មកដល់ឆ្នាំ២០២៥ នេះមានម៉ូដែលទូរស័ព្ទiPhone ជាច្រើនដែលក្រុមហ៊ុនApple ឈប់ឲ្យដំឡើងប្រព័ន្ធប្រតិបត្តិការiOSដែលយើងអាចនិយាយមួយបែបទៀតថាម៉ដែលiPhone ដែលAppleបានចាត់ទុកជាវត្ថុបុរាណហើយអ្នកមិនគួរបន្តប្រើវាតទៅទៀតនោះទេ។

គិតត្រឹមឆ្នាំ២០២៥នេះ ម៉ូដែលiPhone ដែលApple ឈប់ឲ្យupdate ប្រព័ន្ធប្រតិបត្តិការiOS មានដូចជា iPhone X, iPhone 8,  iPhone 8 Plus, iPhone 7, iPhone 7 Plus និងម៉ដែលiPhone ជាច្រើនទៀតដោយរាប់ចាប់ពីiPhone X ចុះក្រោម។

តាមពិតទៅ iPhone ដែលApple ឈប់ផ្ដល់ការupdate iOS គឺអ្នកមិនគួរបន្តប្រើនោះទេ ហើយខាងក្រោមនេះគឺជារឿងមិនល្អទាំង៥ដែលអ្នកមិនគួរបន្តប្រើiPhone ដែលApple ចាត់ទុកជាវត្ថុបុរាណ។

១. ហានិភ័យផ្នែកសន្តិសុខ

 iPhone ចាស់ៗដែលឈប់ទទួលបនាការupdate iOS ធ្វើឲ្យក្រុមhacker ងាយទាញយកទិន្នន័យរបស់អ្នក ជាពិសេសព័ត៌មានផ្ទាល់ខ្លួន App ធនាគារ និងលេខសម្ងាត់(password)ងាយនឹងត្រូវបានគេhackបាន។

២. App ដើរមិនស្រួល៖ App ជាច្រើនដូចជា App ធនាគារ និងApp បណ្ដាញសង្គមសុទ្ធតែត្រូវការការ update ជាប្រចាំនិងទាមទារឲ្យupdate iOS ជំនាញថ្មី។ ដូច្នេះបើអ្នកមិនអាចupdate iOS ទេនោះApp មួយចំនួនមិនអាចប្រើដោយដំណើររលូនបានឡើយ។

៣. ដំណើរមិនល្អ ថ្មីមិនកាន់៖ iOS ជំនាន់ចុងក្រោយមួយឲ្យទូរស័ព្ទអ្នកដើររលូន តែទូរស័ព្ទចាស់ៗអ្នកនឹងជួបផលពិបាកក្នុងការប្រើប្រាស់ដូចជា ឆាប់ក្ដៅ ឆាប់អស់ថ្មនិងមានបញ្ហាគាំងជាដើម។

៤. គ្មានឱកាសប្រើមុខងារថ្មីៗ៖ ប្រព័ន្ធប្រតិបត្តិការជំនាន់ចុងក្រោយមានមុខងារជាច្រើនដែលអ្នកអាចប្រើប្រើជាប្រយោជន៍ក្នុងជីវិតប្រចាំថ្ងៃក៏ដូចជាប្រើប្រាស់ជាប្រយោជន៍នៅក្នុងការងារនិងរកស៊ី។ តែបើអ្នកប្រើម៉ូដែលiPhone ចាស់ៗអ្នកមិនអាចប្រើប្រាស់មុខងារទាំងនោះបានឡើយ។

៥. ពិបាករកគ្រឿងបន្លាស់ពេលខូច៖ ពេលខូចម្ដងៗអ្នកនឹងពិបាកក្នុងការរកគ្រឿងបន្លាស់ជួសជុសហើយការជួសជុលអាចត្រូវចំណាយច្រើនខ្លាំង៕