេះគឺត្រូវការចំនួន ១៣១កន្លែង មានតំណែងដូចជា ៖មន្ដ្រីពន្ធនាគារ (មណ្ឌលអប់រំកែប្រែទី៤) ចំនួន ៤០នាក់, មន្ដ្រីរាជការស៊ីវិល (សម្រាប់អង្គភាពនានា នៅទីស្ដីការក្រសួងមហាផ្ទៃ) ចំនួន ៤០នាក់ ,មន្ដ្រីរាជការស៊ីវិល (សម្រាប់ក្រុង-ស្រុក ទើបបង្កើតថ្មីទាំង៥) ចំនួន ៥១នាក់។

ក្រសួងមហាផ្ទៃបានបញ្ជាក់ថា ក្រសួងនឹងចាប់ផ្តើមលក់ពាក្យនឹងទទួលពាក្យ ចាប់ពីថ្ងៃទី ១៣ ខែមីនា ឆ្នាំ២០២៣ រហូតដល់ថ្ងៃទី២១ ខែមេសា ឆ្នាំ២០២៣ ហើយកាលបរិច្ឆេទនៃការប្រឡង នៅថ្ងៃទី២១ ខែឧសភា ឆ្នាំ២០២៣ ខាងមុខនេះ។

២.ក្រសួងប្រៃសណីយនិងទូរគមនាគមន៍

ក្រសួងប្រៃសណីយនិងទូរគមនាគមន៍ បានប្រកាសជ្រើសរើសបុគ្គលិកជាប់កិច្ចសន្យាចំនួន ៣២នាក់ ឱ្យបម្រើតាមអង្គភាពចំណុះអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល។ក្នុងនោះផ្នែកដែលក្រសួងនឹងត្រូវរើសរួមមាន ៖ បុគ្គលិករចនាផ្នែកខាងមុខនៃកម្មវិធីសម្រាប់អ្នកប្រើប្រាស់ បុគ្គលិកអភិវឌ្ឍសុសវែរទូរស័ព្ទដែលប្រើប្រាស់ Flutter បុគ្គលិកផ្នែកមុខប្រើប្រាស់ React និង Angula CLI បុគ្គលិកអភិវឌ្ឍផ្នែកខាងក្រោយនិងអភិវឌ្ឍ API បុគ្គលិកជំនាញតេស្តធានាគុណភាពប្រព័ន្ធ បុគ្គលិកវិស្វករ បុគ្គលិកតេស្តសាកល្បងសុវត្ថិភាពនៃប្រព័ន្ធ បុគ្គលិកដាក់ឱ្យប្រើប្រាស់និងគាំទ្របច្ចេកវិទ្យាព័ត៌មាន បុគ្គលិកវិភាគទិន្នន័យ បុគ្គលិកសម្របសម្រួលគម្រោងព័ត៌មានវិទ្យា បុគ្គលិកទំនាក់ទំនងសាធារណៈសហប្រតិបត្តិការនិងផ្សព្វផ្សាយ បុគ្គលិកគោលនយោបាយ បុគ្គលិកនីតិកម្ម បុគ្គលិកសម្របសម្រួលកម្មវិធី បុគ្គលិកតាមដាន ត្រួតពិនិត្យ និងវាយតម្លៃ បុគ្គលិក និង បុគ្គលិករៀបចំផែនការ សរុប និងស្ថិតិ ។

ដោយឡែកសម្រាប់ ការទទួលពាក្យប្រឡងជ្រើសរើសនេះនឹងត្រូវធ្វើឡើងចាប់ថ្ងៃជូនដំណឹងនេះរហូតដល់ថ្ងៃទី ២៨ ខែ មេសា ឆ្នាំ ២០២៣៕

អត្ថបទដោយ៖សម្បត្តិ សុខឡាង​