កាលពីថ្ងៃម្សិលមិញសហរដ្ឋអាមេរិកតាមរយៈលោកត្រាំបានធ្វើការដំឡើងពន្ធនាំចូលទៅកាន់ប្រទេសជាច្រើន ដោយក្នុងនោះអាមេរិកបានដំឡើងពន្ធនាំចូលទៅកាន់ប្រទេសចិនដែលជាមហាអំណាចទី២ក្នុងលោកដោយដំឡើងពន្ធនាំចូលចិនចំនួន៣៤%។

បើយោងតាមការចុះផ្សាយរបស់ Fox Business មុននេះបន្តិចបានឲ្យដឹងថាជាការឆ្លើយតបទៅកាន់អាមេរិកវិញ ប្រទេសចិនបានសម្រេចដាក់ពន្ធនាំចូលរបស់អាមេរិកទៅកាន់ចិនចំនួន៣៤%ស្មើគ្នាត្រឹមតែម្ដងដោយអនុវត្តជាផ្លូវការចាប់ពីថ្ងៃទី១០ខែមេសានេះតទៅ។

 អ្នកនាំពាក្យក្រសួងការបរទេសចិនលោក Guo Jiakun បានដឹងថាអាមេរិកប្រកាសដំឡើងពន្ធនាំចូលប្រទេសជាច្រើនដោយរាប់បញ្ចូលទាំងចិន ហើយទង្វើនេះគឺបំពាននឹងច្បាប់អង្គការពាណិជ្ជកម្មពិភលោកនិងធ្វើឲ្យប្រព័ន្ធធ្វើពាណិជ្ជកម្មពហុភាគីកាន់តែអស់ឥទ្ធិពល។

លោកបន្តទៀតថា”រដ្ឋាភិបាលចិនសូមធ្វើការជំទាស់ដាច់ខាតចំពោះទង្វើនេះ ព្រមទាំងធ្វើអ្វីគ្រប់យ៉ាងដើម្បីការពារត្រឹមត្រូវស្រប់របស់ខ្លួន។ ត្រង់នេះលោកក៏បានបញ្ជាក់ផងដែរថាសង្រ្គាមពាណិជ្ជកម្មនិងសង្រ្គាមពន្ធនេះគ្មានអ្នកណាឈ្នះនោះទេ ហើយសូមឲ្យអាមេរិកឲ្យបញ្ឈប់ទង្វើដែលខុសឆ្គងបែបនេះជាបន្ទាន់។ ហើយសូមឲ្យអាមេរិករកផ្លូវថ្មីក្នុងការដោះស្រាយបញ្ហាពាណិជ្ជកម្មជាមួយចិនតាមរយៈការចរចារនិងគោរពប្រយោជន៍ទាំងសងខាង”។

គួរបញ្ជាក់ផងដែរអាមេរិកបានសម្រេចដំឡើងពន្ធនាំចូលរបស់ចិនមកកាន់អាមេរិកដោយគិតពន្ធ៣៤%ដែលជាពន្ធទៅវិញទៅមកា(Reciprocal tariff) ដោយផ្អែកលើឱនភាពពាណិជ្ជកម្មដែលសហរដ្ឋអាមេរិកមានជាមួយចិន៕