យោងតាមសេចក្តីសម្រេចរបស់រដ្ឋាភិបាល ចុះនៅក្នុងខែមេសា ឆ្នាំ២០២៥ បានអនុញ្ញាតឱ្យក្រសួងការពារជាតិ ជ្រើសរើសពលទាហាន ចំនួន៣០០ (បីរយ)នាក់ សម្រាប់បំពេញ ក្របខ័ណ្ឌឱ្យកងឯកភាពចំនួន៤ ដូចខាងក្រោម៖
១.បញ្ជាការដ្ឋានកងទ័ពជើងអាកាស ចំនួន ១០០ នាក់
២. កងឯកភាព ចំណុះបញ្ជាការដ្ឋានវិស្វកម្ម អគ្គបញ្ជាការដ្ឋាន ចំនួន ១៥០ នាក់
៣. មជ្ឈមណ្ឌលហ្វឹកហ្វឺនពហុសាសន៍ ចំណុះមូលដ្ឋានសមុទ្ររាម កងទ័ពជើងទឹក ចំនួន ៣០ នាក់
៤. វិទ្យាស្ថានបញ្ជាការសេនាធិការ ចំនួន ២០ នាក់
យ៉ាងណាមិញចំពោះកិច្ចការនេះនឹងត្រូវទទួលបន្ទុកដោយថ្នាក់ដឹកនាំកិច្ចការទីស្តីការគណៈរដ្ឋមន្ត្រី ,ក្រសួងសេដ្ឋកិច្ចនិងហិរញ្ញវត្ថុ ,ក្រសួងការពារជាតិ អគ្គមេបញ្ជាការ នៃកងយោធពលខេមរភូមិន្ទ និងគ្រប់ក្រសួងស្ថាប័នទាំងអស់ដែលពាក់ព័ន្ធ៕
