វាគឺជារឿងគួរភ្ញាក់ផ្អើលមួយ ធ្លាប់តែឃើញនិស្សិតបញ្ចប់ការសិក្សាផ្នែកវិស្វកររត់ទៅធ្វើជាអ្នកសាងសង់អាគារ ផ្ទះ និងខុនដូរជាដើម ប៉ុន្តែចំឡែកអីយុវជនវ័យជាង២៧ឆ្នាំរូបនេះវិញរៀនចប់ បែជារត់មកលក់សាច់អាំងទៅវិញ ហើយថែមទាំងអាចទាញភ្ញៀវចូលស្ទើរពេញៗហាងជារាងរាល់ថ្ងៃថែមទៀត។ តើគាត់មានចំណុចខ្លាំង ក៏ដូចជាពិសេសៗអ្វីខ្លះដើម្បីអាចទាញភ្ញៀវច្រើនបែបនេះ?
យុវជនវ័យក្មេងលោក Boonsit Kraitas ហៅ Tul ដែលត្រូវបានគេស្គាល់ថាជាម្ចាស់ហាងលក់ស៊ុប សាច់អាំងយីហោ BUTTER ដ៏ល្បីមួយនៅក្នុងទីក្រុងបាំងកកបានលើកឡើងថា លោកធ្លាប់ជាអតីតនិសិស្សវិស្វកម្ម ប៉ុន្តែដោយសាតែជំងឺកូវីឌ១៩ ធ្វើឱ្យលោកអត់ការងារធ្វើ ព្រោះមានគម្រោងជាច្រើនបានផ្អាកការសាងសង់។ ដោយមើលឃើញថា ខ្លួនពំុមានចំណូលសោះ លោកក៏ដើរមើល ដើរសង្កេតនៅក្នុងក្រុងដោយឃើញថា វិស័យចំណីអាហាររាងនៅប្រសើរជាងគេ។
ទន្ទឹមនឹងនោះដែរ បន្ទាប់ពីជំងឺដ៏កាចសាហាវបានចាប់ផ្តើមធូរស្បើយ លោកក៏ចាប់ផ្តើមធ្វើតាមផែនការដែលលោកបានគ្រោងទុក ពោលគឺលោកបានចូលប្រឡូកក្នុងវិស័យម្ហូបអាហារ គាត់ចាប់ផ្តើមលក់ស៊ុបសាច់អាំង ដោយមានការពិភាក្សាច្បាស់លាស់ជាមួយអ្នកជំនាញក្នុងវិស័យនេះ ដោយដោយពឹងលើរូបមន្តសំខាន់ៗចំនួនបី អាចទាញភ្ញៀវពេញៗ ដោយមួយថ្ងៃៗមានភ្ញៀវចូលញ៉ាំក្បែរ៦០តុឯណោះ។ ដោយរូបមន្តទាំងនោះរួមមាន៖
១. គុណភាពទំនិញស្រស់ៗ៖ ចំណុចនេះ លោក Tul បានលោកឡើងថាជាធម្មតាអាហារក្លាសសេរសជាតិមិនឆ្ងាញ់ដូចអាហារថ្មីៗទេ ដូច្នេះហើយទើបលោកទិញ បន្លែរសាច់សម្រាប់ប្រើការតែមួយថ្ងៃៗតែប៉ុណ្ណោះដូចជា គ្រឿងសមុទ្រ សាច់ បន្លែរជាដើម ពោលគឺលោកមានម៉ូយប្រចាំតែម្តងហើយសិទ្ធតែជាទំនិញដែលមានប្រភពច្បាស់ទាំងអស់។
ស្របគ្នានេះដែរ នៅពេលដែលទំនិញយើងស្រស់ៗល្អ រសជាតិឆ្ងាញ់ អតិថិជននឹងមកហើយមកទៀត ហើយថែមទាំងជួយណែនាំទៅកាន់អ្នកផ្សេងៗឱ្យមកថែមទៀត។
២. ចេះរើសចុងភៅ៖ សាច់ស្រស់ បន្លែស្រស់ តែបើផ្សំគ្រឿងខុស ស្មើនឹងរសជាតិអន់។ សហគ្រិនរូបនេះបានលើកឡើងថា ការជ្រើសចុងភៅគឺជារឿងសំខាន់បំផុតមួយ ព្រោះភ្ញៀវចំណាយលុយដើម្បីប្តូរយកអាហារដែលមានរសជាតិឆ្ងាញ់ ហើយបើអស់លុយហើយ ញ៉ាំមិនកើត ភ្ញៀវមួម៉ៅហើយ គេចូលតែម្តងៗទៀត។ ដោយសារតែហេតុផលនេះហើយ លោកបានសម្រេចចិត្ត ជ្រើសរើសចុងភៅដែលមានបទពិសោធន៍យូរឆ្នាំ ចៀសវាងយកអ្នកមិនធ្លាប់មានបទពិសោធន៍មកធ្វើការ។
៣. ផ្សាព្វផ្សាយ៖ ជាទូទៅបណ្តាញសង្គមតែងតែរុញព័ត៌មានអ្វីដែលអ្នកប្រើប្រាស់តាមដានទៅកាន់ញូហ្វីតរបស់ពួកគេ ដូច្នេះហើយលោកព្យាយាមផ្សាព្វផ្សាយយីហោរបស់ខ្លួន គ្រប់ច្រកល្ហក់ទាំងអស់ឱ្យតែគិតថាអាចទៅដល់អតិថិជនរបស់ខ្លួនគឺលោកព្យាយាមធ្វើការផ្សាព្វផ្សាយតាមដែលអាចធ្វើបានទាំងអស់៕
