គម្លាតនៃការរស់រានមានជីវិត ទាក់ទងនឹងការព្យាបាលជំងឺមហារីកកុមារ គឺមានគម្លាតខុសគ្នារហូតដល់ទៅ៦០% រវាងប្រទេសប្រាក់ចំណូលខ្ពស់ និងប្រទេសប្រាក់ចំណូលទាប។ ជាក់ស្ដែង អ្នកជម្ងឺមហារីកកុមារ នៅក្នុងប្រទេសដែលមានប្រាក់ចំណូលខ្ពស់ អាចរស់រានមានជីវិតលើសពី០៥ឆ្នាំ មានអត្រាដល់ទៅ៨០%។ រីឯកុមារនៅក្នុងប្រទេសដែលមានប្រាក់ចំណូលទាប គឺមានត្រឹមតែ ២០%ប៉ុណ្ណោះ។
ព្រោះតែបែបនេះ ទើប Japan Heart នឹងចាប់ផ្តើមបើកទទួលមូលនិធិពីមហាជននៅថ្ងៃទី ២៦ ខែឧសភា ដើម្បីបើកមជ្ឈមណ្ឌលវេជ្ជសាស្ត្រកុមារអាស៊ីរបស់ខ្លួន ដែលផ្តល់ការថែទាំសុខភាពដោយឥតគិតថ្លៃនៅកម្ពុជា។ ក្នុងនាមជាឯកអគ្គរដ្ឋទូតនៃមន្ទីរពេទ្យថ្មីនេះ លោក Keisuke Honda ដែលត្រូវបានមហាជនស្គាល់ថាជាគ្រូបង្វឹកឆ្នើមមួយរូបនោះ បានកំពុងគាំទ្រគម្រោងនេះយ៉ាងខ្លាំង និងអំពាវនាវឱ្យមហាជនចូលរួមគាំទ្រ ដើម្បីអាចផ្ដល់ឱកាសដល់កុមារកម្ពុជា ជាពិសេសកុមារដែលឈឺជំងឺសាហាវដូចជាមហារីក អាចទទួលបានការទទួលសេវាព្យាបាលកម្រិតខ្ពស់ ដើម្បីជួយសង្គ្រោះកុមារកម្ពុជា។
ក្នុងឆ្នាំ ២០១៨ Japan Heart បានចាប់ផ្តើមផ្តល់ការព្យាបាលដោយឥតគិតថ្លៃ សម្រាប់ជំងឺមហារីកកុមារនៅក្នុងប្រទេសកម្ពុជា ដែលមានស្តង់ដារវេជ្ជសាស្ត្រទាប ជាពិសេសដោយសារតែធ្លាប់ឆ្លងកាត់ប្រវត្តិសាស្ត្រអវិជ្ជមានកាលពីអតីតកាលរបស់ខ្លួន ក្នុងចំណោមប្រទេសនៅអាស៊ី។
លោកបានបញ្ជាក់ថា បច្ចុប្បន្ននេះ ចំនួនករណីអ្នកជំងឺនៅមន្ទីរពេទ្យនេះ គឺអាចប្រៀបធៀបទៅនឹងមន្ទីរពេទ្យកុមារឈានមុខគេរបស់ប្រទេសជប៉ុនផងដែរ។
តាមរយៈការពង្រីកសកម្មភាពទាំងនេះបន្ថែមទៀត និងអាចឱ្យផ្តោតលើការអភិវឌ្ឍបុគ្គលិកពេទ្យ ហើយមន្ទីរពេទ្យថ្មីនឹងក្លាយជាមជ្ឈមណ្ឌលវេជ្ជសាស្ត្រកុមារដោយឥតគិតថ្លៃ ជាលក្ខណៈអន្តរជាតិ ដែលតំណាងឱ្យតំបន់អាស៊ីទាំងមូល។
នេះគឺជាគម្រោងដែលមានគោលបំណង កាត់បន្ថយគម្លាតរស់រានមានជីវិតនៅអាស៊ី ឱ្យធ្លាក់សល់ជិតសូន្យតាមដែលអាចធ្វើទៅបាន។
សូមគាំទ្រគម្រោងនេះ ដើម្បីឱ្យកុមារទាំងអស់អាចទទួលបានការថែទាំវេជ្ជសាស្រ្តកម្រិតខ្ពស់ ដោយមិនប្រកាន់ប្រទេសកំណើតពួកគេ៕
សម្រាប់ការចូលរួមបរិច្ចាគ ឬស្វែងយល់ព័ត៌មានបន្ថែម សូមចូលទៅកាន់ ( Japan Heart/មជ្ឈមណ្ឌលព្យាបាលកុមារ បេះដូងជប៉ុន )