ផ្ទះគឺជាទីជម្រកដែលមិនអាចខ្វះបាន​នៅក្នុងជីវិតយើង ហើយវាក៏ជាការវិនិយោគដ៏ធំមួយផងដែរ។ ដូច្នេះមុននឹងលោកអ្នកសម្រេចចិត្តទៅទិញផ្ទះតាមគម្រោងណាមួយលោកត្រូវតែពិនិត្យឯកសារមួយចំនួនជាមុនសិន ដើម្បីចៀសវាងប៉ះពាល់ដល់ការទិញផ្ទះរបស់លោកអ្នក។

យោងតាមការដកស្រង់ចេញពីសារព័ត៌មាន HOUSING បានប្រាប់អំពីឯកសារមួយចំនួនដែលលោកអ្នកគួរពិនិត្យសិនមុនសម្រេចចិត្តដកលុយទៅទិញផ្ទះ៖

១.ភាពស្របច្បាប់

មុនពេលលោកអ្នកទិញផ្ទះពីគម្រោងណាមួយត្រូវស៊ើបសួររកច្បាប់ទំលាប់ពីម្ចាស់គម្រោង ឬអ្នក​លក់​ជាមុន​សិន ហើយបើមានមន្ទិលសង្ស័យលើគម្រោងនោះ លោកអ្នកត្រូវស្រាវជ្រាវ ឱ្យច្បាស់លាស់​ពី​គម្រោ​ង​នោះ​ដោយខ្លួនឯង ឬជួលអ្នកជំនាញផ្នែកស្រាវជ្រាវគម្រោង ឬអ្នកស្រាវ​ជ្រាវណាមួយ​ក៏ដោយ​ដែល​លោកអ្នកទុកចិត្តឱ្យសិក្សា និងស្រាវជ្រាវពីច្បាប់ទំលាប់នៃការអភិវឌ្ឍគម្រោងនោះមានដូចជា៖ តើគម្រោងនោះបានធ្វើការចុះបញ្ជីក្រុមហ៊ុនហើយឬនៅ? មានប័ណ្ណប៉ាតង់ត្រឹមត្រូវដែរឬទេ? មានអាជ្ញា​ប័ណ្ណ​​អភិវឌ្ឍលំនៅដ្ឋានទេ? មានច្បាប់សាងសង់ទេ?

២. លិខិតអនុញ្ញាតសាងសង់

លិខិតនេះគឺ ដើម្បីបញ្ជាក់ថាគម្រោងមានកម្រិតគុណភាព និងបច្ចេកទេសដែលត្រូវបានទួលស្គាល់ពីក្រសួងរៀបចំដែនដី នគរូបនីយកម្ម និងសំណង់។ ចំពោះគម្រោងដែលមានអញ្ញាប័ត្រអាជីវកម្មអភិវឌ្ឍលំនៅឋានប្រភេទទី២ខាងលើ អ្នកអភិវឌ្ឍអាចលក់គម្រោងបានតែមានសិទ្ធិត្រឹមទទួលយកប្រាក់កក់ត្រឹម ១%នៃតម្លៃផ្ទះប៉ុណ្ណោះ។ ប្រសិនជា ក្រសួងសម្រេចមិនចេញលិខិតអនុញ្ញាតសាងសង់ឲ្យគម្រោងអភិវឌ្ឍនេះទេ អ្នកទិញត្រូវទទួលបានប្រាក់នោះមកវិញ។។

៣. ប្លង់ដី

​ត្រូវពិនិត្យមើលថាប្លង់ដីនោះជាប្រភេទប្លង់រឹងដែលកាន់កាប់ពេញសិទ្ធិដោយអ្នកអភិវឌ្ឍឬ ជាដីជួលពីរដ្ឋ ក្នុងរយៈពេលវែងឬយ៉ាងណា? តើអ្នកអភិវឌ្ឍមានដាក់ប្លង់ដីនោះបញ្ចាំជាមួយធនាគារដែរឬទេ?

៤. ស្ថានភាពនៃការបង់ពន្ធ

ការមិន បង់ពន្ធលើ អចលនទ្រព្យ គឺជាបន្ទុកដ៏ធំ ដែលប៉ះពាល់ដល់ទីផ្សារអចលនទ្រព្យ។ ដូច្នេះ អ្នកទិញត្រូវតែផ្ទៀងផ្ទាត់ជាមួយអាជ្ញាធរសិនថាតើ អ្នកដែលលក់ផ្ទះឱ្យអ្នកមិនបានខកខានក្នុងការបង់ពន្ធអចលនទ្រព្យ?​

សុំវិក័យបត្រប្រើប្រាស់ទាំងអស់ពីអ្នកលក់។ សូមចំណាំនៅទីនេះថានៅពេលដែលអចលនទ្រព្យត្រូវបានផ្ទេរក្នុងឈ្មោះរបស់អ្នក អ្នកនឹងទទួលខុសត្រូវក្នុងការបង់ប្រាក់ដែលមិនទាន់សម្រេចទាំងអស់ប្រឆាំងនឹងអចលនទ្រព្យ ឧបករណ៍ប្រើប្រាស់ ឬផ្សេងទៀត៕​

អត្ថបទដោយ៖ ឌឿក ស្រី នុត