ដល់ពេលហើយដែលបងប្អូនប្រជាជនខ្មែរទាំងអស់ គួរតែងាកមកជួយគាំទ្រនៅយីហោកាហ្វេរបស់កូនខ្មែរយើងដែលខំបង្កើតឡើង ជាពិសេសនោះគឺហាងកាហ្វេ Gather Grounds ខណៈយីហោមួយនេះបានបង្កើតឡើងដោយកូនខ្មែរសុទ្ធសាធគឺ អ្នកស្រី ​នី ប៉ាឡូណា ជាម្ចាស់ម៉ាកយីហោ Gather Grounds ចំណែករចនាបទនៅក្នុងហាងកាហ្វេវិញគឺបែបខ្មែរ ១០០% តែម្តង។

ចំពោះហាងកាហ្វេ Gather Grounds នេះដែរ បើនិយាយអំពីរសជាតិកាហ្វេនិងអាហារវិញ គឺចម្រាញ់ពីគ្រឿងទេសដែលមានគុណភាពខ្ពស់សម្រាប់ប្រជាជនកម្ពុជាផ្ទាល់តែម្តង ជាពិសេសនោះ Gather Grounds គឺបានបង្កើតនូវការគាំទ្រផលិតផល កសិផលក្នុងស្រុក តាមរយៈការប្រើប្រាស់បន្លែ ត្រីសាច់ និងគ្រឿងផ្សំផ្សេងៗរាប់រយមុខជារៀងរាល់ថ្ងៃផ្គត់ផ្គង់នៅតាមសាខាទាំងអស់នៃ Gather Grounds ផងដែរ។

ក្រៅពីជួយគាំទ្រផលិតផល កសិផលក្នុងស្រុក បើយើងក្រឡេកទៅមើលតាមសាខានីមួយៗរបស់  Gather Grounds គឺមានការរចនាប្លែកៗពីគ្នាហើយស្រស់ស្អាតខ្លាំងណាស់ ជាពិសេសនោះគឺសាខាមាត់ទន្លេផ្ទាល់តែម្តង គឺមានការកែច្នៃពីសំណង់អគារដ៏ចំណាស់ដែលមានអាយុកាលជាង ១២០ឆ្នាំ ដែលមានរចនាបទបែបខ្មែរ ចិន និងបារំាង មើលទៅពិតជាស្រស់ស្អាតខ្លាំងមែនទែន ប្រសិនជាបងប្អូនបានចូលទៅក្នុងអគារនោះគឺពិតជាត្រជាក់ហើយប្លែកភ្នែកខ្លាំងណាស់។

ជាមួយគ្នានោះដែរ អ្នកស្រី ​នី ប៉ាឡូណា ជាម្ចាស់ម៉ាកយីហោ Gather Grounds បានមានប្រសាសន៍ថា ចំពោះគោលបំណងដែលអ្នកស្រីបង្កើតហាងកាហ្វេនេះឡើងមកគឺចង់ផ្តល់ជូនអតិថិជនរបស់យើងនូវសេវាកម្មដែលល្អបំផុតជាមួយរសជាតិម្ហូបអាហារដែលមានឱជារសឈ្ងុយឆ្ងាញ់ និងការរចនាតុបតែងដែលមានការច្នៃប្រឌិតខ្ពស់ព្រមជាមួយបរិយាកាសស្រស់ស្រាយជាទីគាប់ចិត្ត។

យ៉ាងណាមិញ បើនិយាយអំពីរសជាតិភេសជ្ជៈនៅហាងកាហ្វេ Gather Grounds វិញ គឺមានរសជាតិប្លែកៗហើយឆ្ងាញ់ខ្លាំងមែនទែន មិនថាទាំងម្ហូបអាហារ ភីហ្សា នោះទេគឺរសជាតិសមនឹងតម្លៃតែម្តង។

ដូច្នេះហើយ សម្រាប់បងប្អូនដែលចង់គាំទ្រផលិតផលខ្មែរ គាំទ្រយីហោហាងកាហ្វេរបស់ខ្មែរ កុំភ្លេចទៅហាងកាហ្វេរបស់ Gather Grounds ព្រោះយីហោមួយនេះតាមសាខានីមួយៗគឺពោរពេញទៅដោយការរចនាបទបែបសម័យបារាំង បរិស្ថានល្អក៏ សេវាកម្មក៏ល្អ សាកសមបំផុតសម្រាប់អ្នកចូលចិត្តអង្គុយនៅហាងកាហ្វេ និងអង្គុយធ្វើការជាដើម។

គួរជម្រាបថា បើសិនបងប្អូនចង់ទៅឃើញហាងកាហ្វេ Gather Grounds ដោយផ្ទាល់អាចទៅទាំង៣សាខាឬអាចទំនាក់ទំនងទៅកាន់លេខទូរស័ព្ទ: 093990992 / 061880887 ។

១.សាខាភ្នំពេញថ្មី: https://maps.app.goo.gl/fC5okmZMaUWJX8889

២.សាខាឥន្រ្ទទេវី: https://maps.app.goo.gl/vYRkpCdmE3WQ9dGQ6

៣.សាខាមាត់ទន្លេ: https://maps.app.goo.gl/qGgCjDgXxeDbuVxf8

៤. សាខាក្រសួងដែនដី នគរូបនីយកម្ម និងសំណង់ (បើកដំណើរការឆាប់ៗនេះ) https://maps.app.goo.gl/TD6ZXUQSP7sib4vi9?g_st=atm