នេះជាថ្ងៃប្រកាសលទ្ធផលប្រឡងបាក់ឌុប និងគេហទំព័រពិនិត្យមើលលទ្ធផល
Bunthoeun KoemAUGUST 30 20255.9 K views

ការប្រឡងសញ្ញាបត្រមធ្យមសិក្សាទុតិយភូមិ (ឬប្រឡងបាក់ឌុប) សម្រាប់ឆ្នាំ២០២៥ ដែលប្រព្រឹត្ដឡើងរយៈពេល ២ ថ្ងៃ គឺថ្ងៃទី២៨-២៩ សីហា បានបញ្ចប់ទៅហើយ នៅឡើយរង់ចាំពិនិត្យមើលលទ្ធផលនៃការប្រឡងតែប៉ុណ្ណា។

541140036 1187821580037930 1607434427086607682 N

យ៉ាងណាយោងតាមសេចក្ដីប្រកាសព័ត៌មានរបស់ក្រសួងអប់រំ យុវជន និងកីឡា កាលពីថ្ងៃទី២៩ ខែសីហា ឆ្នាំ២០២៥ បានឲ្យដឹងថា លទ្ធផលនៃការប្រឡងទុតិយភូមិឆ្នាំ២០២៥ នេះនឹងត្រូវប្រកាសនៅថ្ងៃទី ២០ ខែកញ្ញា ឆ្នាំ២០២៥ ព្រមទាំងធ្វើការផ្សព្វផ្សាយតាមបណ្ដាញទំនាក់ទំនងសង្គមផ្លូវការរបស់ក្រសួងអប់រំ យុវជន និងកីឡា facebook.com/moey.gov.kh ផងដែរ។

នៅក្នុងសេចក្ដីប្រកាសព័ត៌មានរបស់ក្រសួងដដែលបានឲ្យដឹងថា​ ប្រឡងបាក់ឌុបឆ្នាំនេះ មានបេក្ខជនចុះឈ្មោះប្រឡងសរុប ១៤៦,៧២០នាក់ ស្រី ៨១,៤៤២នាក់ ក្នុងនោះបេក្ខជនថ្នាក់វិទ្យាសាស្ត្រ ៤០,៦៧៨នាក់ (ស្រី ២៤,៥១៩នាក់) បេក្ខជនថ្នាក់ វិទ្យាសាស្ត្រសង្គម ១០៦,០៤២នាក់ (ស្រី ៥៦,៩២៣នាក់)។

មណ្ឌលប្រឡងសរុប ២៤១មណ្ឌល ត្រូវជា ៥,៩២៤បន្ទប់ ក្នុងនោះថ្នាក់វិទ្យាសាស្ត្រ ៧២មណ្ឌល ត្រូវជា ១,៦៥៥បន្ទប់ និងថ្នាក់វិទ្យាសាស្ត្រសង្គម ១៦៩ មណ្ឌល ត្រូវជា ៤,២៦៩បន្ទប់។ ចំនួនគណៈមេប្រយោគទូទាំងប្រទេស និងគណៈកម្មការនានា នៅក្នុងដំណើរ ការសំណេរសរុប ៣១,២០៣នាក់។ 

ក្នុងនោះដែរសម្រាប់សិស្សានុសិស្សដែលចង់បន្ដការសិក្សានៅសាកលវិទ្យាល័យ ឬជំនាញបន្ដ អាចពិនិត្យមើលសាកលវិទ្យាល័យឯកជនល្បីៗខាងក្រោមនេះបាន ដែលមានជំនាញជាច្រើន៖

