មហាសេដ្ឋីលំដាប់ទី៧ របស់ពិភពលោក Bill Gates បានព្យាករណ៍ថា បញ្ញាសិប្បនិម្មិត្ត (AI) នឹងមានឥទ្ធិពលផ្លាស់ប្តូរលើទិដ្ឋភាពផ្សេងៗនៃជីវិតរបស់មនុស្សក្នុងរយៈពេល ៥ឆ្នាំខាងមុខ។ នេះបើយោងតាមការចេញផ្សាយរបស់សារព័ត៌មាន CNN។

លោក Bill Gates បាននិយាយយ៉ាងដូច្នេះថា៖ «ប្រភេទបច្ចេកវិទ្យាថ្មី ដែលក្នុងចំណោមរបស់ផ្សេងទៀតនឹងជំនួសស្មាតហ្វូន។ ហើយអ្វីដែលយើងនឹងឃើញនៅពេលបន្តិចទៀតនេះគឺ ស្នាមសាក់អេឡិចត្រូនិច (electronic tattoo)»។ ការលើកឡើងនេះ លោកចង់សំដៅលើការចាក់សាក់អេឡិចត្រូនិចដែលបង្កើតឡើងដោយក្រុមហ៊ុន Chaotic Moon ជាបច្ចេកទេសផ្អែកលើបច្ចេកវិទ្យាជីវសាស្រ្តដែលមានគោលបំណងវិភាគ និងប្រមូលព័ត៌មានពីរាងកាយមនុស្សតាមរយៈស្នាមសាក់នោះ។

ក្នុងចំណោមទិន្នន័យមួយចំនួនធំ សាក់អេឡិចត្រូនិច (electronic tattoo)នឹងរក្សាទុក យោងតាមរយៈការពិភាក្សាដំបូងអំពីព័ត៌មានវេជ្ជសាស្ត្រ និងកីឡា ស្នាមសាក់នេះនឹងអាចការពារ និងគ្រប់គ្រងជំងឺ ព្រមទាំងធ្វើឱ្យប្រសើរឡើងនូវការអនុវត្តរាងកាយ និងកីឡាតាមរយៈការផ្តល់សញ្ញាសំខាន់ៗ។

ទោះបីជាស្ថិតក្នុងដំណាក់កាលអភិវឌ្ឍន៍ក៏ដោយ សាក់អេឡិចត្រូនិច (electronic tattoo)ត្រូវបានគេដឹងថា វានឹងត្រូវបានអនុវត្តជាបណ្តោះអាសន្នលើស្បែករបស់មនុស្សដោយមានឧបករណ៍ចាប់សញ្ញាតូចតាច និងឧបករណ៍តាមដានដែលបញ្ជូន និងទទួលព័ត៌មានតាមរយៈទឹកថ្នាំពិសេសធ្វើចរន្តអគ្គិសនី។ គំនិតរបស់លលោក Bill Gates ដូចដែលយើងបានឃើញនៅក្នុងខ្សែភាពយន្តហូលីវូដជាច្រើន គឺថាមនុស្សអាចប្រើស្នាមសាក់អេឡិចត្រូនិចដែលបង្កើតឡើងដោយ Chaotic Moon ដើម្បីហៅទូរស័ព្ទ ផ្ញើសារ ឬរកមើលអាសយដ្ឋានជាដើម។

យ៉ាងណាមិញ នេះមិនមែនជាលើកទីមួយទេ ដែលមហាសេដ្ឋីមានបំផុតទី៧លើលោក ហ៊ានធ្វើការទស្សន៍ទាយដូច្នេះ កន្លងមកលោកក៏ធ្លាប់ទស្សន៍ទាយពីរឿងដែលនឹងកើតឡើងនាពេលអនាគតផងដែរ ជាក់ស្តែងលោកបាននិយាយអំពីជំងឺរាតត្បាតដែលនឹងវាយប្រហាមនុស្សជាតិ ខណៈពេលនោះវីរុសកូវីដ-១៩ មិនទាន់លេចវត្តមានលើផែនដីនៅឡើយ៕