  • សាកលវិទ្យាល័យបញ្ញាសាស្ត្រកម្ពុជា (PUC)៖ សាកលវិទ្យាល័យនេះត្រូវបានទទួលស្គាល់យ៉ាងទូលំទូលាយថាជាសាកលវិទ្យាល័យឯកជនឈានមុខគេមួយ។ PUC មានកម្មវិធីសិក្សាដ៏សម្បូរបែប និងប្រកបដោយគុណភាពខ្ពស់ ជាពិសេសគឺជំនាញ ភាសាអង់គ្លេស (ដែលល្បីជាងគេ), គណនេយ្យ, ធនាគារ, ធុរកិច្ចអន្តរជាតិ និង វិទ្យាសាស្ត្រកុំព្យូទ័រ។ បរិយាកាសសិក្សាមានលក្ខណៈអន្តរជាតិ និងទំនើប។ ទាក់ទងសាកសួរព័ត៌មាន៖ 085 394 145 / 017 834 343

 

  • សាកលវិទ្យាល័យបៀលប្រាយ (BB)៖ ជាសាកលវិទ្យាល័យមួយដែលមានកេរ្តិ៍ឈ្មោះយូរអង្វែង និងមានសាខានៅតាមបណ្ដាខេត្តមួយចំនួន។ BB ល្បីខាងជំនាញ គណនេយ្យ, ហិរញ្ញវត្ថុ, ធនាគារ, គ្រប់គ្រង, ទេសចរណ៍ និង IT ជាដើម។ សាកលវិទ្យាល័យនេះ ក៏មានកម្មវិធីសិក្សាផ្ដោតលើការអនុវត្តជាក់ស្ដែង ដើម្បីត្រៀមខ្លួនសម្រាប់ទីផ្សារការងារ។ ទាក់ទងព័ត៌មានបន្ថែម៖012 682 777 / 015 682 777

 

  • សាកលវិទ្យាល័យន័រតុន (NORTON)៖ បើអ្នកចាប់អារម្មណ៍លើជំនាញ វិស្វកម្ម ជាពិសេស វិស្វកម្មសំណង់ស៊ីវិល និង ស្ថាបត្យកម្ម, NORTON គឺជាជម្រើសដ៏ល្អមួយ។ ក្រៅពីនេះ NORTON ក៏មានជំនាញ ព័ត៌មានវិទ្យា និង ពាណិជ្ជសាស្ត្រ ផងដែរ។ ទាក់ទងព័ត៌មានបន្ថែម៖ 010 90 05 27

 

  • សាកលវិទ្យាល័យអាមេរិកាំងភ្នំពេញ (AUPP)៖ នេះជាជម្រើសដ៏ល្អសម្រាប់អ្នកដែលមានបំណងចង់ទទួលបានការអប់រំដូចនៅសហរដ្ឋអាមេរិក។ AUPP ផ្ដល់កម្មវិធីសិក្សាជាភាសាអង់គ្លេសទាំងស្រុង និងមានសញ្ញាបត្រពីរ (មួយពី AUPP និងមួយទៀតពីសាកលវិទ្យាល័យដៃគូនៅអាមេរិក)។ ជំនាញល្បីៗមានដូចជា គ្រប់គ្រងធុរកិច្ច, ច្បាប់ និង វិទ្យាសាស្ត្រកុំព្យូទ័រ។ ការបណ្ដុះបណ្ដាលមានលក្ខណៈតឹងរ៉ឹង តែគុណភាពខ្ពស់។ ទាក់ទងព័ត៌មានបន្ថែម៖ 023 990 023

 

  • សាកលវិទ្យាល័យកម្ពុជា (UC)UC ផ្ដល់ជម្រើសជំនាញជាច្រើនដូចជា ច្បាប់, សេដ្ឋកិច្ច, ការគ្រប់គ្រង និង អប់រំ។ សាកលវិទ្យាល័យនេះមានកេរ្តិ៍ឈ្មោះល្អ និងមានកម្មវិធីសិក្សាដែលឆ្លើយតបទៅនឹងតម្រូវការទីផ្សារការងារនាពេលបច្ចុប្បន្ន។ ទំនាក់ទំនងព័ត៌មានបន្ថែម៖ 069 521 111

 

Img 20250829 173708 208

Img 20250829 173708 357

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2025 Baksey Media. All Rights Reserved.
Developed by: Technology Cambodia